التفـــــــــــــــــــــــــــــاح الفـــــــــــــــــــــــــــاسد والله إللي يصير بهلالنا شيء لا يبشر بخير ابد صار بعض اللاعبين مثل السوس ينخر بجسد هالفريق و صارت العدوى متنقله من الواحد للثاني بداية الأمر كانوا خمسة الحين ما صار فيهم من يفتح النفس صار بعض لاعبين مثل التفاحة الفاسده ما غير ينشر خرابه على الباقين يا عالم يا خوفي اللي فينا عقوبة و إلا دعوة مظلوم ياليت لو نعيد النظر ونشوف وش بلانا دحدرنا و ما صار يردنا شيء القادسية و قلتها بالموضوع اللي طاف يالله تعادلنا الأهلي و هو داج ضمد جروحه على حسابنا اجل وش حالنا مع شباب الشباب و إلا النصر أو الإتحاد الوضع ما يطمن أبد بمحط يدينا على قلوبنا مالظاهر فيه بطولات بس ياخوفي لا نصير درجة أولى الله يستر :sad: هذي فقرة من موضوعي السابق (( بعض اللاعبين المعروفين المطيري و الغامدي والمفرج والنزهان وعزيز وغيرهم لو نعطيهم بعض الفرق إعارة لمدة موسم و نستفيد لنا كم فلس مع أنه مالظاهر يجيبون شي بس هاه نقول و إلا يقضبون الباب ربي يسهل عليهم - خليل و سليمان والشريدة ما قصرتوا و إن كان أحد يبيكم جيبوا عروضكم و إلا مع شهادة الشكر وسلام)) اليوم شفنا النزهان والمطيري و خليل ياليت باكر نكمل على الباقي خلاص ما فيه رجاء ولو نضيف الماس معهم ماهيب شينه أبد وهذي فقره ثانية ((المحترفين قبل ما أشوفهم إلا الوكاد وربي هو العالم إنهم بيضرون الفريق إما أنهم دلوخ و إلا أنهم يمشون الحال و راح يأخذون مكان واحد شاب يمكن يطلع منه شيء)) الوكاد اللي هذا مستواهم اليوم ما منهم رجاء أبد إذا ما شالوا الفريق اليوم ما نبيهم إذا رجع التمياط وسامي وباقي النجوم ما طالب فريق كماتشو في حالة إنهاء العقد بدفع كامل المرتبات إلا أنه عارف أنه بيرجع في اقرب طيارة هذا أول الخير وين فطين و أبو سلمان ما شفناهم طبلوا لين إفقعوا طبلات إذونا بالصفقات لا مدرب زي الناس ولا محترفين يفتحون النفس وكل يوم ناط واحد الرئيس الشاب يقترب من النجم العالمي لا شفنا لا نجم عالمي ولا مدرب عليه القيمه إلا والله المدرب عازم جماعته على هبرة الهلال و نصيح وينكم يا أعضاء الشرف إدعموا النادي وين تبون الدعم يجيكم و انتم ما تصرفون بفلوسكم صح يا خوفتي عقب كم مباراة نشوف تطاير البشوت و "العطه يا بطه" وش أخبار رئيس أعضاء الشرف وش مخطط يفاجئنا هالسنه مثل عواديه بالصفقات والدعم ولا يهون نواف بن محمد ما قصروا متابعة شفنا ثمارها على العموم على قولة الأوربت القادم مذهل أكثر و ياما راح نعض اصابع الندم على أيامٍ مضت |
على أحر من الجمر وبشغف كبير كنت أنتظر صحف اليوم بشوف تصاريح الرئيس و مبرراة الخسارة و ياليتني لا قريت إقتباس:
خلونا نعود للتصريحين مع إني أنصح المستشفيات بالتعاقد مع الرئيس والنائب لزوم البنج و التخدير ونزيد عليهن الضحك على الذقون - وقال "اللي هو الرئيس" الهلال لم يخيب الظن رغم الخسارة خاصة انه لا يزال في مرحلة بناء ولاعبوه صغار سن ولقاء الأهلي كان كبيراً بالنسبة للاعبين في سن هؤلاء. لم يخيب الظن كيف يعني بالمستوى أو بالهجمات أو بالتكتيك في أيش والله ما شفنا إلا خيبة الظن كلها ولا هجمة وحده صراحه ما يخب الظن بالفشل و الحوسه و اللخبطه مرحلة بناء من وين و لا عبين صغار متى تعال معي العتيبي و المفرج و النزهان و الغامدي المطرف قاربوا على الثلاثين و جازوا الموسم الخامس لهم في الهلال وشلون أقتنع أنهم صغار و إنك تبي تبنيهم مع ثلاث محترفين صار العدد ثمانية مو باقي إلا مجرشي والجري والصويلح عساك تطمح بنقل الخبرة لهالثلاثة من خلال الإحتكاك باللاعبين اللي أمس :bluesky: ما نقول إلا الله يصبرنا و يخارجنا :confused: نائب الرئيس بداء يسلك طريق جديد والظاهر أنه ما يدري انه مع الهلال مو فريق ثاني مو زعيمنا اللي ينهزم من التحكيم بهالشكل و المستوى فشلتنا والله ولا هيب الشرهه عليك الشرهه على من خلاك تمسك مايكروفون وخلاك تصرح أجل قال نائب رئيس نادي الهلال الأستاذ خالد المعمر ان الحكم عبدالرحمن الجروان كان السبب الرئيس في خسارة فريق كرة القدم الأول بالنادي من مضيفه الأهلي (3- صفر) في اللقاء الذي جمع الفريقين البارحة في جدة. الحكم و انتم ملعبين لي كديش مجمع الله يصبرنا بس |
الوقت المعتمد في المنتدى بتوقيت جرينتش +3.
الوقت الان » 01:12 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd