#1  
قديم 23/09/2004, 10:32 AM
الصورة الرمزية الخاصة بـ السلطاني
عضو ادارة الموقع الرسمي لنادي الهلال
تاريخ التسجيل: 20/03/2001
المكان: @alsultany15
مشاركات: 22,887
Talking تبي تخطب أدخل

كل الشباب همهم يعرسون ...وهذا طريق نحن عليه سائرون


وقبل لاتخطب لازم تتبع هذه الإرشادات >>>أخس يالدفاع المدني


تروح أول شئ تتروش ( تتسبح ) ياوصخ علشان يطلع جلدك من تحت الطبقات المتراكمه عليه

وتروح لصالون حلاقة كويس وأترك عنك الحلاق الهندي أبو خمسه ريالات

تراها أول مره وآخر مرة تخطب... ويا ليتها تقبل فيك أنت وخشمك

وحلق شعر رأسك على الزيرو علشان يروح الدود والصيبان>>> لاتفضحنا

وخله يضبط لك وجهك ويسوي لك صنفره يحكك وجهك لعل وعسى ينفع بك

وخله يسد الحفر اللي بوجهك بخلطه أسمنت أو أي شئ عنده

وخل الحلاق يطعس وجهك من المكياج ويحط لك من أصباغ الجزيرة أو همبل :p :p

أهم شئ يخفي لون خشتك الحقيقي

وبعدين تروح للمغسلة اللي بحارتكم وخل الهندي يسلفك واحد من الشمغ الزينه

بدال شماغك المتهلس ... وإذا حصلت ثوب على مقاسك تمااااااااام

تراها أول مره وآخر مرة تخطب... ويا ليتها تقبل فيك أنت وخشمك

وبالنسبه للجزمه_ أعزكم الله _ ... أدري أن ماعندك جزمه... بس أمرها سهل

شوف يوم الجمعه تروح لمسجد في حارة بعيده جداً عن بيتكم

لازم بعيد عن بيتكم علشان لو مسكوك ما أحد يعرفك

بس انتبه تأكد أنها مقاسك ... أدري أنك آخرتها بترجع حافي

وبالنسبه للشرابات لاتلبس شراباتك المخططات أصفر بأسود وتفضحنا

والله صعب نسرق لك شرابات... الله يعينك تشتري شرابات العايله بريالين

ولاتنسى الملابس الداخليه تراها مهمه ... لاتلبس فانيلتك المتشققه وتفضحنا

شوف فانيلة أي واحد من أخوانك بس ساعتين وترجعها له

لازم الأخو يوقف مع أخوه في مثل هالموقف ... وإلا نصير حضارمه ;)

وبالنسبة للسروال يا ربيييييييييييييييييييييييييييييييييييه من هالسروال

أنا حاسس أن اللي يبي يخرب عليك سروالك اللي صار لونه أسود من الوصخ

أدري أن مافيه أمل تشتري واحد جديد

لذلك تكفى علشاني أنا السلطاني وعلشان مستقبلك تكفى وتكفى تهز الرجاجيل تكفى أغسل سروالك

تكفى أغسله بس هالمره وبعدين ألبسه حتى بدون كوي أهم شئ تغسله

هالحين صار لبسك تمام وصرت كشخه على غير العاده

بقى العطر ترى لازم تحط عطر علشان تخفي ريحتك الخايسه


أدري أنك بحياتك ما شريت عطر...ما عليك ما راح أخسرك وأخليك تشتري لا تخاف

شوف روح لأكبر محلات العطور و أدخل وأنت رافع خشمك الطويل

وأسأل عن آخر العطور كأنك تبي تشتري ...مع أن وجهك ما يساعد

بس خله يوريك العطور الجديده وإذا بغى يرش على فاين أو ورقه ..قله : لا

خلني أشمه ورش على نفسك ...ولاتنسى ترش على وجهك ورقبتك

علشان ريحة رقبتك الخايسه إذا سلمت على نسايب المستقبل

هالحين كلش تمام وما بقى إلا تروح لبيت النسايب :p :p

لاتروح أنت لوحدك لازم أهل معك يالدلخ

إذا دخلت ترى أهل البيت راح يجاملونك ويحترمونك>>> لاتصدق حالك أنت وخشمك

وراح يقدمون لك تمر وقهوة ... بالنسبة للتمر كل تمره وحده بس

تراك مفجوع وما شفت نعمه ...وأنتبه لاتحط بجيبك من التمر تحسبه حلاوه مثل عوايدك

وإذا صبو لك قهوه أشرب ثلاث فناجيل بس ولاتكثر

وأشرب الفنجال شوي شوي....ماهو مره وحده وتفضحنا

وترى بعض العائلات يحطون قطع جاتوه (كيك) انتبه لاتأكل بيدك وتفضحنا

ترى فيه إختراع اسمه الشوكه يستخدم لهذا الغرض... ولاتأكلها كلها ويقولون عنك مفجوع


طبعاً لازم تسوي نفسك شخصيه وإتكيت قدام نسايبك >>> وأنت من جنبها

ولاتقعد تلعب بخشمك ياوصخ قدام نسايبك ...أخاف تطلع حشرات وخرفان من خشمك

ولازم يكون بجيبك فاين ( كيلنكس) علشان يحسبونك نظيف

وإذا واحد سألك وش تشجع ...الجواب معروف هلالي

لأن كل الشعب السعودي المثقف هلالي ... ولايغرك مخلفات الحجاج

وإذا سألوك عن الخمسات ..حطها بظهر المصيبيح

حتى أحداث 11 سبتمبر حطها بظهر المصيبيح

ونكسه المنتخب في الصين حطها بظهر المصيبيح

وإذا قالوا لك ليش ما كملت الثانويه حطها بظهر المصيبيح

أنت جاوب بس على قد السؤال ولاتقعد تفلسف علشان ماحد يكشفك

وأنتبه تسولف وتقعد ترميهم بصورايخ أرض أرض كعادتك وتطلق من هالأرانب


ولكن أحسن شئ أن تنطم ولا كلمه>>>مثلي ;) ;)

خل أبوك اللي يتكلم وهو اللي يتفاهم معهم

أنت لاتتدخل نهائيا ....ترى أي كلمه منك يقضبونك الباب


وإذا خلص الموضوع ورجعتوا البيت مهما كانت النتيجه رجع فانيلة أخوك

ولاتنسى ترجع الشماغ والثوب لهندي المغسلة ...ترى راح تحتاجه بعدين ..خل علاقتك طيبه بالهندي

أما بالنسبه للجزمه إذا رفضوك عضها أو أبلعها >>> وش أسوي فيك

في الختام
أنا خلصت ضميري وكتبت لكم عصارة خبرتي أنا وهندي مغسلة حارتنا

وبالتوفيق للجميع
أخوكم السلطاني

اخر تعديل كان بواسطة » السلطاني في يوم » 23/09/2004 عند الساعة » 10:58 AM
اضافة رد مع اقتباس
  #2  
قديم 23/09/2004, 10:42 AM
زعيــم مميــز
تاريخ التسجيل: 09/03/2004
المكان: رجعنا لرياضنا الحبيبه
مشاركات: 1,525
هههههههههههههههههههههههههههههه

يسلمووووووووووو السلطاني موضوح حلو يعطيك العافيه,,,,,,
اضافة رد مع اقتباس
  #3  
قديم 23/09/2004, 02:12 PM
زعيــم فعــال
تاريخ التسجيل: 01/07/2004
مشاركات: 431
ههههههههههههه هههههههههههه هههههههههه

مشكور أخوي على الموضوع الرائع

انا ما أتوقع ان في شاب سعودي بهذي المواصفات الا اذا كان...........
اضافة رد مع اقتباس
  #4  
قديم 23/09/2004, 03:51 PM
زعيــم مميــز
تاريخ التسجيل: 01/10/2003
المكان: الامــــــــــــــ العين ــــــــارات
مشاركات: 1,939
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههه
انا خليت اخواني يقرون عشان يتعلمون ...^_^..
تسلم على الموضوع...
اخوي من وين نجيب السياره..؟<<< ترى اخواني يسألون ^_^
اضافة رد مع اقتباس
  #5  
قديم 24/09/2004, 02:01 AM
الصورة الرمزية الخاصة بـ السلطاني
عضو ادارة الموقع الرسمي لنادي الهلال
تاريخ التسجيل: 20/03/2001
المكان: @alsultany15
مشاركات: 22,887
abo-15-yaqob

شكرا لمروك على الموضوح

الحمروني

ترى السالفه مجرد دعابة ومزح
والشعب السعودي نظيف قلباً وقالباً


بنت الزعيم العيناوية

والله إذا ماعنده سيارة مشكله....... بس فيه حلين

الأول : يتسلف سيارة أي واحد من شلته

الثاني: يسرق سيارة مثل عوايده
اضافة رد مع اقتباس
  #6  
قديم 24/09/2004, 03:25 AM
زعيــم متألــق
تاريخ التسجيل: 28/06/2004
المكان: يلومونا يالــريــاض
مشاركات: 1,340
هههههههههههههههههههههههههههههههههههههههههههههههههههههههههههههههههههههههههههههههههه
مشكور اخوي على الموضوع يعطيك العافية
اضافة رد مع اقتباس
  #7  
قديم 24/09/2004, 07:59 AM
زعيــم مميــز
تاريخ التسجيل: 27/11/2003
المكان: KSA
مشاركات: 2,477
ههههههههههههههههههههههههههههههههههههههههههههههههههههههههههه

والله حلوه هذي يالسلطاني بصراحه انا من هالناحيه ماعندي اي مشكله اذا جيت اخطب

بس المشكله اذا طلبت من ابوها اني اشوفها ماادري وشلون اطلب هذا الطلب
اضافة رد مع اقتباس
  #8  
قديم 24/09/2004, 11:06 AM
الصورة الرمزية الخاصة بـ واحد زاحف
زعيــم مميــز
تاريخ التسجيل: 30/01/2004
المكان: الرياض >><< ريدنق
مشاركات: 3,566
حشا وانا اخوك ماصرنا اوادم

خخخخخخخخخخخخخخخخخخخخخخخخخخخ

بس نبلعها هالمره

الله يرجك

ومشكور للنصايح
اضافة رد مع اقتباس
  #9  
قديم 24/09/2004, 12:45 PM
الصورة الرمزية الخاصة بـ مطزاز
زعيــم متألــق
تاريخ التسجيل: 01/05/2002
المكان: الرياض
مشاركات: 1,236
الله يرجك ياشيخ

مادام عندك خبره وراك ماتعلمنا وش سويت

والف شكر لك
اضافة رد مع اقتباس
  #10  
قديم 24/09/2004, 11:08 PM
الصورة الرمزية الخاصة بـ سيف الزعيم
زعيــم متألــق
تاريخ التسجيل: 23/04/2001
المكان: سوّاح
مشاركات: 1,053
الله يرجك
وش النحس هذا اللي خلاني ادخل واقرا موضوعك
8
8
8
8
8
8
8
8
8
8

صادتني ام العيال وانا اقراه
رحنا فيها
اضافة رد مع اقتباس
  #11  
قديم 26/09/2004, 11:30 PM
زعيــم نشيــط
تاريخ التسجيل: 06/05/2003
المكان: الرياض kingdom
مشاركات: 574
هههههههههه حلو مرة الله يرجع انت والهندي وحلوة11سبتمبر ههههههههههه. والله كلها حلوة.
مشكووووووووووور اخوي.
اضافة رد مع اقتباس
  #12  
قديم 26/09/2004, 11:35 PM
الصورة الرمزية الخاصة بـ عندليب الهلاليين
زعيــم مميــز
تاريخ التسجيل: 12/07/2004
المكان: << رجعوها الإقامة :(
مشاركات: 1,883
هههههههههه
الله يعطيك العافية موضوع راح نستفيد منه كثييييييييييييييييييير
اضافة رد مع اقتباس
  #13  
قديم 29/09/2004, 01:00 AM
الصورة الرمزية الخاصة بـ السلطاني
عضو ادارة الموقع الرسمي لنادي الهلال
تاريخ التسجيل: 20/03/2001
المكان: @alsultany15
مشاركات: 22,887
شكرا لمرور الجميع
برايفت سيف الزعيم

وش دخلك هالموضوع .........تستاهل

هذا للعزوبيه........ممنوع دخول العائلات
اضافة رد مع اقتباس
  #14  
قديم 29/09/2004, 01:38 AM
رحمه الله واسكنه فسيح جناته
تاريخ التسجيل: 19/08/2003
المكان: الرياض عاصمتنا الحبيبة
مشاركات: 3,703
[ALIGN=CENTER] الله يعين هالموقف جاي جاي إذا الله أحيانا حياةٍ طيبة :p

ما أقول إلا الله يعين
طبعاً إذا حسيت أن الوضع مهب طبيعي ولا بديتوا بسواليف ماتنفع قل أبد جايين نسلم

أقول الي تعدوا هالمرحلة ســــــاعـــــدونا [/ALIGN]
اضافة رد مع اقتباس
  #15  
قديم 29/09/2004, 03:31 AM
مشرف سابق في منتدى المجلس العام
تاريخ التسجيل: 14/08/2000
المكان: london
مشاركات: 5,679

هههههههههههههههههههه السلطاني الله يرجك

ياخي مدري شلون بروح اخطب .. بس دام هذي توصياتك فمحنا متوهقين
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:49 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube