#1  
قديم 25/04/2001, 01:42 PM
زعيــم جديــد
تاريخ التسجيل: 09/01/2001
مشاركات: 12
قراءة في يوم هلالي نصراوي (يوم الخميس)

يالله انك تحيي اللي دخلوا طول الله اعماركم رؤية واقعية لحياة اغلب النصراويين والهلالين يوم المباراة
اول شي الهلالي(اكيد ولا بعد ببدى بالنصر اها بس يحمدون ربهم صاروا بنفس الموضوع)
يقوم مع العصر بعد مااخذ قسطا من الراحة الظهر قيلولة(يمديكم على قيلولة؟؟؟ )
صلي بالمسجد ورجع للبيت تقهوى مع أهله وجلس يسولف وموسعن الصدر ويقلب بهالجرايد ويقرى عناوين فارس نجد الزعيم من سيتأهل ؟
لمن الفوز اليوم؟
هل يحسمها النثر(اوه قصدي النصر)
يجيك هو يتبسم إبتسامه سخرية ويقول يجيب الله مطر الوعد الليلة
جلس مع اهله الى اذان المغرب صلى ومر اخوياه واتجهوا بحفظ الله للملعب وش حليلهم راكدين رابطين الحزام(ياعمري على التلميحات لو يدري عني اسعد عبدالكريم بس) ويمشون بركادة ويدخلون للملعب واثقين
يقصون التذاكر من دون لجة ويدخلون للملعب ويجلسون يشجعون فريقهم تشجيع مثالي ويلتفتون على يمينهم ويقولن يالله لك الحمد والشكر
--------------------------------------------
النصراوي:قايم الساعة 5 عيونه حمر من كثر النوم قام وصلي بالبيت يوم جا يبي يسلم يقطع صلاته تذكر انه ماتوظأ
يتوظا ويخرط صلاة الفجر والظهر والعصر والمغرب والعشاء(ليه صلى المغرب والعشاء لاتسألوني يمكن عشان ماهو طالع من المرجات نازل يصلي تحت يخاف يخذ مكانه ماينلام مطافيق )
ايه مر منرعند اهله طار ويجيه فنجال من ابوه يستفهم على جبهته وراك ماتسلم يالهيس يقوم ويسلم قاله اقعد ويقعد وهو على نار يتحقرص ويتمقرص(يقال فيه فرق بين الكلمتين) يوم اذن المغرب ويطير ويمر اخوياه ويجيونك باعلام وصراخ وطفاقة وكم ماصورة بغوا يشبكون فيها وكم جدار شوي والا يضفونه ومطلعين اعلام كنها ثوب تكرونيه كاشخة يوم العيد بالحرم وخذ ياازعاج لخلق الله
ويوصلون للملعب ويقفون موقف لك عليه وبقووة
وينزلون وهم يصارخون وازعاج وماودك الا تناظرهم وتضحك عليهم
ويوم وصلوا لمكان التذاكر والواحد منهم كاشخ وطاق لك ذيك الشخصية طلع من مكان التذاكر وهو بسروال وفنيلة علاقية الشماغ من جهة والثوب من جهة والعقال من جهة كنهم حجاج افارقة وقت الحج
وتحسبهم عاد عقلوا لا يصارخون ولجة وبالمدرجات ويحلتون على بعض مستانسين اول مرة يحسون انهم فايزين على الهلال مادروا باللي يبي يصير
-------------------------------------------
الساعة تشير الى التامنة والنصف والانظار تترقب ويدخل حكام المباراة ومن ثم يدخ لزعيم وتهتز الارض وتيتديء الامواج ويتز الملعب وتلمح الخوف والذعر في وجوه النصراويه
<<<<<< يصلح نجيب محفوظ
ومن ثم يدخل الهنود اللي يجيبون كور ويصفق لهم الجمهور القابع بالجهة اليمنى لكن يتوقف التصفيق (الله يصلحه سلمان النمشان لازم يحرجهم مالقى الا لون اصفر) ومن ثم يدخل النصر ويبدى جماهير الجهة اليمنى بالمطامر وتخميم بعض وكوعة (متعودين عادي)واللي يصارخ واللي يغشى عليه
وتبدى المباراة وتضع القرعة بداية الللعب للفريق النصراوي ويتوهقون ويطول الانتظار وعلامات الوجوم والذهول(يمديكم على ذولي)بادية على الاوجه
ويستوعب الجميع الموقف ان افراد فريق النثر قد احتاروا من سيذهب لمنتصف الملعب الرئيس(قصدي المدرب) يقول لهم لا تتعدون خط ال18 ويدقون قرعة وتطلع على الحلوي ويروح ويلعب الكورة ويشوته برى ويجيك يمشي الف راجع ورى جاه الحكم قال تعال انت هيه وين لازم تناول احد ن اخوياك رجعها ورى طيب ويجيك ويرجعها ورى ويجيك مجلعد لمكانه وخذ ياتشويت وخذ ياتمزيع الكورة ماتشوفها الا فوق
والدعيع صاف بجنب هادي شريفي ماله شغل هناك قال فرصةنروح نغير جو
وفجاة يجيك روني ويحط هدف وقبل مايقومون والا الثاني وراه وحقين النصر مبسوطين انه بس اثنين بس يقالهم ضايقة صدورهم وهم على فرحتهم يجيك فاول ويجيك الذيب سامي ويعلق محمد خوجلي بابكر بالعارضة ويعلن تاهل الهلال ويصفر الحكم
ويقومون جماهير الهلال يباركون لبعض بثقة وبهدوء بينما حقين الجهة الثانية صياح وضرب تعازي واللي يقول الحكم غشاش ليه ماعطى اللي يجيب الكور كرت وشوله يعطي سامي الكورة بسرعة المفروض يتاخر
واللي يقول انه غشاش ماطرد الشريدة يوم يكسرماجد عبدالله
( ماهو ماعندهم غير فشيلة يقولون حسين هادي او الشاب اللطيف) واللي يقول فاول على التيماوي ليه يجر فنيلة يوسف خميس ويالله خذ من هالاعتراضات ويمر من عندهم واحد ويقول ايه
اذا كان رب البيت للدف ضاربا#########فشيمة اهل البيت كلهم الرقص
ويتحمد الله ويشكره على العقل ويروح وينام بكير عشان يصحى بكير وراه صلاة جمعة بكرا
اما الجهة الثانية صياح وصراخ وينحرون ابو هيثم والشلال ويتبطحون هناك الى الساعة 7 الصبح وسلم لي على صلاة الجمعة
--------------------------------------------
يارب مااكون طولت عليكم والعذر والسموحة
(ان شاء الله)
[عدلت بواسطة فارس الهلال التاريخ:25-04-2001 الساعة: 01:45 PM]
  #2  
قديم 25/04/2001, 01:50 PM
زعيــم نشيــط
تاريخ التسجيل: 08/01/2001
المكان: مدري ... كل يوم ودي اروح مكان
مشاركات: 551
Cool ماقصرت

اخوي فارس الهلال ماقصرت والله ........ وموضوع شيق وحلو
  #3  
قديم 25/04/2001, 02:51 PM
زعيــم جديــد
تاريخ التسجيل: 09/01/2001
مشاركات: 12
مشكورين وما قصرتوا
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:45 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube