سهر العقيلي حتى ساعة متأخرة من ليلة ما بعد المباراة،وذلك بعد التوبيخ الذي تلقاه بعد المباراة من محمد فوده،وذلك بعد مغادرة العقيلي أرضية الملعب برفقة الأمن متجهاً إلى غرفة الحكام،حيث ذكر شاهد حضور أن العقيلي سأل الفوده عند دخول الغرفة(بشر عسى قراراتي سليمة)!!!.فقال الفوده وهو زعلان(خلها بعدين حسب النظام)!!!.قال العقيلي(ماني طالع إلا إذا قلتلي وش أخطائي،تراني بشر،وما عندي تلفزيون مثلكم، لا تقول البلنتي غير صحيح)فقال الفوده(ارتح البلنتي صحيح ولكن ما تشوف!!!!وبدأ الفوده في الأخطاء:
ـ الشحن النفسي وأنا نصحتك بين الشوطين تروق وتمسك أعصابك حتى لا تكون المباراة أكبر منك،حصل هذا ولا لا.
ـ عدم التفاهم مع رجال الخطوط أحرجك مع الفريقين.
ـ عدم التمركز وبطأ الحركة أثناء الهجمة المرتدة أدى إلى إغفال خطأ لصالح سامي على الداود عندما شد قميصه،ونظر الفوده إلى رجل الخط وقال(وأنت ما شفتها بعد)،واللي مالك عذر فيها يا كبتن إعاقة سامي في وضع انفراد وهو متجه للمرمى كيف طافت عليك هذي كان لازم تحسب فاول وكرت أحمر للداود.
عموماً روح شوفها في البيت وبعدين تقدر تعطينا جواب!!!! انتهى.
حظر المناقشة أحد رجال الأمن، والذي بدوره…………!!!!!!
ولكن لا نقول إلا حسبي الله عليك يالعقيلي،ونطالب الفوده بتنفيذ وعده الذي قطعه على نفسه عندما قال بين الشوطين في قناة أوربت:سوف نبين أخطاء الحكام وذلك بعد كل مباراة مهمة،فاللاعب عندما يخطأ يعاقب، والحكم أيضاً يجب أن يعاقب على خطأه أيضاً وسوف يكون ذلك في التلفزيون.

ونحن بدورنا ننتظر هذا الوعد.!!!!

أبو عهد

المشكله ايش بيفيد الكلام والسهر .. خلاص لعبها صح العقيلي ..
وكلها ايام وليلي .. والناس تنسى وترجع ديمه لعادتها القديمه

سلام من اسير ...

وش الفايده انتهت المباراة ولكن الخوف من اللي بيحكم المباراة القادمه ياخوفي
انه يكون العمر او المهنا ....انشاالله يكون معجب الدوسري او ظافر ابو زنده.

اللي بيحكم المباراة التي تجي العمر
لكن ليش مانطرح التحكيم جنب ونفكر بالخطوط والتشكيلة المناسبة
وانشاء الله الفوز حليف الازرق
قولوا آمين

يا أبن الحلال صدقني ما درى عن كلام العقيلي اللي يبونه النصارويين ونفذه ، والدور على العضو الآخر في المباراة القادمة ، وكل كلام الفوده ان صح فهو مستهلك ، وللاستهلاك المحلي الذي اتنهت صلاحيته .

والأخ أسير لطيفه أقول له سعيد أخو مبارك لا أبو..... ولا الدوسري .

المهم رضا أبو خالد وميمي وراشد ، والباقين في .........

على العموم مايريده اتحاد كرة النصر هو أن يلعب النصر والأهلي على النهائي ، ومشيئة الله فوق الجميع ، وبإذن الله تظهر الروح الهلالية وبدون خطة من المدرب اللي مانيب ولا كثير من الرياضيين مقتنعين فيه .

يا شباب وش يرجع للهلال حقه خلاص ضاع لاكن الله لا يوفق العقييلي الله يشله يا رب

كهلالين ما نتظر من احد يعلمنا كوره الفاولات والأخطاء واضحه وضوح الشمس ,,,,,,,,
وعندما يعترف مراقب المباراه بخطاء الحكم لا يستفيد اي شيء الفريق المظلوم ,,,,,,,,,
الحكم له نصيب ,,,,,,, والمدرب له .... ؟؟؟؟؟؟؟؟؟؟؟؟؟؟؟؟؟؟؟

يا شباب صدقوني .. لو ترجع روح الهلال الي عهدنها من قبل .. بمشيئة الله ما يوقف قدامه لانصر وحكام ،،،

صحيح روح الهلال هي الزبدة وهي التي سوف ترفع أسهمه وتجعله يقضي على من تسموا بأنهم أبطال وهم زلايب

العقيلي المفروض مشي على طريقه " اعقلهـــــــــــــا وتوكل " باداره مباراه
ولكن ... هو عقلها بناء ماعقلها من اتجاهات صفراء ........
والفوده ...... الله اكبر هل تتذكرون وش سوى بالثنيان والغشيان (قبل 6 سنوات)اعطى كل واحد منهم كره احمر ......
يارجال " من يمشي على طبيعه مايقدر يغير اطبيعه"

بكرا المهنا .................. وسوف تشوفون العجب العجاب ......
اقول احسن طريقه ان الهلال يدخلون الملعب ويلبسون فنايل صفر . نعم


فنايل صفـــــــــــــــــر
ممكن يرجع ولو حق واحد للهلال

الضمير الهلالي( الضمير)###

نشكرلك المعلومات المهمة التي وافيتنا بها@

لكن رد العقيلي يبين انة اجتهد وساء التقدير ,,
لكن يبدو انة تعمد ذلك ,,,
""""""""""""""""""""""""""""""""

الأخ الفكر....... أعزه الله،
صحيح أن العقيلي أوهم الفوده أنه اجتهد وأخطى بدون قصد ،لكن لازم يقول كذا لكن إللي في قلبه غير اللي على لسانه.!!!

الضرب في الميت حرام و ما ينفعنا في شي ..
خلوا نظرتنا مستقبلية

لله درك يا الضمير ... بصراحه انت عقلية مشرفه لكل الهلالين .
يااخوي الضمير ... تكفى شف حال ادارة الهلال ووضع الهلال فقد ان الاوان الى ان يكون في الهلال اجهزة فعاله وخلينا نركز على ترتيب الهلال اللي ضايع على يد الشغل التطوعي .
يااخوي الضمير ياليتك تتطرق لفضيحة درع الجامعة العربية ... الكل ساكت عنها وهي فضيحه المفروض ان تستخدم في فضح ابو الفضائح التي تعدت تكتكة الحكام ورجال الخطوط وهندسة الاعلام الاصفر ... الى ان طالت هيئات دولية بحجم الجامعة العربية !