رحت للملعب .. وياليتني ماراح (نقاط بالملعب) - نادي الهلال السعودي - شبكة الزعيم

ليفربولي · #1 02/10/2004, 01:23 AM

مراحب شباب ..

بعد حماس ماسك خط من الشمال بالرياض وخسارة بنزين قلنا فدا الزعيم ...

بس ادخل وادفع عشرين ريال عشان اكسر ظهري اشوف مهزله والله شي يشيب الراس ..

ياشباب اخرج من قائمة اشباه الهلال فقط (الدوخي .. والغنام ... والهليل ..)

اما الباقين والله هواة Xهواة

والله المناظر الي شفتها بالملعب شي ما ينوصف شياب كبار يبكون واحد يردد يقول راحت ايامك يابو يعقوب مافي كوره من غيرك وانا تاثرت فعلا ...

بعد نهاية المباراه كل الجماهير توجهو لمدخل الزعيم وكلهم عتاب وسب للاعبين الا الذين ذكرتهم فحيوهم تحيت الابطال ...

كثير من الجماهير طالبو الاداره بالاستقاله ...

أحد الجماهير همه ونومه سامي في الدفاع يقول ناولو سامي وفي الهجوم ناولو سامي وبالوسط ناولو سامي ... (كان بطريقه تنرفز كويس اني تمالكت اعصابي)

بالنسبه للمباراه والله اني طلعت وقلت حسافة العشرين ريال على فريق مثل هذا ( وردد يا ليل ما اطولك عشان تجيبون بطوله )

المنتههههي · #2 02/10/2004, 01:37 AM

مهوب انت بالحالك ...... كل الي راحو زيك واردى واخوك واحد منهم لا وازيدك من الشعر بيت وانا طالع جاتني رجمه في راسي حبة ببسي يحبها قلبك خلتني اكره الهلال والملعب

ليفربولي · #3 02/10/2004, 02:27 AM

مشكور على المرور

الأسل · #4 02/10/2004, 03:18 AM

المنتههههى تعيش وتاكل غيرها,,
ليفربولى الله يصبرنا على هالبلاوي,,

المــراوغ · #5 02/10/2004, 03:30 AM

[CENTER]

والله انا اللي بغيت اكلها طق من اخوياي

لي اسبووووع وانا محررص عليهم

وهم كلهم امل على 2-9

وفي النهايه طلعنا من المبارة

واكلتها شرشحه كاني لاعب معهم :p

المهم الله يوفق الهلال في المباريات الجايه وباحاول اشغل نفسي

لاني صراحة اعصابي خلصت والله يستر لا يجني ضغط وسكر وانا في عز شبابي

اخـــــــــــــــــــــــــــــوكم مــــــــــــــــــراوغ

[/CEN
TER]

spanish eyes · #6 02/10/2004, 10:42 AM

برشلونة ينهزم بالخمسة من فريق في الوسط

والجمهور يحضر بخمسين الف ويرفع المناديل البيضاء كاحتجاج

والنتيجة برشلونة من المركز 13 الى المركز الثاني

الهلال يترنح ويأتي جمهورنا الكريم ليقول خسارة في الفريق وووووو

يا اخي هذا حال الدنيا يوم لك ويوم عليك

الا اذا كنت تشجع فقط في الانتصارات والبطولات

فانتظر اترك تشجيع الهلال

ولكن عندما يعود لا تفكر في الرجوع

لان الهلال لا يحتاج لهذاالنوع من الجماهير

معك يا هلال في الحلوة والمرة

اجل يطالبون بتغيير الرئيس

عجبي جمهور كل يوم مدرب وكل يوم رئيس

يبون الفريق ما يطلبه المشاهدون

الحقيقة الغائبة عنكم

ان لا اديموس ولا العجلاني ولا اوسكار ولا باكيتا فادوا

لان الفريق ضعيف عناصريا

ولو جبتوا افضل مدرب في العالم ما راح يفيد

لا يفيد البكاء على اللبن المسكوب

هلالي مكة · #7 02/10/2004, 11:08 AM

المهم الله يوفق الهلال في المباريات الجايه

مخلص للهلال · #8 02/10/2004, 11:27 AM

الحقيقة الغائبة عنكم

ان لا اديموس ولا العجلاني ولا اوسكار ولا باكيتا فادوا

لان الفريق ضعيف عناصريا

ولو جبتوا افضل مدرب في العالم ما راح يفيد

لا يفيد البكاء على اللبن المسكوب[/QUOTE]

والله أخوي spanish eyes قايلينها ومن زمان
المشكلة ما هي مشكلة مدرب , متى يفهم جمهور الهلال , ما أدري!!!

من الظلم والإجحاف أن نصف الإدارة بالفشل
والله ما قصرت ما قصرت
اجتهدت وبذلت الجهد والمال ولكن الشق أكبر من الرقعة

الشيء اللي أعرفه أن الفريق يحتاج لإعادة بناء , والبناء صعب ويحتاج لوقت
يعني لازم نتحمل , وأن لا نحلم بالبطولات خلال السنتين القادمة (هذا الموسم والموسم القادم)

abo-15-yaqob · #9 02/10/2004, 12:10 PM

ياخي اغديك المرات الجايه ما تحضر للهلال بالملعب ,,,, لا عادت عليها من عشرين ريال,,,

يا جماهير الهلال لا تخلون الزعل يبيح لكم الهجوم على الزعيم ونجومه....

هلالي جمري · #10 02/10/2004, 01:57 PM

والله ما نكب الزعيم الا هالجمهور بالله عليكم الجمهور يحضر يساند مو يسب ويلعن

يعني وش تتوقع من لاعب كل مباراة يلعب وهو يسمع الجمهور يسبة وش تتوقعون والله حرام هاي اللي تسوونه

خليفة سامي · #11 02/10/2004, 02:22 PM

شكرا أخوي على الموضوع ,’,’,’,’,’,’,’,’,’,’,’,’,’,’,.........

يلوموني_فيك · #12 02/10/2004, 03:57 PM

والله حرام 70% من الملعب امتلى امس
ويقدمون هالمستوى
انا يوم شفت الجماهير قلت بترجع روووووووح الهلال ويفوز بال4

لكن الله يعين بس

T . M . Z · #13 02/10/2004, 05:05 PM

^
^
^
والله لو يحضر الجمهور مثل امس ويشجع الفريق ماهو يسب فيهم ليرجع الهلال مثل اول واحسن لكن المشكله في اللي يحضر ويخلي الاعبين تحت ضغط من كلامه وتصرفاته 0

hilalemooot · #14 02/10/2004, 06:40 PM

فدا الهلال مليووووون ريال

هذا الهلال وش فيكم انتم ؟؟؟ وربي لو اني بالرياض ما افوت مباراه لو يلعب النزهان والمفرج وكماتشو وعزيز

وطقتهم ...

ياعالم الهلال يمر بمرحله بناء وتجديد اصبرو شوي وان شاء الله بتشوفون اللي بيسركم ...

تحياتي يالغالي ولاتزعل من كلامي ,,..,,

ليفربولي · #15 02/10/2004, 11:10 PM

مراحب شباب .. ومشكورين على المرور...

<- بالمناسبه اشوف البعض قلب علي كاني انا الي اسب او اطالب الاداراه بالاستقاله .. بالعكس انا ضده هالنوعيه من الجماهير المرزتقه