[[ موضوع للنقاش : أين تذهب كل مساء ؟ ]] - نادي الهلال السعودي - شبكة الزعيم

مزيون الرياض · #1 15/10/2004, 03:07 PM

مرحبا فيكم ..
مبروك عليكم الشهر

الله يجعلنا من صوام وقوام هذا الشهر الفضيل ..
حبايبي [[ الشباب ]]

!

موضوع من زمان وانا ودي اكتب عنه ..
موضوع يثيرني بشكل كبير ..
موضوع الشباب وأين يقضون وقتهم

انا صراحة ما ادري وين تتجهون في الليل في الرياض

؟!
يعني انا اروح مقهى المساء .. واحيانا مع الشباب نفر بالشوارع

لكن من جد

إذا صرت انت وصديقك طالعين سوا .. وين تتجهون

؟
هل فيه مكان تحسون ممكن يبسطنا ويكون يسمح للعـزاب..

الموضوع للنقاش لكي يحصل الشباب على حقوقه

ولي عودة قريبا ..

كايدهم · #2 15/10/2004, 04:24 PM

هلا مزيون الرياض ..

مافيه الا الشارع

شباب الرياض ماله الا قـهوه يجلس فيها أو يطلع للـبــر .. أو يجـتمعون في منزل أحدهم ..

وغيره للعـوائل

مزيون الرياض · #3 16/10/2004, 01:47 AM

إنه لأمر محزن

!!
بالفعـل مأساة .. الواحد ما يدري وين يروح

نفس المكان .. صرنا نروح قهاوي ومطاعم مو حبا بالقهوة والأكل لكن كله من الفراغ !!
يعني ما فيه حل للشباب ؟!

مزيون الرياض · #4 16/10/2004, 01:54 AM

اخوي كايدهم ..
وش احسن قهوة دامنا نسولف بالقهاوي

؟

واحد زاحف · #5 16/10/2004, 09:54 AM

احسن قهوة الدانه

والله الشباب في الرياض محتاسين !!

يعني زي اللي مهوب راعين شيشه وقله حيا !!

يقعد يفرفر في الشوارع لين مايفر راسه فر !!

ولكن عندك التحليه للهجوله ماعاد تنفع للقعده الحين خلاص !!

ماعندك الا تكيات البيوت

انا كنت اقعد بلحالي اول

بس الحين تغير النظام تغيراً جذرياً

ومشكور لك لطرحك هذا الموضوع بالذات

بصراحه الشباب ضايعين

........>> من يجي يدورهم معي

..(مصاله دم)

ملك إسبانيا · #6 19/10/2004, 02:02 AM

والله شخصيا ما اعسل ..
والمعسل مضر بالصحة ..

انا فعلا مالي الا الكوفي شوب ..
دكتور كيف .. واحيانا ستار بوكس اللي في العليا ..
ولو ان فيه اجناس غريبة !!