ماكل هزيمة لها سبب وانا اخوك .. اللي صار قل توفيق وبس

مجرشي والبرقان أفضل اثنين يلعبون بخط المحور
عطونا غلطات مجرشي قبل يطلع سلطان .. بالعربي قبل الطرد واندفاع الهلال للبحث عن التعديل.

مافيه طيب مشكورين وماقصرتوا.. لاعب قتالي نشب لاي ادمي معه كوره .. وبالاخير مايعرف يلعب مره وحده

والله لو جا دونقا وديشامب على عزهم ما اقتنعتوا فيهم .. جمهور الزعيم وحب التذمر

سبب الهزيمة يامن تبحث عن السبب واتمنى تكون جدي بالبحث عنه..

ان الهلال حاول يدور صحوته ويستفيق قدام فريق قتالي منتعش نفسيا .. وصدقني لو كان اللي لعبنا قدامه اليوم غير الانصار كان فزنا وبالعشرة

تحياتي لكل اللي لعبوا اليوم بما فيهم الاجانب قدموا مباراة ولا احلى ..
وش تبون اجنبي؟ هذا مستوى الدوري وهذا اللي نقدر عليه

الاجنبي رقم 8 واضح انه ممتاز لكن مو على االطراف صراحه رجله (( دوا )) عيبه ثقيل

السنتر تفاريس قتالي ونشيط وش ذنبه هو والشريدة ان مهاجم الانصار كان ذكي وسريع وانطلق بانفرادة؟؟؟
ياما وياما انفردوا ناس قدام نيستا وكنافاروا وستام وكل العالم .. وش العيب؟

الصبر ياجماعه صدقوني خطوات صح وفريق صح .. والعيب ان الانصار ماكان فيه عيب اليوم

صدق ان الحكم استخف وطرد الحارس .. وهاذي كبيرة شوي
لكن ماكل شي تبيه تناله ..

عموما لاتستعجلون .. صدقوني الفريق كان حلو ... لكن الانصار كان أكثر توفيق .

وجهة نظر شخصية حبيت اشارككم فيها . تبونها خوذوها ماتبونها .. جلّوها

احترامي للزعماء