مشاهدات مثيره من الملعب ونظره فنيه للمباراه والجماهير تطالب بـ ... - نادي الهلال السعودي - شبكة الزعيم

#1 02/10/2004, 12:46 AM

بسم الله الرحمن الرحيم

بدايه راح نحلل لعيبه الهلال لاعب لاعب ثم ننتقل الى الاحداث التي حصلت في الملعب ولم يطلع عليها الكثير :

حسن العتيبي : كان ثابت في مرماه ولكن لم يجد أي تهديد خطير على مرماه .

تفاريس : يبدو ان اللاعب يريد تغيير صورته امام الجماهير ولكن ما زال يحافظ على الكره اكثر من اللازم يعني اذا سحب في واحد وصفقله الجمهور يمشي بالكره ووده يسحب بالفريق كله وبعدين تنقطع منه الكره

.. ياليت يترك هالعاده السيئه ويطور مستواه اكثر .

الهليل : ابو هليل قدم اللي عليه وما قصرت يا ابو هليل .

الدوخي : عيني عليك بارده لكن اليوم الحذاء حقك ( الله يكرم السامعين ) ما ساعدك والدليل شقلابتك بالملعب

.

الخثران : لم يقدم اي مستوى وتسبب في ظربه جزاء على فريقه ولا يتسطيع الحفاظ على الكره وكل الكرات تنقطع منه والجماهير من الشوط الاول تطالب باخراجه ودخول الجري بدلا منه

.

الغامدي : نفس خويه الخثران وايضا مطالبات الجماهير بخروجه نفس خويه الخثران

.

الغنام : مستوى جيد في اول مباراه وثبات وتمريرات دقيقه وتخليص جيد ويا عيني عليك يا غنام وبالتوفيق ونشوفك تقدم مستوى افضل في المباريات القادمه .

الدوسري : يغيب ويحظر لكن لم نشاهده بالمستوى المعروف .

كماتشو : ياليت يضف وجهه وينقلع من النادي ويرجع للبرازيل اصرفله

.

العلي : اسوأ مباراه قدمها العلي ضياع فرص وعدم القدره على الاحتفاظ بالكره

.

سامي : ابو عبدالله كان ينقصك الحظ بس وياليت تشد اكثر وتقدم مستوى افضل في المباريات الجايه لانك اليوم ما قدمت اي شيء

.

الصويلح : كره وحده استفدناها منه وهي اللي في العارضه وغيرها لا يوجد شيء يذكر ونتمنى لك السلامه وراح اذكر اللي صار له بالاسفل .

العنبر : ما ادري وش صايرله هالموسم ياليت لو يحققون معه ويسوون جلسه مصارحه ويدبرون حل معه لان مستواه هابط لدرجه كبيره

.

أما بالنسبه للمشاهدات من داخل الملعب فهي كالتالي :

* الجماهير حظرت بشكل كبير وجيد وكانت هذه اول مباراه يحظرها جمهور هلالي كبير في هذا الموسم , ولا اقول كبير بمعنى ان الملعب امتلا ولكن جمهور جيد واللي خلا الجمهور يجي تشفير المباراة ويا رب دوم المباريات مشفره

.

* الجماهير لم تؤازر وكان الجمهور ياكل فصفص ويشرب بيبسي وشاهي ويسولف بس

.

* يوم انتهت المباراه الجماهير بدت تسب في كماتشو وتقول كلمه مهيب زينه له بس بالانقليزي

.

* الجماهير هتفت لسامي رغم عدم تقديمه لمستوى جيد وكذلك باركت له بالمولود .

* الجماهير في نهاية المباراه هتفت وبقوه للغنام

.

* الجماهير في نهايه المباراه تهتف باسم اوسكار اوسكار للرئيس وشكلهم يبون اوسكار يجي

.

* بعد ما طلعت الجماهير وقفت عند الباص حق لاعبين الهلال ولكن العساكر حاولو يبعدونا ما قدرو بعدها واحد من الجماهير جاء بيفتح الباب قاله العسكري ابعد قال وش دخلك انت وبدا يسب ويغلط ودف العسكري ..العسكري قام وولحقه وهذاك حط رجله وانحاش والعسكري يقال انه قوي طلع المسدس والجماهير خافت وانحاشت لكن انا كنت قوي وشجاع

وما انحشت وقعدت انتظر الين ركبو الباص وانتظرناهم عند البوابه ويوم طلعو رددو الجماهير كلمه انقليزيه موب حلوه لكماتشو

بعدها طلع الرئيس الهلالي بسيارته البي ام دبليو وهو مولع السيجاره والجماهير تزاعق وهو مو معبر احد

.

وبالنسبه لاصابه الصويلح فقد تم احضار الاسعاف والذهاب بالصويلح الى المستشفى وحتى الان لم يتضح اي شيء عن اصابته .. الله يقومه بالسلامه .

هذا كل ما حدث بالتفصيل .. وياليت يدبرون لنا صرفه بهالاجانب ويثبتون بتشكيله وحده .. المدرب بالاخير توه يتذهن ويدخل الجري ويطلع الخثران

تحياتي

#2 02/10/2004, 01:15 AM

بالنسبه لاصابه الصويلح وصلني خبر انها اصابه في مفصل القدم وللتأكيد هذا رابط موضوع الاخ عاشق الفيلسوف :

الصويلح يغيب عن الهلال لمدة شهرين

النورس104 · #3 02/10/2004, 05:57 AM

يعطيك ألف عافية على النقل والسرد الجميل
وألف شكر لك..::,,