بسم الله الرحمن الرحيم
السلام عليكم ورحمة الله وبركاته
بقولكم هالموقف بس شوفوا إذا بغيتوا تطقوني على واحد واحد مو كلكم
تجمعون علي وتكفخوني ..!!
الموقف هذا صار لي قبل عشر شهور تقريبا 
( ذي القعده ) العام الماضي وكل مأقول أبغى أكتبه أتعيجز
<<<<< سوداني
المهم سلمكم الله هذا الموقف كان في مباراة الهلال والنصر الأخيره اللي
فاز فيها النصر 2-1 
كانت هذه المباراة يوم الخميس بعد ماأجلوها يوم واحد حيث
كان سوف تقام يوم الإربعاء
المهم كنت أنا مخلص الإختبار من الكلية يوم الثلاثاء 
<<<<< يوه طيب إنجز خلصنا وش نسوي لك عاد
المهم قلت لولد خالي : هاه وش رايك مشينا نحضر المباراة ؟؟؟؟
<<<< متحمس كان واثق بإذن الله إن الهلال راح يفوز 
قال ولد خالي : قدَام ( بمعنى تم ) 
قلت يالله الله لايهينك قص التذاكر لأن عندي إختبار 
قال خلاص .. وقت الطيارة كان يوم الثلاثاء بالليل
ركبنا الطيارة
.
.
.
.
ونزلنا للرياض كان بإستقبالنا ولد عمي اللي يدرس هناك..
( لاحظوا اللي جاء معي ولد خالي واللي بالرياض ولد عمي ) المهم جاء يوم الإربعاء بالليل
<<<< مانام متحمس للمباراة وأنواع الجرايد وقرايه من جريدة لجريدة
خلص يوم الإربعاء
وش يجي بعده ؟؟؟
أكيد الخميس صح ؟؟؟ إيه شاطرين جاء يوم الخميس
<<<<< جته أم الركب والنفاضة وصارت سنونة يتكافخن مع بعض 
<<<<< مو مصدق إنه بيدخل إستاد الملك فهد يوم أذن المغرب وصلينا وطلعنا نبي نروح للملعب
قلت لولد عمي أبغى محل يبيع بواري اللي هن زي كذا 
وقال ولد خالي نبي نشتري بويه للوجه
<<<< ماخشت مزاجه البوية
قال نمرلنا محل حق ألعاب ونشوف عنده وإلا ماعنده ؟؟!!
<<<< طاح وجهه مرينا محل وسألنا مالقينا إلا البوية وشريناها
ومشينا قلنا عند الملعب نصبغ وجيهنا
المهم وقفنا عند الملعب وقمنا واحد يرسم على وجه الثاني
صارت وجيهنا تقل كراسة طالب بأول إبتدائي المهم ولد خالي مخربه صبغ وجه كامل نصه ازرق
ونصه أبيض..,,
وأنا حطيت زي شوارب البسه ( اللي تقول ميووو ) 
المهم نبي ندخل أنا وولد خالي بس
ولد عمي كان عنده تصحيح بالمدرسة لأنه يطبق آخر ترم 
.. ومادخل معنا نزلنا ومشى .. أنا أول مرة أدخل هالإستاد العظيم لكن ولد خالي هالكمخة داخل مرتين
قبل..!! أقوله من وين نروح؟؟؟
قال : مأدري ؟؟؟ قلنا خل نقص التذاكر ونشوف ..
قال خلاص .
المهم الناس تمرمر من عندنا وهم ميتين ضحك علينا 
<<< لابسين طاقية غوار ومصبغين وجيههم 
قصينا تذاكر الدرجة الثانية ..
لكن المصيبة رحنا من عند مدرجات الدرجة الأولى أو ماأدري المنصة
قالوا لنا العسكرر 
لا روح من البوابة الثانية اللي يمين هناك وحنا نروح لها : وأنا أدور على مشجعين معهم أعلاام هلالية
مالقيت أثرينا نبي ندخل مع مشجعين النصر قلت عزالله رحنا فيها ..,,
وأنا أسحب ولد خالي قلت إمش مو من هنا
وقامت جماهير النصر تسبنا وحنا ساكتين
<<< ساكينه ( يعني منخرعين) ( خايفين للي مايفهم ) 
وحنا نلقى لنا مشجع هلالي أشوى 
قلنا خل نمشي وراه على شان مانضيع
يوم وصلنا للبوابة وهي تمسكنا العسكر العسكري : تعال يا ولد ؟؟ أنا وولد خالي 
: هلا آمر ؟؟ العسكري : وش مسوين بوجيهكم ؟؟ أنا وولد خالي : أبد زي ماأنت شايف مصبغين أزرق بأبيض نعبر عن شعورنا تجاه الهلال !!! العسكري : بالله فيه حرمه تقبلكم ووجيهكم كذا ؟؟؟..,, ياعسكري خذهم للتوقيف !! <<<<< أبي أمي أبي أبوي
قال العسكري :وين إثباتاتكم عطوني إياهن ومشينا وراه للتوقيف وحنا 
وأنا وولد خالي نقول بين بعض الله يلعن أبو المباراة 
بس أشوى طلع العسكري خوش رجل 
قالنا : أنا بتركم بس بشرط 
!! أنا وولد خالي : تآمر امر ..
<<<<<<<<<, مو مصدقين 
قال تغسلون وجيهكم .. قلنا : ماطلبت شي غالي والثمن رخيص وحنا على طول الله يكرمكم لدورات المياه ونغسل وجيهنا لين ماطار الجلد الفوقي لوجيهنا
وحنا نرجع للعسكري قلنا : هاه !! قال : هلا آمروا !!!! قلنا: نبي إثباتاتنا..؟؟؟ قال : أوه ماعرفتكم خذوها بس لاعاد تعودونها ؟؟ قلنا : أبشررر وحنا ندخل الإستاد.. أنا ماشاء الله خوش ملعب وأنا أجلس ويجلس بجنبي ولد خالي
المهم إنتهت المباراة وفاز النصر 
<<<<بسبته إنهزم الهلال لأنه حضر المباراة :p
تدرون وش صااار 
.
.
.
.
.
.
.
.<<<<<<< نسي إن ولد خاله نصراوي وكان يسوي هالأشياء مجاملة لي
وبعد ماطلعنا قام وجدع علي طاقية الهلال وهو يشتري علم للنصر 
أقول بقلبي : مالشرهه عليك الشرهه على اللي يجيبك معه 
.. .
.
.
.
وإنتم تقولون مالشرهه عليك الشرهه على اللي يقرأ لك صح ..!! وإنتهى هالوقف وأنا أجي من بكرى لحايل..,,
وسلامتكم ..,,
النورس104 في إستاد الملك فهد لأول مرررة ... !!! موقف 
الوضع الشجري
