هل تذكر أول يوم دراسي في حياتك - نادي الهلال السعودي - شبكة الزعيم

السلطاني · #1 13/09/2004, 04:56 AM

بمناسبة بداية الدراسة

هل تذكر أول يوم دراسي في حياتك؟

أنا راح أكون أول واحد يجاوب

أتذكر أن أول يوم قال لي أبوي أنتبه ترى راح يقولون الأسامي.. وإذا قالوا أسمك
لازم ترد : حاضر... أنتبه لاتقول نعم

عاد أنا حفظت النصيحه

وكان المدرس يقول أسماء الطلاب وكانوا كلهم يقولون نــــــــــــــــــعــــــــــــــــــم

ويوم قال المدرس أسمي تلخبطت

ورديت : نعم .. لا .. حاضر .. نعم .. حاضر

صراحة كان ودي أني غبت ....... ولا صار لي هالموقف المحرج

كايدهم · #2 13/09/2004, 05:00 AM

ههههههههههههههههههههههههه

.. اجل حاضر .. نعم ولالا

الله يرجك ..

انا والله مااذكر الا شنطتي وفيها ساندوش الجبن وعصير سنتوب

تركي المحيميد · #3 13/09/2004, 08:30 AM

والله أذكر اني جلست أبكي وأقوووووول
أبي أمي ......... خلوا امي تدخل معي

ههههههههههههههههههههههههههههههههههههههههههههههههههههههههههه
ههههههههههههههههههههههههههه
ههههههههههههههههه
هههههه

ولد وايل · #4 13/09/2004, 09:17 AM

هلا وغلا اخوي السلطاني
والله ماني ذاكر اليوم كله ولكن اللي اذكره ومازال في بالي
يوم ركبت السياره مع الوالد قال : خلن اشوف شنطتك ياولدي

وانا ادربي راسي حاضر ياابي <<<<اشوفك قلبته برنامج افتح ياسمسم

المهم ان الوالد فتش الشنطه ويوم فتشها وشششششششششششش لقى ؟؟؟؟
امممممممم هنا السؤال يحرجني شوي عشان كذا مانسيته <<< لا ياشيخ
تخيل اخوك ولد وايل ياحليله بريئ ومشخص بالطاقيه الزري مادرى وين ربه حاطن فيه <<ماتلاحظون انه طول عليكم
المهم يوم فتش باختصار وشششششششششششش لقى ؟؟؟
امممممممم هنا السؤال يحرجني يؤؤؤؤ اثري قلتها قبل
المهم لقى سياره صغيره

بيني وبينكم ردة فعل الوالد ماني قايلها بصراحه الوالد عصبي الله يطول في عمره
احتفظ فيها لنفسي .....اصلا نسيت

........

تحياتي يالسلطاني وموضوعك رائع وحلو مثل راعيه

أبوأسامة الهلاااالي · #5 13/09/2004, 05:07 PM

بالعكس

أنا خشيت المدرسة وكلي شموخ وتفاؤل بالمستقبل

إيه هين

أذكر يوم أول مرة أشوف فلكة في حياتي يوم ينجلد خويي الروح بالروح الله يذكره بالخير
علي يد إستاد عباس اللي كان يدرس لغة عربية ويسوق الباص ويأذن وبتاع كله

هلالي جمري · #6 13/09/2004, 08:19 PM

خخخخخخخخخخخخخخخخ والله موضوع حلو

انا اول يوم رحت المدرسة المفروض اروح ( اول ب ) وانا سيدة رحت ( اول ج ) وانا كنت افكر المدرسة كل

العاب لكن طلعت عقاااااااااااااااااااار

الفارس الحائر · #7 13/09/2004, 10:45 PM

اول يوم رحت للمدرسه

كنت متحمس ومجتهد

بس اضحك على يبكون وانا اشقاهم

بس كل ماكبرت الهدوء يغلبني واللهم لك الحمد