الزعيم العالمي نادي الهلال..مع اصحاب الفانيلات الصفراء.. دردشه و( توقعك+حظورك لاهنت)
 

صبحكم الله بالخير..

حيا الله اصحاب الزعامه . . اهل المروة والشهامه ..

أبد والله .. فاضي !! ومطنش الدوام اليوم (( والله من الدجه )) !!

قلت اجي اتونس معكم وندردش سوا .. ( سوا ولا زجول ههههه ينكت )

كلها كم يوم ،،، وتبدأ مباراتنا مع جيران الهنا .. ومندوبي زيورخ وممثلي بلدنا في الفيفا ( اللهم لاشماته)

مع النادي اللي يقولون عنه فارس او حاجه زي كذا !! عرفتوه؟؟

هذاك النادي اللي في الدخل المحدود ورى ميد.. أأأيوه عليكم نور .. اللي حول القريه الشعبيه مناك!

مع النادي الأصفر .. ذلك النادي المحظوووظ في مبارايات الديربي ..

شخصياً ومع ايماني التام ان المنافسه انتهت وحسمت لصالح الزعيم.. الا أنها تظل مباراة شيقه..

ينتظرها الجمهور العربي.. ويستمتع فيها بحماس بني نصر ومحاولاتهم المستميته واليائسه لمجاراة المارد الأزرق!!

وكلا مي هذا ليس نرجسيه . . بل هو الواقع ميه بالميه (( حلوة )) .

ما اقول الا آآآه .. ثم آآآه يانصر..

ظلموك وأي فريق ظلموا !!

قارنوك بالهلال.. بحكم الجيره .. فصدقت وركبت الموجه.. يالله الخيره !! ( مو كني قلبت فصحى ) !!

فاستعد يانصر .. للعقاب الأليم ,, من سامي ورفاقه..

وتجهز لتكون افطاراً شهياً.. لجماهير الزعيم المشتاقه .. (( وش عنده نجيب قباني )) !!

فالتنافس بينكما يا اصفر انتهى منذوو مبطي,, ولكن لا بأس بعلقه جديده ..

الفرق بينكما شاسع الآن .. اقولها بكل حياديه ..

كالفرق بين العليا .. وحي الجراديه .. ( لامؤاخذه يا أهل العزب هناك ) !!

..................................................

أنا متفائل والله بصفه غريبه وكبيرة .. ومتأمل خير ونتيجه ومستوى أزرقين ..

وكلامي هذا ليس تقليلاً من الجار !! فالنصر نادي عريق ..

يملك لاعبين ماشاء الله عليهم.. يعرفون يلبسون الفنايل صح ومايقلبون الأرقام وعيني عليهم بارده

يعرفون يربطون حبال كنادرهم .. ( عيني عليهم بارده ) !!

لكن ؟؟

كلنا نعرف ان النصر = ( ماجد + هريفي + محيسن ) أما البقيه ؟؟؟؟؟!!!!!

ومن يوم اعتزل ثلاثي الغفله الهولندي.. والنصر مو قد الهلال وشبه انتهى .. بعكس الازرق ..

وجماهير النصر كل سنه تقل في مباراة الديربي عن المباراة اللي قبلها .. وذلك لثقتهم التامه انهم

لايجارون الهلال ..

أنا مو خايف من حارثي ولا دمتروف ..

انا خايف من شيئين اثنين لا سابع لهما !!

1- التحكيم .. اللي ينتفض لا قاموا أهل الدكه !!

2- الحظ .. وعلى قولة ام كلثوم الله يرحمها ( والحظ لا منه استقعد,, وش يفكك منه ياوليدي ) !!

اي والله .. هالأصفر ياهو محظوظ .. نسنتر المباراة وينهيها الحكم وحنا في نص ملعبه..

وتلقاه من نص فرصه .. سجل وسرق المباراة.. بالحظ!!

ومباراة ذو القعده الأخيره.. أكبر مثال..

لأنه بصراحه.. من 1417هـ .. والنصر يملك براءة اختراع خطه جديده.. 7 - 2 -1

وخذ دفاع ورفس وتشنج اعصاب حارثيه من المصارع محسن واخوانه ..

....................................................

رجاء من كل هلالي.. التوجه السبت للملعب البرتقالي.. وآه ياالبرتقاله..

لمشاهدة الملحمه الهلاليه الرمظانيه.. وباذن الله.. اتوقعها 2 - صفر .. او 2 - 1 للهلال بحول الله..

وأتمناها .. ( 8 - 3 ) .. وش هاالمسكه !!

أنتم .. وش تتوقعون .. ومن اللي يحظر.. عشان نسوي مسابقه احلى صوت ونخليه يمسك الرابطه؟!!

وقبل الختام ..

قبل لا ينط لي واحد .. مولع السكن .. ويمشي ون هاندرد وعشرين .. ويقول :

وش هاالتخلف؟؟ انت متعصب .. ومن هالكلام اللي ماشي سوقه هاليومين..

احب اقوله.. يروح منتدياتهم الصفراء .. ويشوف خرابيشهم وهرطقاتهم..

ثم بليز يرجع لي.. عشان اقوله:

ان كان حبي للهلال تعصباً.. فاشهد علي بأنني متعصب ..

ودمتم ..

اخوكم الهلالي ابو سارة..

انشالله 2_1 للزعيم

تسلم والله يا ابو ساره
وانا معاك والله اني متعصب
مشكور يا ابو ساره على خفة دمك وعلى دردشتك الحلوه
لا عدمناك يا ابا ساره

:laugh: :laugh: :laugh: :laugh:

الله يقطع سوالفك يا شيخ :rolleyes:

ان شاء الله الفوز للهلال بس لا تتفائل مره النصر مستواهم ثابت من اول الدوري وبحسب النتائج النصر بيفوز :no:

بس زي ما قلت مباريات زي هي ما تخضع لاي مقاييس فبالتوفيق للازرق الحبيب :yes:

اتوقع تعادل :cool:

اما بخصوص تقول لا تقوليلي اني متعصب وشوفو منتداهم فانت لا تنزل مستواك لمستواهم فهذي بطولتهم الوحيده لكل سنه هي مبارياتهم قدام الهلال :rolleyes:

اتمنى الجمهور مو الذهاب بل الزحف للملعب مبكرا لان المباراه راح تكون على استاذ الملز :razz:

تحياتي

انشالله 3_ 0 للزعيم

حرام عليك بهذلتهم خلي الكلام هذا بعد المباراه يكون طعمه احلى
وباذن الله النتيجة تكون 4-0 للذئب ورفاقه

انشا الله وبإذن الله وبإذن واحد أحد 5 / 0 قولو إنشا الله ........

شكراً لكل اللي تفاعلوا .. مع الموظوع..

فان نيستلوري: لاتقلد.. انا توقعتها 2 - 1 قبلك..

شف لك نتيجة غيرهاا..

مشكوور..

_________________

عطشان اسمع يانهر:

لا عدمتك ياغناتي ..

وش رايك نسوي رابطه للمتعصبين؟؟

واحد منا يغني والثاني يطق!!

وين ياعمي داخلين عرس.. هههههههه

مشكور ياقلبي

_____________________

إن شاء الله هلاليه 3/ صفر

ولنا لقاء بعد المباراة

momee999 :

لا مانع .. نبهذلهم قبل الماتش.. وأثناء القيم .. وبعد المباراة ..

شف جبتها بثلاث لغات .. على شانك بس ..

__________________

هلالي جداوي :

اررررحب .. أدري مستوى النصر ماعليه .. يطقطق .. لكن بأسألك:

وش رايك في .. أسد مجروح وشايف ان علاجه في لحم الثور اللي قدامه ..

تتوقع يخليه؟؟

أترك لك الاجابه ..
_____________________________

اخوي الزعيم في الصميم..

ودنا والله توصل الخمسه ..

بس الظروف حالياً ماتسمح..

راجعنا الدور الثاني باذن الله..

الحين اتوقعها هدفين ازرقان (( ياعمري على النحو اللي درسته في نيودلهي ))

وسلامتكم

انا اتوقع 6-0 للزعيم وابو شلهوب مايقصر ويجيب 3 اقوال الساحر الهلالي الشلهوب

الله يعطيك العافيه

انشالله 3 -1

اللله يرجك بلا
موظوع شيق وخفيف ويهيض

اتوقعها تعادل واتمناها فووز هلالي تاريخي
ياااا الله ان تجعلنا نفوز باكثر من 6 اهداف

السلام عليكم:
أخوي أبو سارة للاسف ماأتوقع ان الهلال بيفوز وانا اخالفك الرأي تماما واتحداك اذا فاز الهلال ولنا لقاء بعدالمباراة ولكم تحيايتي وكامل احترامي
وشكرا

ابوسارة


شكرآ على الدردشة هذي


وسامي له كلام يوم السبت


وانت يالكنج الفوز هلالــــــــــــــي ( ان شاء الله )


يقول محسن :

مادام سامي شايل الكابتنية *** الفوز باذن الله هلالي هلالي


محســــــــــــــــــــــــــــــــن