الى الشباب الموجودين في امريكا. بخصوص مباراة الهلال. اقربو الله يحييكم
 

اخواني حبيت اعرف اذا احد يقدر يعلمنا وين نقدر نشوف المباراة على اي قناة. راسلت القناة الاولى من اسبوع وقلت لهم نبي نشوف المباراه بحكم انها تنقل على الدش العادي, لكن الظاهر ماحولي احد.
وراسلت الارتي ونشوف وش بيقولون, لكن توقعاتي ماراح ينقلونها. يتوقعون محد في امريكا من العرب الا الشاميين بس. كل مسلسلات ومنوعات لهم. الله يعين.

معليش شباب كني اعرضت بالموضوع, لكن الله يرحم والديكم اللي يعرف اي شي يقول. وشكلها مافيه الا البالتوك.

مبارك عليكم الشهر الفضيل واعننا الله وياكم على صيامه وقيامه. وتقبل الله اعمالكم ان شاء الله.

يرفع للشباب, ان شاء الله يجي شخص ويعطينا خبر.

اخوي هلالي فرع أمريكا..

السلام عليكم ورحمة الله وبركاته

يبدو لي انه ما لنا إلا القناة الرياضيه السعوديه (الأنترنت)...أنا غسلت يدي من القناة السعوديه الأولى...و ART America

أنا شكلي بحاول أخذ الجنسيه الأماراتيه...واصير اتابع الدوري الأماراتي

أخوانا الأماراتيين عددهم ما يقارن بالسعوديين في أمريكا...ولكن المسؤولين الأمراتيين يبثون لهم
دبي الرياضيه..

المواطن السعودي مهمش في كثير من الأمور وليس في مجال الرياضه فقط...وإذا مو مصدقني
اسأل اللي لهم معاملات مع السفاره أو الملحق الثقافي..


الله يجيب خير


وتمنياتي لك بالتوفيق هنا إن شاء الله

انشاء الله قدرت اساعدك
 

شوف هذا الموقع وبتحصل البث على الانتر نت
http://www.kooora.com/default.aspx?c=445

وهذا العنوان حق بث المباره

http://www.alriyadiah.tv/stream.htm
اتمنى اني اكون قدرت اساعدك




اخوك /FUNTASTEK

يعطيكم العافيه شباب. والله يعين. مثل ماقلت اخوي هلالي كالفورنيا, نسبة السعوديين اكثر في امريكا. وربعنا الله اعانهم وبثو لنا --- 1 اسف القناه الاولى.

Funtastek شاكر لك وضعك للروابط وان شاء الله نشوفها.

يا جماعة الخير حتى موقع الرياضيه بالنت عندي ما يشتغل ابد يبحث بس مايلقى السيرفر لين يقفل وربي احترنا عطونا حل بعدين وشي الروم اللي تنقلها بالبالتوك علمونا عقب روم الزعيم ما اعرف شي ,,,,