بسم الله الرحمن الرحيم
السلام عليكم
أنا اخوكم crescent عضو جديد بينكم .. لكني هلالي قديم
وانا من قرأت خبر العريضة التي قدمها الجمهور للرئيس الهلالي بخصوص استبعاد الخماسي
وانا في حالة استغراب لادراج العتيبي والمطرف معهم
واللي يتفق معهم .. يعذرني
هو جمهور عواطف
أبي أعرف على اي اساس يكتبون هالعريضة
.. هل (كل) الجماهير الهلالية متفقه معهم
والا هم شافوا أغلب الاراء تتفق حول هاللعيبه وخلاص
مع أن الاراء أكثر لاعب اتفقوا عليه هو خالد عزيز
.. ومنسي ماحط في القائمة
والعتيبي والمطرف محد يطريهم الا قله قليله
بالنسبة للعتيبي :
ابي اللي يصفـّه مع النكب
( جمع نكبه) .. يقول لي انه ماشاف مبارة الاهلي
واللي يقول لي انه حكم عليه عقب هالمباراة بالذات .. يسمح لي ان كنت خالفت رأيه
وأقول له بالفم المليان .. أنت
غلطاااان
بالله عليكم .. من غيره كان يلعب ؟
؟ الفريق كله ميت حيله
.. الاهو
انقذكم من سداسيه
.. ومن صواريخ قويه
.. من اقدام لاعبي الاهلي
وهو الوحيد اللي تحس معه حماس وتركيز .. ويلعب بجد .. ويوجه ويرتفع ضغطه من هاللي قدامه
لدرجه انه بغى يطقهم
( صراحه اول مره أشوفه متنرفز
ويوجه اللي قدامه بهالطريقه والعصبيه
... بالعادة اذا دخل فيه هدف يحاول يهدي اللاعبين
وهذا من أخلاقه واسلوبه وهدوءه.. بس هالمرة ما ألومه من الشوارع اللي قدامه )
واذا على الاهداف
الهدف الأول اللاعب جنبه مرررره وبعدين مرتقي على لاعب هلالي يعني مشكوك في صحته ( الهدف)
الثاني الكورة تغير اتجاهها45 درجه بعد ما ارتطمت بمدافعنا.. يعني ماله اي دخل
الثالث .. حاول فيها لكن مالحق ,, والتكمله الكل يتفق انه فاول لتفاريس .. حتى محللين الجرايد
واكثر من عشر هجمات خلصها .. واللي مو مصدق يروح لموضوع البث المباشر ويعدهن
يعني فكروا بعقل شوي
مهوب علشانا خسرنا تحطونها بالحارس على طول
ياخوان الفريق كان كله سيء من دفاع لهجومه .. بالله عليكم كم هجمة سواها الهلال
كم مرة هدد مرمى النجعي !! .. كم كورة صح مررها الهلاليين .. للهلاليين مو للأهلاوية :sad:
لان بعض التمريرات تقل اللاعبين فيهم عمى ألوان ويمررون للأهلاوي
وفي الاخير تجون وتحطونها في كبش الفداء دائما .. الحارس العتيبي
ليه ماتلومون الدفاع .. على الشوارع المعبده
.. والطرق المسفلته للمرمى الهلالي
ليه ماتلومون الوسط .. والكور الغلط .. والرميات الجانبية الغريبه
والهجوم .. اللي عليه نص لومه .. لأن الكور ماتوصلهم .. بس اذا وصلت ما يستفيدون منها
وبعدين .. تعالوا
وينكم عنه وعن ابداعه الموسم اللي فات .. وابداعه ببداية الصداقة والدوري
والا الواحد اذا ابدع اص
لاحد يتكلم هذا واجبه .. ومن يدخل فيه اي هدف ولو كنا فايزين نقب ونقوم الدنيا وكأن هالواحد لو أبعد عن النادي بنفوز بكأس العالم
هذاه السنه اللي فاتت ماشارك الا بمباريات قليله وماخسرناها بعد
.. مع ذلك مافزنا بأي بطوله
مثل ما اننا ننقد ..لازم نرفع المعنويات شوي
( أنا ما أنكر انه يوجد فئة ليست بالقليلة رائعه بتفكيرها الراقي ..
.. ترفع المعنويات وتقول للمحسن احسنت وللمسيء أسأت .. ولكن اللي عكسها طغت في الاونه الاخيرة )
ذا بالنسبة للعتيبي .. وأنا عطيته الجزء الأكبر من الموضوع .. لأن القله اللي يطالبون بابعاده اكثر من قلة المطرف
8
8
( فهمتوا شي
)
أما المطرف :
هذا اللاعب بصراحه أعذره على لعبه .. لأن الموسم هذا على ما اعتقد أول موسم يلعبه بتواصل لاستقراره في الرياض بتدريبات متواصله
يعني يبي له شوية صبر .. والا راح عن بالكم لعبه اللي في الصداقة
(
لحد يطري البلنتي
)
والفنيات اللي عنده
لازم له اكيييد وقت .. عشان يتأقلم ويضبط أموره
ومحنب خاسرين شي تونا ببداية الدوري
.. .. ..
وفي الأخير
أقول
هذي
وجــــــهـــــة نـــــظـــــر خـــــاصـــــة
تحتمل الخطأ والصواب
واللي يتقبلها الله يحييه
واللي ما يتقبلها .. ماصار الا الخير
واللي بيقنعني بعكس كلامي
أتمنى ان يكون الاقناع بدون تجريح
.. .. ..
.. ..
..
أخوكم
crescent
.. .. .. .. ..
الوضع العادي
