|
هل تعجبكم تخبطات وتدني مستوى ( حسن العتيبي ) ؟! بسم الله الرحمن الرحيم والصلاه والسلام على رسول الله محمد الامين ارجوا ان تقبلوني عضوا في هذا المنتدى الكبير اللذي يجمع عشاق الزعيم في مكان واحد ليطرحوا مواضيعهم وكل ماهو جدير بالمناقشه لرفعة مستوى الكره الهلاليه هذا النادي اللذي احببناه من كل قلوبنا لن اطيل عليكم الكلام فخير الكلام ماقل ودل طبعا الحارس ( حسن العتيبي ) حارس نادينا حاليا لوحظ عليه تدني سيء في مستواه الفني واصبح الزعيم يتحمل اخطاء هذا الحارس ففي بطولة الصداقه ولجت اهداف من مسافات بعيده وحسن يتفرج عليها او احيانا تصيبه حالة سرحان في وسط المباراه وهاهو الدوري يعود من جديد وتعادلنا مع القادسيه اللتي من المفترض ان نفوز عليها لولا الهدايا اللتي وزعها حسن العتيبي على لاعبي القادسيه الهدف الاول لايلام فيه المدافع وغلطة حسن هي تقدمه عن مرماه واتجاهه للكره على الرغم من ان الكره موجه للمدافع وهي بحوزة المدافع الهدف الثاني : كره عرضيه لايستطيع حسن العتيبي التقاطها بالشكل المطلوب تخرج من يده واذا بها تجد الترحيب من لاعبي القادسيه ليدخلها هدف ثان للقادسيه اما الهدف الثالث خروج غير موفق من الحارس وتركه مرماه فارغا الا تتفقون معي بان خروج حسن العتيبي عن مرماه وتقدمه الدائم عن خط المرمى هو سبب الاهداف اللتي تتوالى على شباك الزعيم نداء الى الاداره حسن العتيبي ليس في مستواه واذا استمر في هذا المستوى فسنخسر الكثير وارجوا من الاداره الهلاليه بحث البديل المناسب هذا رأيي الخاص ويتفق معي بعض الزملاء وشاكر لكم ومقدر |
والله حسن العتيبي مستواه متراجع وبشكل مخيف ... ولكن للاسف فهو افضل الموجودين في ظل غياب الاسطورة محمدة الدعيع |
هلا وغلا اخوي ابوزيد وحياك الله بين اخوانك بصراحه حسن العتيبي انخفض مستواه بعد ماجاء العملاق محمد الدعيع لاكن الان بدا يرجع إلى مستواه لاكن فيه بعض الاخطاء ان شاء الله مع الايام تروح يدأبيد من أجل الهلال ياجمهور الهلال ........ |
ماتعتقد انك زودتها حبتين اشويه في انتقادك لحسن العتيبي على فكره الهلال في حاجه العتيبي اكثر من الدعيع والسبب ان الدعيع كثرت اصاباته وكلها سنتين وبي يعتزل يعني المتقبل للعتيبي |
اخوي مساء الخير مشكور حبيبي على الموضع انا كنت ناوي اتكلم فيه انا مادري ليش الجماهير شايفه ان حسن كان مستواه سي في المبارة اقول بسم الله 1- الهدف الاول شفه من الاول غلطت الصخرة المفرج تفلسف في كورة انقطعت منه رجعت لابو عزيز رجعها لاحظ كيف كان الكورة قوية لافه حتى لو حسن في المرمى راح تحرجه صح هو يتحمل جزء بسيط من الهدف بس مو لوحدة 2- الهدف الثاني يتحمل حسن من وجهة نظري 50الى 60% قلي ليش اقول لك لان المحاورة والسنتر تركوا لاعب القادسية يشوت الكورة قريب من المرمى الكورة كانت من جد قويه وصعبة على اي حارس بس انا معك انه يتحملها بس مو اكثر من 60% 3- الهدف الثالث اول شي تغطيت الجري متاخرة لاعب القادسية رفع الكوره وكان معه مجرشي ما حاول يمنعه مرة الكورة وسلمت على المفرج اللي نزل راسه لها عشان يلمسها لاعب القادسية بحركة سريعه وصعبة على اي حارس بس انا كان ودي انك تشير الى الكورتين اللي صدها حسن واللي مو اي حارس يصدها والاخيرة لو جاء هدف انتهت المبارة حبيبي واخوي وكل اخواني والله ما لنا بعد الله الا حسن خلونا نحاول نرفع من معنوياته وتذكروا الدعيع الله يرجعه بالسلامه يبي له وقت يعني حسن ان شاء الله هو الامل خلونا نشجعه وندعمه وانا متاكد انه راح يبيض وجونها قولوا امين اسف اني طولت واخوي اختلاف الراي لا يفسد للود قضيه صح كدا:D |
أولا لا تلوموه لأنه أكثر من عام لم يدخل التشكيله الاساسيه × لاتحكمو عليه في مباراة واحده ×ظل اسير على دكة الاحتياط بعد مجيئ الاخطبوط لاعب القرن الى الهلال ×لاتحطموا ابو علي وان شاء المباراة الجايه تصفقون له وباقي الكلام: ماقاله الجوفاني مجرد وجهة نظر |
يـا أخـي ,,,, مبارة القادسيه جميعها يتحملها الدفاااااع السئ ......!!! أمـا حسن فـأنشاء الله سيكون هو حامي المرمى الهلالي بعد الله ثم الدعيع ... والعتيبي لسه بـأول المشوار ,,,,, والطريق طويل قدامه مشكور اخوي ,,,,, وحياك بالمنتدى |
اشكر الجميع على الردود وكل هذا في مصلحة النادي وشاكر لكل شخص ابدى رايه على موضوعنا تحياتي : الهلالي المتعصب : ابو زيد المهلهل |
[ALIGN=CENTER]السلام وش هالكلام الفاضي؟؟ وشو اللي متدني؟؟ ياخي ما ودانا في ستين داهيه الا هالافكار.. تقدر تعطيني لاعب مبدع طول المباراه؟؟ ولا يرتكب ولا غلطه.. تقدر؟؟ و بعدين جيب لي افضل حارس في العالم و حط قدامه الدفاع الهلالي اللي اسميه ((شوربه)).. دفاع انواع الشوراع.... اتحداااااااااااااك لو تخلص المباراه بدون ما يجي فيه اهداف..ربما ما تكون منه و بسبب الدفاع و ربما تكون منه لأنها قافله معه من انصاف اللاعبين اللي قدامه.... تنسى تصدي ابو علي للكرات اللي ما يقدر عليها احسن حارس و بدل ما توقف معه و تشكره على حماسه نلقاك صاحي من النوم و تقول لي كلام ما يقبله عاقل.... نصيحتي لك روح تابع تنس ارضي يمكن ينفع لك.... قال ايش قال متدني مستواه..... سلام [/ALIGN] |
شف اخي العزيز انا جيت هنا اطرح موضوع وانتقده وكل انسان له رايه وهذا رأيي لكن حاول تحسن الرد باسلوب افضل من هالاسلوب سلام |
[ALIGN=CENTER]العذر و السموحه و حقك علي.... لكن ياخي انت في افضل الانديه يعني فكرك لازم يكون بمستواه...فكر قبل تكتب ........... و زي ما قلت لكل واحد رأيه الخاص... اسف مره ثانيه...[/ALIGN] |
اخوي والله الي اشوفه انا ان العتيبي رد اكثر من خمس اهداف محققة في المباراتين السابقتين .. ولم الحظ انه اخطأ الى في هدف واحد تقريبا ... |
العتيبي غرييييب عطه فرصة بعد غياب يبدع لكن اذا لعبته مباريات ورا بعض ما ادري وش يصير له |
ماصار الا الخير يا ( وخر عني ) وكلنا ابناء نادي واحد اما بالنسبه لرد الاخ توتي 2005 انا اتفق معه كثيرا وهذا ملاحظ عليه |
والله حسن العتيبي مستواه متراجع وبشكل مخيف ... ولكن للاسف فهو افضل الموجودين في ظل غياب الاسطورة محمدة الدعيع |
| الوقت المعتمد في المنتدى بتوقيت جرينتش +3.
الوقت الان » 01:54 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd