الفزعه ياجمهووووور الزعيم !!! - نادي الهلال السعودي - شبكة الزعيم

تركي المحيميد · #1 15/10/2004, 03:25 PM

السلام عليكم ورحمة الله وبركاته

أبارك لكم هذا الشهر الفضيل والله يجعلنا من عواده انشاءلله

أنا دخلت المنتدى اليوم وانا متحمس جدا جدا جدا بسبة نصراوي
والسالفه هي اني جالس امس مع نصراوي وجاء طاري مباراة بكرى وعن الجمهور
وقال ان جمهور النصر بيكون أكثر من جمهور الهلال !
فضحكت عليه وقلتله انت صادق بكلامك قال ايه والله قلتله انت تدري ان جمهور الهلال
هو أكثر جمهور بالسعوديه قال هذا أول قلت ليه يوم مستويات الهلال كويسه لكن الحين !
قلتله جمهور الهلال وفي مع ناديه و100% بيمتلي استاد فيصل أزرق
قااااال أتحدااااااااااااااااااااااااااااااااااااااااااااادك

وقلتله الوعد السبت انشاءلله

وتكفووون ياشباب لاتخيبون ظني لاتخيبون ظني لااااااااتخيبون ظني
وباذن الله الزعيم سيبدأ المشوار غذاً وتكون مبارياته كلها فوز باذن الله
أكيد كل هالتفاؤل بعد رجوع سامي لمستواه وبعد شفاء الشلهوب .

الله يوفق الزعيم في مباراة بكري وباذن الله بتكووووووووووون هلاليه 100%

المنتههههي · #2 15/10/2004, 03:40 PM

ما عليك منه
من متى جمهور الفقر
صار اكثر منا ؟؟؟؟؟؟؟؟
معد بقى الى هي بعد
انا اول واحد يتحدى معك اخوي

الشاخط · #3 15/10/2004, 04:44 PM

تحصله مصدق نفسه
ان فريقه منافس للزعيم !!!

totti_2005 · #4 15/10/2004, 04:53 PM

ما عليك منه
من متى جمهور الفقر
صار اكثر منا ؟؟؟؟؟؟؟؟
معد بقى الى هي بعد
انا اول واحد يتحدى معك اخوي

الأمل الهلالي · #5 15/10/2004, 05:00 PM

كنت تقله قم بس قم

صراااحة جمهور الفقر ذا هم يعرفون إنهم موقدنا
بس يحاولون ينرفزونا عشان لانحضر للمباراة

يلوموني_فيك · #6 15/10/2004, 06:15 PM

انشالله بحضر ومعي 5

وشكرا

اســــ هلالي ــــد · #7 15/10/2004, 08:24 PM

من متى وجمهور النصر يجي اكثر منا بدررررررري عليهم

والوعد المعلب وانشالله ماراح نخليكم تشوفون اللون البرتقالي

الشلهوب الهلالي · #8 15/10/2004, 08:48 PM

الله الله ياشباب ..

لو المباراة بالشرقية صدقوني كان ماقصرنا ..

لكن البركه فيكم يالرياضيين .. وانتم أكثر مننا ..

الزعيم عبودي · #9 15/10/2004, 09:12 PM

نفس الكلام قاله لي نصراوي... ياليت أقدر أحضر لاكن أنا ماني من الرياض وعندي دوامين وماقدرت أستأذن لاكن جمهور الرياض فيه الخير والبركة تكفون أحضرو علشان أنا أبتابع المبارة ومعي نصراويين أبي اذا شافو جمهور الهلال يعرفون قدرهم. بالتوفيق للزعيم ولكم

ياسيدهم وينك · #10 16/10/2004, 01:56 PM

ان شاء الله بيكون الملعب ممتلي