السلام عليكم ورحمة الله وبركاته
اعتذر لكم عن عدم مشاركتي في هذا المنتدى الرائع منذ فترة طويله لكنني متابع له بشكل يومي وسبب انقطاعي هو الظروف العمليه التي مازالت تبعدني عن مدينة الرياض الحبيبه منذ ستة سنوات واتمنى منكم الدعاء لي بالاستقرار في الرياض ....

طبعا انا مستقر في مدينة جدة وحضرت مباراة امس بين الزعيم والاهلي (وانتم بكرامة) ومافيه داعي اذكر شي عن تفاصيل المهزلة اللي حصلت امس وبعد نهاية المباراة توجهت للمطار لمقابلة الرئيس الهلاللي الامير محمد بن فيصل ( ابو سلطان ) بعد ان قام بالنزول من الباص مع الاعبين وتوديعهم في المطار وسأذكر لكم مادار بيني وبينه بالتفصيل وباللغه العاميه ..

انا: وش ذا المستوى يابو سلطان ؟

ابو سلطان: خلاص بنعرض النزهان على قائمة الانتقال .

انا: اكيد .

ابو سلطان: خذ الكلام مني انا الرئيس بس جب لنا فريق ياخذه .

انا: طيب وعزيز ؟؟؟

ابو سلطان: عزيز لاعب عمره 23 سنه وجسمه قوي يعني يصلح يكون محور وانت تذكر العام واللي قبله كيف كان .

انا: كلامك صحيح قبل العام كان ظهير ايمن ولعب كويس والعام كان ممتاز لكن بعد ماضموه المنتخب راح فيها .

ابو سلطان: طيب يعني مستواه نازل وانشالله بيرتفع .

انا: طيب المفرج ؟

ابو سلطان: المفرج هذا افضل لاعب يلعب بحماس وروح وتوجيه للعيبه داخل الملعب .

انا:

انا: طيب وين ابو مبارك ليش مايلعب وسامي والهليل ؟

ابو سلطان: قال سامي بيرجع وابو مبارك لاعب كبير في السن ولياقته مااكتملت وصعبه لاعب بتاريخ ابو مبارك يلعب ولياقته ناقصه والهليل الحمد لله انه مالعب لانه لاعب جديد وصغير وممكن زي المباراة هذي تأثر عليه .

انا: اهم شي الدوخي باقي على عقده سبعة اشهر وفيه ناس في جدة مخططين عليه ؟ (طباخ البلاوي)

ابو سلطان: ( وبكل ثقه ) مايقدرون والدوخي لاتشيل همه راح يوقع .

وبعدها ودعت ابو سلطان وقبل ركوبه السياره قلت له تكفى نبي الغنام والقحطاني ورجع لي ابو سلطان مره ثانيه ومكلمني على جنب وقال لي الغنام سعره 12 مليون نعطيه ولا نعطيها عيالنا ؟؟؟
والقحطاني سعره 7 مليون وعندي ستة مهاجمين صح ولا لا قلتله طيب وين العنبر ليه مايلعب قال العنبر ممتاز لكن يبيله .....(أشر بيده) في اشاره الى ان العنبر غير منضبط .

وبعدها ركب السيارة ومشى ..

نقاط سريعه ...........

_ ابو سلطان انسان محترم ومرح بكل ماتحمله الكلمه من معنى حتى ان الحوار الذي دار بيني وبينه كان لمدة عشر دقائق رغم وجود مكالمه معه وكان متحمس في كل كلمه اقولها كما انه ركب في الباص مع الاعبين قبل وبعد المباراة .

_ فهد المفرج كان يجلي ويخلص كور بالغلط ومع ذلك كان يصرخ على الاعب الذي يتفاجا بالكره وهي امامه من تخليصة (سيقانا) الغبيه .

_ حضرت للهلال في الرياض وجده والشرقيه واقولها بكل صراحه وبدون اي مجامله جمهور الرياض ثم جمهور الرياض ثم جمهور الرياض .

والسلام عليكم ورحمة الله وبركاته .

_