السلام عليكم
طبعا مااشكك في هلاليتكم وصدقكم وحبكم لزعيمكم...لكن فيه اشياء كثيره تغيرت فينا كجمهور وغيرت زعيمنا معنا..وبغض النظر عن الحضور الجماهيري واعذار التحكيم والمدربين وسمسرتهم..فيه اكثر من نقطه احب الفت النظر اليها واتمنى منك كقراء اعزاء ايصالها للغيورين على الهلال سواء اعلاميين او منتسبين للنادي وياليت لو يوصل جزء بسيط من كلامي للادارة...
اولا..معدل لا عبين الهلال يعتبر اكبر معدل اللاعبين سنا من بين كل الاندية اذا ماكان في المملكة...لدى القائمة في الفريق الاول اكثر من ثلاثة ارباع اللاعبين فوق ال30 ..وبالمقارنه مع الفرق الاخري نجد اعمار لاعبيهم لا تتجاوز الثلاثه والاربعه وعشرين سنه...
ثانيا..من اللى راح يتجرا ويبعد لا عبين كبار لهم شعبيتهم وجمهورهم الخاص مثل ابوعبدالله..ابوعبدالله بكلمة منه صار يحرك المدرجات الزرقاء كلها ..وانا اعتبره الرئيس الفعلي لنادي الهلال..فياليت مايكون حبنا للاعب او لمجموعة من اللاعبين يطغى على حبنا للكيان الازرق..وهذا ماهو حاصل من اكثر من سنتين واستفحل الموضوع ومازال..وهذا لا يعني بغضنا لهم ..ولكن لكل زمن دولة ورجال..بالامس كان جيل عبدالله بن سعد الله يرحمه وجيل النعيمه ورحلوا وتركوا الهلال لمن جا بعدهم..وجا جيل بندر بن محمد والثنيان ورحل الاثنان فقط وبقى جيل لاعبينهم فمتى سيرحلون..
ثالثا..لاعبون اعطوا الفرصه الكاملة ولم يثبتوا جدارتهم بالدفاع عن الوان الفريق..وهم كثر..تتكرر اخطائهم من خمس سنوات واكثر ومازلنا نصر عليهم(اللى ماتعلم من صغره واستفاد من اخطائه وشلون بيتعلم يوم كبر)..وليس ذنبهم انهم يلعبون لكن ذنب اللى ماعلمهم اخطائهم في بداية مسيرتهم الكروية ..وذنب ايضا من صابر عليهم الى الحين وهو يعرف تاريخهم...
رابعا..كنانتمنى من المدرب القدير ان تتوافر فيه الشخصيه القويه وان يكون مربيا اكثر من ان يكون فنيا ولكن لم نوفق..(الرجال ينقاله لعب فلان ومايقول لا)..
خلاصة القول..اتمنى ان اشاهد جيل جديد شاب يوازي الحيويه والشباب المتوفرة في الادارة...ورحمك الله ياعبدالله بن سعد(على يدك كنا نشوف كل سنه ثلاثه الى اربع لاعبين جدد ونعارضك..لكن بعدين ان محد يوازيك في حبك للهلال)..
اسف للاطالة اخواني لكن اعذروني فحب الزعيم يسوي اكثر من كذا....ومااقول الا صبر جميل والله المستعان...