سلام شباب ,,,

كلنا يعرف ان اليوم هو الخامس والعشرين من ابريل 25- 4 - 2001 وبعد يوم واحد راح يشتغل فيروس تشيرنوبل أي في الـ 26 من أبريل _ 2001 ,,,

واللي مايعرف فيروس تشيرنوبل أقوله رح نم الله يصلحك ,,,

فيروس تشيرنوبل ياحبايبنا هذا يعدم لك المذر بورد حق جهازك والله مايعرف المذر بورد أقوله إذا جيت تنام تلّحف زين ,,,

لا تسألون وشو المذر بورد لأني ماراح أقول وشو <=== أصلا مايعرف فايدته ,,,

المهم إنه يبي يكلفكم دراهم ,,,

المهم نصيحتي لكم وببلاش إنكم تغيرون تواريخ أجهزتكم من 25 - 4 الى 27 - 4 وإذا جا يوم الجمعه واللي راح يوافق 28 - 4 ( بعد التغيير ) رجعوه الى 27 - 4 وهو التاريخ الحقيقي ,,,

طبعا ولزيادة المعلومات فيروس تشيرنوبل ماله أي برنامج مضاد ( ابد الخالق الناطق أرانب سفر ) وبالتالي لاتعتمد على كون إن عندك برنامج مضاد للفيروسات لأن هذا ماراح ينفعك ,,,

اللي يبي ينفعك ( بعد إرادة الله ) هو تغيير التاريخ ولا فيه شيء ثاني غيره ,,,

رجاءا ياإخوان غيّروا تواريخ أجهزتكم لأن معظمنا ماراح يعرف إن في جهازه هذا الفيروس ولا لا الين يشتغل في التاريخ المحدد ,,,

اللي لا يبارك في اللي سواه ,,,

على طاري اللي سواه تدرون ليه راعيه إخترع هذا الفيروس ؟؟ ,,,

علشان الجميع يتذكر تاريخ ميلاده !!! من جد فاضي

والله لو إنه ابراهيم النجيدي

تحياتي للجميع ,,,

أخوكم / تشيرنوبل النجيدي