السلام عليكم ورحمة الله وبركاته............

وبعد

عظم الله أجركم وأحسن الله عزائكم يا جمهور الزعيق وليس الزعيم

طبعا أكيد ان الجميع زعلان والضغط مرتفع والكل يتحسر ومنقهر :sad: :sad:
لكن هدو شوي ولا تزعلون مافيه شي جديد الهزايم متعودين عليها لا وبنتيجه كبيره
الوضع فري

في مبارات الهزيمه اليوم أدور لاعب يلعب كوره صح مالقيت والله مالقيت غير العتيبي وبس

النزهان والله مدري وش أقول الا الله يصبرنا عليك الين يرجع الدوخي
المفرج لاعب كااااااااااااااااااان لاعب لكن الحين أكبر شايب بالملعب
البرازيلي مستوى لابأس به مع انك شبكتها قووول لكن لمساتك توحي بان عندك شي
الجري حتى الان وهو ماخذ مقلب بنفسه قالها العجلاني سابقا منهو الجري؟؟؟؟
المجرشي أبي كوره باصيتها صح بس كوره وحده الله يكنسك من التشكيله الزرقاء
الغامدي والله العظيم اني ماشفتك بالتشكيله الا باخر الشوط الأول واقع على الارض ولقطه بنص الشوط الثاني واقع على الارض كمان صراحه انت فااااااااااااااشل
المطرف ماهو انت المطرف اليوم حرام عليك ياشيخ
البرازيلي الثاني هل انت أفضل من سعد والشلهوب والله طالبنا بطلال يوسف البحريني لكن ماعندك أحد لا ويجيد الفاولات؟؟؟؟؟؟؟؟؟؟؟؟؟
كابتن الصويلح والله يوم اشوف ركضك بالملعب أتذكر البانكبانثر لاعب معطينه أكبر من حجمه لاعب عااااااااااااادي والله نتكلم عربي ياناس انتم تسمعون ولا لا لكن واسطتك قويه يالصويلح من قدك الله يعيد ايامك ياسامي
باولو سلامات ماتشوف شر نتمنى منك المزيد لكن اليوم ماسويت شي نبي احسن من كذا لكن ما الومك معاك الصويلح العله الله يعينك
المبارك فاشل استغرب انك حتى الان تلعب مع الزعيم
مضواح عارفين مستواك لكن مكانك ظهير مع ريال مدريد حرام عليك تلعب بالهلال
الموري انت لاعب صغير لا تتكبر على اللعيبه واللعب لنفسك انسه الايام طويله ومعاك الفرصه الكافيه لاتستعجل على اثبات وجودك

العتيبي يعطيك العافيه ماقصرت انت احسن واحد شفته اليوم


& أين البرقان هل المجرشي أفضل؟؟؟
& أحمد الصويلح مع احترامي لمحبيه اثبت انه فاشل
&المحترفين اليوم أشباح وخاصه رقم 6 الاعب الفلته
&الهزائم بنتيجه كبيره عااااااااادي متعودين عليها
&هل هذا هو الهلال اللي كنا نشجعه ولا يشبهله

هناك لاعبين يلعبان بالدرجه الثانيه بكرى مباراتهم مع العداله بالاحساء دعوه لجمهور الشرقيه لحضور مباراتهم
الاول يلعب بالنص من طراز نواف التمياط أقسم بالله نواف التمياط رقم اثنين طلبه العجلاني العام قبل الماضي ايام كان مدرب القادسيه ولكن جهل الاداره عرقل الصفقه اسالوا العجلاني عنه : خلف سراي 11
والثاني مهاجم صغير بالسن شارك مع منتخبنا قبل اسبوعين وجاب ذهبية القدم اللي بتونس وكان احد ركائز المنتخب لفريق السداسيات : عارف البهدل 9

أتمنى تحضرون مباراتهم
يلعبون لنادي العروبه بالجوف بكرى العصر مباراتهم مع العداله نتمنى التوفيق لهم وللزعيم

لكن المقصد لو يتم التعاقد معهم أقسم بالله أنهم سيفيدون الفريق واللي مو مصدقني
سيكون لهم مبارات مع سدوس بالرياض وراح اذكركم ان شاء الله وانتم تحكمون


خاتمه
لاتزعلون على حال الزعيم مادام النزهان والمفرج والمجرشي والغامدي والصويلح والموري والمبارك يلعبون

اولاً يا أخي الهلال سيبقى زعيماً وليس زعيق رغماً عن الغامدي والنزهان والمفرج وعزيز فرغم كل ما فعلوه ويفعلوه من تشويه لتاريخ الزعيم الا انه سيبقى زعيماً وسياتي يوم قريب باذن الله نحتفل بطردهم من النادي وتحقيق البطولات .

أوافقك في كثير مما ذكرته عن اللاعبين الا في الصويلح والموري فلا يمكن الحكم عليهما في ظل غياب تام لخط الوسط باكمله .

لماذا هذا التشاؤم نحن كهلالين لا نسمح بمن يتلفظ بكلمات مسيئه للهلال

وسيظل الهلال زعيم نصف الكره الارضيه رغم أنف من لا يرضى

الهلال لم يدم شي يذكر

الصويلح لاعب حرث الملعب طول وعرض ((بس ما عندك أحد))((يد وحده ما تصفق))

المدرب يحتاج وقت ليعرف المفرج على حقيقته وأنا متأكد ان المدرب بيصرف النزهان المباراة الجايه

اتمنى من الهلال تصحيح الاوضاع قبل فوات الاوان

لازال المشوار طويل والله يوفق

صحيح احترقت اليوم بس هديت بعد ما تذكرت أن زين الدين نزهان لاعب

معليش اعذروني اذا تكلمت بالفاض مي كويسه لكن
والله من القهر اللي قاعد اشوفه

معليش

بس ياشباب والله خربوا السمعه والله حرام كفايه
اكثر فريق ينخرط بالخمسات والاربعات والثلاثات

بلله مو قهر

السلاااااااااااااااام عليكم



وانا اخوووك والله اعجبني كلامك بس خربتها وكفشتك انك سمسااار وجااالس تحررج على لاعبينك من يوومك سبيت الصويلح


انت تدري ان الصويلح احتماال يجررك وانت ببيتكم ؟؟؟؟!!!!!!!!


صرااحه هوو اللعب اللي يستااهل الواحد يشووفه بالملعب ولابس ازررق
بس اللعب جالس يلعب الحااله

وبعديين ليش ما كملت العتيبي معااهم ولا ماعندك حراااس


maj2002

إقتباس الرسالة الأصلية كتبت بواسطة maj2002 السلاااااااااااااااام عليكم وانا اخوووك والله اعجبني كلامك بس خربتها وكفشتك انك سمسااار وجااالس تحررج على لاعبينك من يوومك سبيت الصويلح انت تدري ان الصويلح احتماال يجررك وانت ببيتكم ؟؟؟؟!!!!!!!! صرااحه هوو اللعب اللي يستااهل الواحد يشووفه بالملعب ولابس ازررق بس اللعب جالس يلعب الحااله وبعديين ليش ما كملت العتيبي معااهم ولا ماعندك حراااس maj2002

مافهمت وش تقصد صراحه

لكن بقولك اني سمسار ضحكتني
شلون اصير سمسار وانا لسا شباب
لعلمك انا لاعب شباب نادي؟؟؟؟؟ انت تعرف

ومن ناحية اللعيبه اللي ذكرت
انا ما أقول الا انك تحضر لهم مباريات فهمتني ؟؟؟؟؟؟؟؟؟
اذا انك بالرياض
فيه مبارات مع سدوس اتمنى تحضرها وماتدري يمكن تلقاني مع التشكيله
كل شي وارد

7
7
7
7
وبعدين تقول ليه استثنيت الحارس العتيبي
العتيبي افضل من لعب بالمبارات
صراحه مافهمت قصدك بقولك ماعندك حراس
بس حراس الهلال معروفين غير الدعيع والعتيبي
الماس والغامدي وجبلي بس العتيبي افضل منهم

ومن ناحية الصويلح اقولك انه لاعب عادي جدا مايحتاج تمدحونه قالك مجرشي ولا المحياني ولا الحارثي حق النصر

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اخوووي


عسااك بعد بتقوولي اللعبين ذوولا اللي مدري وش سميتهم احسسن من الصويلح ؟؟!!!!!!


ههههههههههههههههههههههه

مع السلامه بس هههههههههههههههههههههه

المشكله تقوولي انك لاعب ههههههههه شكلك من طقه المفرج :p

والله يابو مفرج صار يضرب فيك المثل

بصراحه اخوي زودتها على الصويلح والموري اما قوللك انك ما تلوم دسلفا بسبب وجود الصويلح معه اقولك ان دسلفا اصيب في بدايه المباراه وانا كنت بالملعب وشايف حتى انه من بدايه المباراه ما تحرك ولا جرى صح بسبب الاصابه اللي جته وعموما ترى دسلفا لا عب رائع ومستوياته مع الوحده والاتفاق خير دليل وبعدين الجري مو عاجبك الجري عاجب جميع الهلالين وتجينا انت تقول مو عاجبك بصراحه من يوم ما شفتك تدلل بكلامك على العجلاني وانا غاسل يدي

بن سماره

الأفضل انك تشجع بلاش ما تتكلم على ناديك

والله عيب

النادي محتاج لتشجيعكم

وانت قاعد تلومهم

ههههههههههههه

كلام سخيف والله

تقول يا بن سماره مصحح اختبارات

وتعرض نتائج الاختبارات ..

يمكن اللاعب ما قدم مستوى اليوم

يقدم مستوى بكره وش يدريك

بس حق كلام بس ..

كلام فاضي

ياحبيبي الصويلح مايحتاج شهادتك الصويلح اللي ماعجبك لعب بظرف سنة وحدة مع منتخب الناشئين والشباب والاولمبي والاول هههههههههههههههههههههههه اجل الحارثي ومجرشي احسن لا تصير انت احسن منه بعد

يا شباب الصويلح لاعب فنان بس لازم نلحق عليه

تراه اناني انا لاحظته اكثر من مباراة اخوياه فاتحين ولا يزال يحتفظ بالكورة

الحقوا عليه وفهموه

اقول الصويلح يلعب بس فية مشكلة
انانية فوق الزوم - يعني انسى انة يمرر اويصلح هداف
لازام هو الي يسجل
و( لازم يصير رونالدو)

إقتباس الرسالة الأصلية كتبت بواسطة الساهر99 يا شباب الصويلح لاعب فنان بس لازم نلحق عليه تراه اناني انا لاحظته اكثر من مباراة اخوياه فاتحين ولا يزال يحتفظ بالكورة الحقوا عليه وفهموه

إقتباس الرسالة الأصلية كتبت بواسطة saad9900 اقول الصويلح يلعب بس فية مشكلة انانية فوق الزوم - يعني انسى انة يمرر اويصلح هداف لازام هو الي يسجل و( لازم يصير رونالدو)

المشكله انه فيه لاعبين مهما يخطون ومهما يسوون تلقى بعض من المحسوبين على الخريطه الزرقاء يدافعون عنهم وهؤلاء ينظمون الى قائمة جمهور الغفله,,,,جمهور الغفله,,,,جمهور الغفله

وجمهور الغفله هذولم ماطلعوا وماعرفوا الكوره الا من عام 1418هـ لا وبعضهم من العام الماضي
بس الشكوى لله مانقدر نقول الاا الله يخلف ولايبتلينا

اختلف معك كثيراً في نقطة الصويلح ........... والرد ستشاهده من الصويلح خلال الايام المقبلة ........