الشيخ محمد اللحيدان حي العزيزيه جنوب الرياض(اذا كنت جاي من الدائري الشرقي تطلع على الدائري الجنوبي وتمشي لين مخرج 20 وتطلع معه ثمن تلف مع الاشارة يسار(اللي جاي من الغرب يلف يمين)ثمن تسيد لين تجيك اشاره تلف معها يسار على الخدمه على طول وتمشي لين تجيك اشارة وتلف معها يمين وتسيد لين يجيك المسجد على اليسار واضح وكبير (جامع البواردي)


الشيخ ياسر الدوسري الدائري الشمالي مخرج 5(الملك عبدالعزبز) خلف العيسى للسيارات اذا كنت جاي من الشرق بيجيك على اليمين (تطلع مع مخرج 5 وتمشي سيده مع الاشاره الى ان يجيك على اليمين العيسى بتشوفة وراه) واللي جاي من الدائري الغربي يديور مع الاشارة (الشيخ بن باز)

الشيخ ابراهيم العسيري الدائري الشمالي بعد مخرج 3 اذا كنت جاي من الشرق بيجيك على اليمين بعد مخرج 3 تمشي لين يجيك شارع كبير وبتشوف المسجد واللي جاي من الغرب يديورمع 3 ويدبر نفسه لانه مجمع كباريات(جامع الخير)


الشيخ ناصر القطامي مخرج 6 (ابو بكر) اذا كنت جاي من الشرق اطلع مع مخرج 6 ولف يسار مع الاشاره (واللي جاي من الغرب يطلع مع المخرج ويلف يمين)وامش لين تجيك اشارة وديور معها وخلك مع الخدمه الى ان يجيك المسجد داخل الحارة واضح وكبير (مسجد القاضي)


الشيخ ابراهيم الجبرين ماتاكدت مخرج كم هو 24 او 25 (مخرج شبرا او الشفا) اذا كنت جاي من الشرق سيد مع الاشارة لين يجيك المسجد واضح وكبير وله منارتين ولكنه داخل جوا الحاره (مسجد الراجحي)
وهذي بعض الروابط اللي بتفيدكم واي واحد يقدر ينقله لاي منتدى اخر ينقله ولا يتردد



http://alsaha2.fares.net/sahat?128@@.1dd66b4b

http://alsaha2.fares.net/[email protected]@.1dd66909

http://alsaha2.fares.net/[email protected]@.1dd60a70

لايفوتك صوت ياسر الدوسري

ولاتنسى الشيخ عادل الكلباني مسجد الملك خالد(الصراحة مأدلة)
والمسجد الشيخ ناصر الحمد مسجد ابن ماجدة (وانت بالدائري الشرقي جاك مخرج 15 اطلع معه رايح لحي السلي ومخلي اسواق المجد بظهرك قبل لاتوصل اشاره المقبرة تلقاه على اليمين بالحارة داخل شوي)

الله يجزاك خير اخوي ...

الله يجزاكم بالخير ياشباب

جزك الله كل خير

جزاك الله خير .. لكني أُفضل الشيخ إبراهيم العسيري وأقدر واحترم جميع من ذكرتهم

الله يكتبنا مع القائمين