أولاً وقبل لا أخش في الموضوع تخيلوا فريق في العالم يمتلك هالتشكيلة :
[align=center]بندر الماس
بندر المطيري .. المفرج ..ذياب مجرشي ..النزهان
..خالد عزيز ... عمر الغامدي ... مازن الفرج
......تركي الشايع .....
محمد العنزي ....ماجد الضويلع [/align]
كل واحد من هالكديش يقول الشين عندي .... لو واحد من هاللزقات اللي فوق لعب في أي فريق فإنه سيكون كفيلاً بإنزاله لمصاف الدرجة الأولى ....فما بالك بأن تكون كل هذه الأسماء تلعب في فريق واحد ومن هو هذا الفريق إنه زعيم آسيا الهلال ....آه يالهلال كلن صار يلبس شعارك ...
قبل حضور البرازيلي باكيتا طالب الجميع الإدارة بتنسيق الاسماء المستهلكة وطرد اللاعبين اللذين تسببوا بالخماسيات "المفرج وعزيز ومنهم على شاكلتهم " ولكن للاسف تفاجئنا بإحالة قائمة التنسيق للمدرب والذي يجهل تماماً تاريخ النكبات واللذين يبدعون في المباريات السهلة والغير جماهيرية وإذا جاء الجد خنبقوا وخربطوا لنا لعب الفريق بالكامل

قسماً بالله تعبنا يالمفرج ....من يشاهد المفرج في التمارين ينبهر بالحماس المصطنع لهذا اللاعب وتوجيهه المستمر لزملائه وسماع كلام المدرب وتطبيقه بالحرف الواحد ...اي مدرب بلاشك سينخدع بهذا الحماس ويزج باللاعب في كل مباراة ولو على حساب لاعب أكثر كفاءة منه " لكن لايجيد فن الحماس"
المفرج وعزيز ثنائي مدهش ........حبيبنا المفرج طيب الذكر , في الهدف الأول يخلص الكورة على طريقة دفاع مكاو لتعود لشريكه في النكبات والذي لم يقصر مع الكورة ويودعها في المرمى هدف قدساوي جميل وعلى فكرة فهي ليست غريبة على عزيز فهو هداف وصانع العاب ومن ينسى صناعة هدف السويد في كاس ولي العهد

آه ياعمر ....في مباراة الفريق الجايه في الرياض بأحضر المباراة مهوب عشان الفريق ولكن ابي اشوف عمر الغامدي وش يسوي ... ماراح اتابع اي شي في المباراة إلا الغامدي والدور التكتيكي اللي يلعبه ...ياناس ثلاث سنين عجزت اشوف وش قاعد يسوي هالآدمي كل ماجا مدرب نشب لنا هالعلة في نص الملعب .. كور مقطوعة ... يسحب رجليه ....يمثل مع خالد عزيز بؤرة الخطر للدفاع فشاهدنا مع ندرة هجمات القادسية إلا ان كل هجمة كانت تشكل خطر على العتيبي ...



إذا لم تتدخل الإدارة في مناقشة المدرب فإننا مقبلون على كارثة لاتقل بأي حال عن كارثة العام الماضي ...ويارب سترك