رجعنا للكديش ورجعت لنا الخيبة معاهم .."المفرج الغامدي عزيز النزهان العنزي "آه ياقلبي
 

أولاً وقبل لا أخش في الموضوع تخيلوا فريق في العالم يمتلك هالتشكيلة :
[align=center]بندر الماس
بندر المطيري .. المفرج :upset: ..ذياب مجرشي ..النزهان
..خالد عزيز ... عمر الغامدي ... مازن الفرج
......تركي الشايع .....
محمد العنزي ....ماجد الضويلع [/align]
كل واحد من هالكديش يقول الشين عندي .... لو واحد من هاللزقات اللي فوق لعب في أي فريق فإنه سيكون كفيلاً بإنزاله لمصاف الدرجة الأولى ....فما بالك بأن تكون كل هذه الأسماء تلعب في فريق واحد ومن هو هذا الفريق إنه زعيم آسيا الهلال ....آه يالهلال كلن صار يلبس شعارك ...
قبل حضور البرازيلي باكيتا طالب الجميع الإدارة بتنسيق الاسماء المستهلكة وطرد اللاعبين اللذين تسببوا بالخماسيات "المفرج وعزيز ومنهم على شاكلتهم " ولكن للاسف تفاجئنا بإحالة قائمة التنسيق للمدرب والذي يجهل تماماً تاريخ النكبات واللذين يبدعون في المباريات السهلة والغير جماهيرية وإذا جاء الجد خنبقوا وخربطوا لنا لعب الفريق بالكامل

قسماً بالله تعبنا يالمفرج ....من يشاهد المفرج في التمارين ينبهر بالحماس المصطنع لهذا اللاعب وتوجيهه المستمر لزملائه وسماع كلام المدرب وتطبيقه بالحرف الواحد ...اي مدرب بلاشك سينخدع بهذا الحماس ويزج باللاعب في كل مباراة ولو على حساب لاعب أكثر كفاءة منه " لكن لايجيد فن الحماس"
المفرج وعزيز ثنائي مدهش ........حبيبنا المفرج طيب الذكر , في الهدف الأول يخلص الكورة على طريقة دفاع مكاو لتعود لشريكه في النكبات والذي لم يقصر مع الكورة ويودعها في المرمى هدف قدساوي جميل وعلى فكرة فهي ليست غريبة على عزيز فهو هداف وصانع العاب ومن ينسى صناعة هدف السويد في كاس ولي العهد

آه ياعمر ....في مباراة الفريق الجايه في الرياض بأحضر المباراة مهوب عشان الفريق ولكن ابي اشوف عمر الغامدي وش يسوي ... ماراح اتابع اي شي في المباراة إلا الغامدي والدور التكتيكي اللي يلعبه ...ياناس ثلاث سنين عجزت اشوف وش قاعد يسوي هالآدمي كل ماجا مدرب نشب لنا هالعلة في نص الملعب .. كور مقطوعة ... يسحب رجليه ....يمثل مع خالد عزيز بؤرة الخطر للدفاع فشاهدنا مع ندرة هجمات القادسية إلا ان كل هجمة كانت تشكل خطر على العتيبي ...



إذا لم تتدخل الإدارة في مناقشة المدرب فإننا مقبلون على كارثة لاتقل بأي حال عن كارثة العام الماضي ...ويارب سترك

اخوي شرشبيل
والله انك ضحكتني من كل قلبي
حلوه طريقة عرضك بل رائعه
ههههههههههههه
وانا اتفق معك في كل كلمه
ترى قاعد اكتب الرد وربي اني ميت ضحك
الف شكر لك اخوي العزيز على خفت دمك وعلى موضوعك

[ALIGN=CENTER]مشكور على هالموضوع المعروض بطريقه مضحكه وناقده جميلة جدا:D[/ALIGN]

هههههههههههههههههههههههههههههه

والله هذا الي بيصير السنه الي راحت خمسات والسنه هذي ستات

ترى الستات اغلى من الخمسات :D

انا الي قاهرني المفرج طالبه برشلونه ورافض يروح لهم ( هبلا ) يطامر بها السيقان يوجه نفسه

ويخلي الاعبين توجيهه هو الي ناكب الاعبين مسوي فاهم وهو من جنبها

اما خالد عزيز ( الساعه الخراش) المفروض يحطونه يلاحق كور احسن له 0

متى بيرجع نواف وسامي ودوخي والشلهوب بس

ولا واحد في التشكيله تقول بيسوي شي في المبارة بيقلب نتيجه شي مافي امل يقلبها علينا ابشر0

الله يعينا بس ويصبرنا 0

موضوعك كذا s37s

هههههههههههههه
والله انك صادق يا شرشبيل
لا والي يقهر ان المفرج يطلب ميه وخمسين الف ريال لتوقيع عقد ووافقوله يعيني

اتفق معاك وخاصه ماجد الضويلع وبندر الماس والمفرج


اما مازن الفرج فأختلف معاك كثير


وبالنسبه للمطيرى مافيه غيره هو والجرى يعنى لو يغيب الجرى لاسمح الله من بيكون الظهير الايسر ؟؟؟؟؟؟؟؟؟! المفرج ؟؟؟؟!!!!!


مشكور

:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D:D


صراحة ماعمري ضحكت على شئ بالمنتدى مثل ضحكي على موضوعك :D:D:D

الله يرجك :D

تدري شلون اخوي شرشبيل .. ودي تجتمع انت وعمر الغامدي في مكان واحد:D

ودي اشوف وش بتسوي معه:D

السلام عليكم
 

إنك أسمعت لو ناديت حيا *** ولكن لا حياة لمن تنادي

بتنبح حلوق أحرف الكيبورد عندك على غير سنع .

إذا كان المنتدى هو منتدى الزعيم الرسمي فلمَ لا يطـّلع المدرب أو الإدارة على لسان حال الجماهير

ومدى رضاها عن الفريق من عدمه . وليس شرطاً تنفيذ كل ما يريده الكتّاب .

تحيتي لك .

مادام هالزبايل تلعب أساسية بالهلال
فماراح تشوف الا من كذا وأكثر

أما المفرج فلا أعتقد أنه المسؤول عن الهدف

ياناس الهلال مشكلته الأساسية في قلب الفريق المحور
فمنذ غياب خميس وابوثنين والفريق يعاني الأمرين

شرشبيل = كلام رائع للغايه
رجعنا لجيل النكبه وبدا الاخفاق
اتفق معك بجميع كلامك ماعدا الماس والضويلع والفرج ارى انهم سيقدمون للهلال شيء
البقيه سدوس فريق بن معمر مايقبلهم

هلا والله بالمتألق شرشبيل...
انا بس ابعرف وش بيضرهم لو شالوا عزيز وحطوا بداله البرقان...او احمد مجرشي على اقل تقدير؟؟؟
الغامدي...اكبر لغز في تاريخ الهلال...مادري هم يشوفون شي غير اللي حنا نشوفه؟؟ بس ميب معقولة اغلبية الجمهور الهلالي متفق انه عالة...يعني كل هالجمهور غلط والغامدي صح؟؟؟
لاعب ماتدري هو محور ولا وسط ايمن ولا وش مركزه بالضبط...اذا كان محور شله هو و عزيز وعندك البرقان ومجرشي...

النزهان...
:(:(:(
والله هاللاعب كرّهني في الكورة ومتابعة المباريات حسبي الله عليه...ولايهونون باقي الشلّة..
مهارات...مافيه..
اوفرات صح..مافيه..
تغطيات زي الاوادم..انسى..
تقفيل الخانة..ولاحتى تحلم بيها..

على اي اساس يلعب؟؟؟ الله اعلم!!
ياخي جرب الصويلح تركي...ممكن يفيدك...على الاقل بيطلع احسن من النزهان في كل الاحوال...

المفرج...
لاحول ولا قوة الا بالله...
اثبت فشله الذريع العام الماضي..خلاص ليش تعطونه فرصه ثانية؟؟؟ بالله عليكم المفرج يلعب والشريدة احتياط؟؟؟ بأي منطق هذا؟؟ وبأي فكر هذا؟؟؟

طيب ليش مايلعب الخثعمي بدال المفرج؟؟ جسمه مايساعد؟؟؟ صغير؟؟ على الاقل نقول هذا الموجود ولافيه افضل منه...

اسف على الاطالة بس والله من حرّ مانوجس...:(

وجود النزهان والمفرج احباط للفريق الهلالي

حسن العتيبي ايضاً كل الاهداف ماتركب باي حارس حتى هدف خالد عزيز لانه جاي مندفع بشكل غريب


كيف حالك شرشبيل ............. لك خالص احترامي