بسم الله الرحمن الرحيم..

اعزيكم وأعزي نفسي في البدايه في هلالنا.. اللي له ثلاث مواسم وهو من جرف لدحديره!!

كلنا طالبنا في البدايه بلاعبين اجانب ومدرب عليه الكلام ولكن لاحياة لمن تنادي!!

لما كتبت موظوع انتقاد بعد التوقيع مع اجانب الغفله تم حذف مقالي لاستعجالي كما قلتوا.. وقلت لكم الكتاب

باين من عنوانه!! المهم ماعلينا..

كنت بالملعب امس وليتني امرحت بعد صلاة العشاء ولا رحت ولا شفتها..

ماكانت مباراة البارح.. كانت مجرد تهريج!!

كنت انتظر أحد منسوبي الادارة العزيزه يطلع ويقول.. صادوووووه او شوفوا الكاميرا الخفيه!!

بالله هذا الهلال.. لا تقولون في اسوأ احواله ومن هالكلام العاطفي اللي لايودي ولا يجيب..

الهلال تعودناه في اسوأ اسوأ اسوأ احواله.. عشره مثل الرياض مايحلمون بنقطه منه على أرضه

وامام جمهووره!!

50% يتحملها الجاهل باكيتا أو كابت القلوب ( كابتنا ) بالأصح!!

30%تتحملها الادارة اللي وعدتنا بأجانب يليقوون باسم الزعيم ثم جابت أشباه لعيبه ومازالت تكابر!!

20%يتحملها اللاعبين اللي ماألومهم كثير لأن التكتيك المطلوب منهم امسno thing!!

متى نقتنع ان المدربين البرازيليين انتهت صلاحيتهم.. كلهم يعتمدون على فتح الملعب والمهارات فقط

لا ظغط على المنافس لا تنظيم دفاعي.. بس يحطون التشكيله ويسمسروون على الاجانب..

وباكيتا فقط سمسار وحتى التشكيله فشل فيها للجوله الخاتمسه على التوالي,,!

الله يرحم ايام بالاتشي ويوزك ويوردانيسكو .. لو كان احد هالاوروبيين الثلاثه موجود امس

لأخذ ثلاث نقاط ونافس على الصدارة بنفس تشكيلة باكيتا..لأن الموظوع تكتيييييييييييييك فقط..

عبد الله بن مساعد اجتهد.. جاب مدرب نص ونص.. ولعيبه اجانب حي فالهم..(في ظل عزوف شرفي)

محمد بن فيصل معه دعم شرفي وجاب مدرب مغموور اتظح فشله.. واجانب فاشلين.. ومازال يراهن عليهم!!

في زمن ابن مساعد لأول مرة نخسر بالخمسه ونخسر ثلاث مباريات متتاليه.. كرقم جديد!!

وادارتنا على هالحال وفي ظل صمتها عن سمسرة برازيلي اللاسلكي!! بتحقق الرقم الجديد الآخر

والأصعب.. وهو الهبوط ولأول مرة بالزعيم لدوري الأولى..

على فكرة انا ماكتبت امس في حرتها انتظاراً لما سيسفر من قرارت اقاله وانهاء تعاقدات توقعتها امس.

واليوم لما ماشفت اي جديد كتبت هالمقال,, وانتظروا زعيمكم أمام الفتح ونجران السنه القادمه..

المحبط جداً جداً,, اخوكم ابو سارة