#1  
قديم 01/09/2004, 11:49 AM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
يا للعجب ........ شركه سويديه قذره تذلنا

[ALIGN=CENTER][ALIGN=CENTER]اليوم الصباح وزي كل يوم في العطله كنا سهرانيين..
وبعد الفجروالساعة ست بالتحديد قاموا ثلاثه من الشباب وقالوا نبي نروح نشوف افتتاح ايكيا ونشوف الناس..........
المهم بعد نص ساعه اتصلوا فينا
وقالوا: تعالوا الحقوا لا يفوتكم كننا في مكه (الله يشرفها) وقت الحج!!!! مشاكل واسعاف ومرور والدائري منسد والحريم اكثر من الرجال!!!!!!!!!
طبعا اول شي ما صدقت قلت من الفاضي اللي يقوم من الصباح ويروح عشان طفسه ماتستاهل المهم قعدنا شوي قلت خلنا نروح نشوف وش القصه ؟؟
وطلعنا من مخرج تسعه حسيت ان الدائري زحمه قلت معقوله كل هذا عشان ايكيا؟؟
ثمن قلت لا الناس طالعين للدوامات وهذا السبب للزحمه المهم يوم قربنا اشوف غبار من بعيد ونقرب ونقرب ونشوف هالبشر والله اني ما تذكرت الا الحرم ( الله يشرفه )!!! وقفنا السياره ونزلنا وبدت المعاناه ..
شياب على خمسين ستين سنه واقفين ينتظرون وشباب تشوف اشكالهم ولبسهم وكلامهم وحركاتهم تنسد نفسك والطامه الكبرى الحريم والله ثمن والله اني تنكدت وضاق صدري وحسيت بكتمه حريم سعوديات كبار وصغار متراصين وقايمين من صباح الله عشان خمسمية ريال من هذه الشركه السويديه القذره اللتي ذلت الشعب السعودي اليوم بهذه الطريقه السوقيه والقذره اللتي اتبعتهلتسويق منتجاتها واللي يزيدك هم وحده شايله بزرها معها واللي تدف عربيه كل هذا عشان طفسه هالوسخين
ويم جاء توزيع الكوبونات العالم مجتمعين عند البوابه والكوبونات وزعوها في اخر المواقف تعال شف الصراخ والمشاكل والطقاق والحريم اللي اغمي عليها واللي تركض كن واحد يلاحقها بيذبحها

مشاهد من الموقع :
**فيه واحد اجنبي (احمر ) شكله المدير او المسؤل تشوف الشباب وهم يلاحقونه تحس بالذل وانت مالك دخل
**حصلت (مضاربه ) بين حرمتين حصل فيها ( تمشيع ) للشعر ورفع احدى الحريم ( الشبشب ) على الاخرى
** حصلت حالتين اغماء لحرمتين (اللي شفتها غير اللي ماشفتها ) وطبعا كان الاسعاف قريب لانهم عارفين انه بتصير مشاكل لكن مااقول الا حسبي الله على من سمح لهم
**قام احد الشباب من اصحاب الطواقي الطويله ( مسوي الشيف رمزي ) باداء مقطوعه رائعه من ( الكسرات ) وقام من هم على شاكلته ( وهم كثير في الموقع) بترديد ( ياعيوني ,,,الله الله)

** حصلت هناك حالات ( ترجيم ) من الشباب على الحريم ومن الحريم على الشباب ومع كل (هجمه ) اقصد رجمه تسمع (زعاق ) الجمهور

** بعد ان اعلن (المذيع الداخلي ) اقصد السكيورتي ان الدخول للحريم فقط ارتفعت ايدي الحريم وبداوا بالتشجيع وما تذكرت الا هدف سامي على الشباب

يالسخريه القــــــــــــدر!!!!
-السعوديه اكبر مصدر للبترول في العالم وسعر البرميل الان وصل لحاجز الخمسين دولار ونشوف هالشياب والحريم والشباب يتقاتلون من اجل خمسمية ريال
- السعوديه اكثر البلدان مساعدة للاخرين واخرها للسودان والمغرب ولبنان والعراق ومصر و,,,,و,,,,, وشيبانها وحريمها يتقاتلون من اجل خمسمية ريال
-السعوديه تملك اكبر احتياطي من النفط وشاهدت شايب يوم حصل على قسيمه بمئة ريال كنه فايز بمليون دولار


لكن اقول الشرهه مهوب على ايكيا الشرهه على اللي سمحلهم سواء اماره او بلديه
[/ALIGN][/ALIGN]
اضافة رد مع اقتباس
  #2  
قديم 01/09/2004, 12:00 PM
زعيــم مميــز
تاريخ التسجيل: 06/04/2004
المكان: جامعة كل الحلا وزين الصفاتي. مانلومك لو مدحت البرتقاله. منحرم من شوف لابست العباتي. شوفها ما كل مخلوقن يناله. لو تشوف بنات القصيم مفرعاتي. ان تحط البرتقاله في الزبالة
مشاركات: 1,913
رد: يالسخرية القـــــــــــــــــدر........ شركه سويديه قذره تذلنا

إقتباس
إقتباس من مشاركة FhOoOoO

[ALIGN=CENTER][ALIGN=CENTER]اليوم الصباح وزي كل يوم في العطله كنا سهرانيين..


يالسخريه القــــــــــــدر!!!!
-السعوديه اكبر مصدر للبترول في العالم وسعر البرميل الان وصل لحاجز الخمسين دولار ونشوف هالشياب والحريم والشباب يتقاتلون من اجل خمسمية ريال
- السعوديه اكثر البلدان مساعدة للاخرين واخرها للسودان والمغرب ولبنان والعراق ومصر و,,,,و,,,,, وشيبانها وحريمها يتقاتلون من اجل خمسمية ريال
-السعوديه تملك اكبر احتياطي من النفط وشاهدت شايب يوم حصل على قسيمه بمئة ريال كنه فايز بمليون دولار


لكن اقول الشرهه مهوب على ايكيا الشرهه على اللي سمحلهم سواء اماره او بلديه
[/ALIGN][/ALIGN]

8
8
8
8
8
انا ماقول شي

الصراحة شفت ألي انت شفت كنت نازل مع مخرج سطعش رايح للملز واشوف الزحمة و وقلت الحيا والناس تقطع الشارع والله لايبلنا وكلهم رايحين لايكيا بس مفروض يخلون الافتتاح بالليل
لانه صار ناس رايحي لدوام وناس جايه من دوام والدنيا كله زحمة زحمة توحش (طبعن وانا عند المخرج وشلون الي عند باب ايكيا)

(ترا الناس هي الي عودة نفسه على الذل)
اضافة رد مع اقتباس
  #3  
قديم 01/09/2004, 12:11 PM
زعيــم نشيــط
تاريخ التسجيل: 25/01/2004
المكان: الظهران
مشاركات: 590
والله انك صادق أنا كنت شاهد عيان على هذه المهزلة.


وعلى فكرة الأجنبي اللي لابس فنيلة حمراء هو فليبيني جاي يبغى الخمسمية . لكن الشباب ما خلوه ما غير يتحرشون فيه.


المهم أنا قعدت إلى 7:45 وبعدين رحت بعد الي شفته من هالمهازل .
اضافة رد مع اقتباس
  #4  
قديم 01/09/2004, 12:26 PM
زعيــم مميــز
تاريخ التسجيل: 20/03/2004
المكان: ::: الــريــاض:::
مشاركات: 2,936
[ALIGN=CENTER]فعلا مسخره واعلانهم عن 500 ريال لاول خمسين شخص..سبب كل هالزحمة مدري لهدرجة صرنا نتدافع عشان 500 ريال واحنا ديرة عز..لاحول ولاقوة الا بالله..شكرا لك اخي على هالمشاهد FhOoOoO من موقع الحدث.[/ALIGN]
اضافة رد مع اقتباس
  #5  
قديم 01/09/2004, 01:02 PM
زعيــم مميــز
تاريخ التسجيل: 29/02/2004
المكان: الرياض
مشاركات: 1,513
وهذا ما حدث في فرع جده لانهم اليوم افتتحوا فرعين في نفس الوقت

جده ( الوفاق ) وسط حملة اعلامية مكثفة لشركة ايكيا بدأ اليوم الافتتاح الذي يمكن أن يطلق عليه الفاجعة حيث ساهمت الإغراءات الإعلانية لأول 50 زائر وأول 200 زائر في افتراش المواطنين والمقيمين للموقع منذ أمس ليبدأ الافتتاح وسط فضيحة وازدحام يبدو أن ضحيته بعض الوفيات التي لم يعرف عددها حتى الان بسبب الازدحام والمضايقات حيث اختلط النساء بالرجال وحدثت بعض التجاوزات من الرجال على النساء وشهد الحدث تعرض الصحفيين والمصورين للصحف المحلية للضرب وقد شوهدت سيارات الهلال الأحمر تنقل المصابين والمغمى عليه للمستشفيات الجدير بالذكر ان الافتتاح بدا الساعة العاشرة من صباح اليوم الأربعاء
ا
اضافة رد مع اقتباس
  #6  
قديم 01/09/2004, 01:08 PM
زعيــم مميــز
تاريخ التسجيل: 20/03/2004
المكان: ::: الــريــاض:::
مشاركات: 2,936
[ALIGN=CENTER]لاحول ولا قوة الا بالله..مهزله مابعدها مهزله..تعتقدون فيه احد من كتابنا الجهابذ في صحفنا المحلية بيكتب عن الي حصل..شخصيا معتقد...لانه كل واحد يدور على مصلحته..وانتم افهموها[/ALIGN]
اضافة رد مع اقتباس
  #7  
قديم 01/09/2004, 03:06 PM
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
اولا ماكن العنوان يالسخرية القدر كلمة لا ينبغي قولها !!!
لأن الله سبحانه وتعالى هو اللذي قدر الأقدار !!!

ثانيا:
إقتباس
** بعد ان اعلن (المذيع الداخلي ) اقصد السكيورتي ان الدخول للحريم فقط ارتفعت ايدي الحريم وبداوا بالتشجيع وما تذكرت الا هدف سامي على الشباب

مادري فيه احد جايب اعلام !!! ترى النصروايين يحسبونها بطوله ودهم ياخونها

شر البلية مايضحك !!! هل وصلنا الى هذه الدرجة من قلة الوعي !!!!
اضافة رد مع اقتباس
  #8  
قديم 04/09/2004, 10:55 PM
زعيــم مميــز
تاريخ التسجيل: 29/03/2002
المكان: ( الررررررررياض)
مشاركات: 3,661
[ALIGN=CENTER]السلام عليكم

ولي تعقيب

اذلنا قومنا وأهلنا وسادتنا

افلا يذلنا ابناء اقردة والخنازير

ويالسخرية القدر فعلا

[/ALIGN]
اضافة رد مع اقتباس
  #9  
قديم 05/09/2004, 02:25 PM
موقوف
تاريخ التسجيل: 16/06/2004
المكان: الســعوديه
مشاركات: 424
[ALIGN=CENTER]يالله ارفع عنا ولاتبلانا [/ALIGN]
اضافة رد مع اقتباس
  #10  
قديم 05/09/2004, 04:09 PM
زعيــم مميــز
تاريخ التسجيل: 10/07/2004
المكان: فوق هام السحب
مشاركات: 5,009
إقتباس
إقتباس من مشاركة asheqalreem

[ALIGN=CENTER]فعلا مسخره واعلانهم عن 500 ريال لاول خمسين شخص..سبب كل هالزحمة مدري لهدرجة صرنا نتدافع عشان 500 ريال واحنا ديرة عز..لاحول ولاقوة الا بالله..شكرا لك اخي على هالمشاهد FhOoOoO من موقع الحدث.[/ALIGN]

اضافة رد مع اقتباس
  #11  
قديم 06/09/2004, 12:34 PM
زعيــم مميــز
تاريخ التسجيل: 11/03/2003
المكان: الريــــــــاض
مشاركات: 3,319
ما أدري وين الذل ( الي من طرف ايكيا ) ؟؟؟


عملوا عـــرض تسويقي .. وش المشلكة ؟


لو كان واحد فيــكم يتوقع ان هالأشيــــاء بتصير ليه ما تكلم من قبل الإفتتاح ؟ و من أين للمسؤولين عن إيكيــــا بمعرفت ذلك ؟ ..

ثم ايكيا السعودية ماخذه فريندشايز من الشركة الأم .. يعني الحملات التسويقية شيء خاص
قد تصحبة استشارة . لكن ذلك مستبعد


من الأخير انتم الي ذليتوا انفسكم ..
اضافة رد مع اقتباس
  #12  
قديم 06/09/2004, 01:15 PM
زعيــم مميــز
تاريخ التسجيل: 07/10/2003
المكان: تــبــوك
مشاركات: 1,592
إقتباس
[ALIGN=CENTER]والله وش تبونا نقول ايكيا ذكيه واللي تبيه صار هذا انتم اللحين تتكلمون عن دعايتها حتى لو كانت بطريق الأنتقاد الآن معي شباب لأول مره يسمعون بشركة ايكيا يعني المسوق والمعلن للشركه نجحت فكرته ووصلت دعايته لخارج السعوديه مو بس في المنطقه المستفيده من الأعلان يعني ذكاء تجاري لكن الغباء مو في الناس المساكين اللي يدورون وطردون ورى خمسمية ريال الغباء والأنانيه في فطاحلة الرياض وتجارها اللي خلت مجموعه كبيره من أبناء البلد في حاجه لدعايه الغباء في الجمعيات الخيريه اللي ترسل مساعداتها للخارج الغباء في مليارات الدولارات بالعمله الصعبه تذهب صدقات على دول مثقفيها يفنون عمرهم لشتمنا الغباء بكل صراحه في ............. !!؟
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7

7
ألعب واسكت وكل وا......... ونام[/ALIGN]

اضافة رد مع اقتباس
  #13  
قديم 11/09/2004, 03:07 PM
زعيــم متواصــل
تاريخ التسجيل: 26/08/2004
المكان: الدور الثاني شقة رقم 11
مشاركات: 52
يا خي ليش دايما نلوم غيرنا والخطا مننا ..
الشركة همها الربح وهذا عرض ممتاز اذا جينا للواقع لكن عندك شعب لم ولن يرتقي..
للاسف هذي الحقيقة المرة للاسف
وتسلم يالغالي ...
اضافة رد مع اقتباس
  #14  
قديم 11/09/2004, 04:15 PM
زعيــم مميــز
تاريخ التسجيل: 07/10/2003
المكان: تــبــوك
مشاركات: 1,592
إقتباس
الرسالة الأصلية كتبت بواسطة كـفـو
يا خي ليش دايما نلوم غيرنا والخطا مننا ..
الشركة همها الربح وهذا عرض ممتاز اذا جينا للواقع لكن عندك شعب لم ولن يرتقي..
للاسف هذي الحقيقة المرة للاسف
وتسلم يالغالي ...

أي ارتقاء الله يرحم والديك المسأله ماهي مسألة ارتقاء المسأله حاجه لو ماكانو محتاجين لهالعرض ماكان جو انا ابي اصور لك الوضع مجموعه من المحتاجين فعلا أتو من الصباح الباكر للحصول على مبلغ يساعدهم والزحمه مو هم سببها سبب الزحمه الفضوليين اللي مايصدقون يشوفون تجمع او اي مناسبه علشان يدخلون فيها والأمثله كثيره مو فقط سوق تجاري وجائزه شف الحوادث والتجمعات شف التفحيط والتجمعات بعد نهاية الدوام عند المدارس شف التجمعات عند الأسواق شف التجمعات وعلى اتفه سبب تجمعات في تجمعات سئلت نفسك ايش السبب اقولك بكل صراحه السبب مو من الفضوليين أو من الشعب اللي على قولتك لا يتقي السبب ان مافيه نضام يمنع مثل هذه التجمعات نعم عندنا نضام يمنع التجمعات لكن تجمعات تدربي الراس يعني ممنوع التجمع السياسي ولا التجمعات الثانيه مسموح فيها والدليل كل يوم قدام عينك
اضافة رد مع اقتباس
  #15  
قديم 12/09/2004, 02:27 PM
زعيــم نشيــط
تاريخ التسجيل: 02/06/2002
مشاركات: 893
- بسم الله الرحمن الرحيم -

-

- تنبيه بسيط حول العنوان :

- وردت جملة ( يالسخرية القدر ) .. وهذا مما لا يجوز التلفظ به .. فقدر الله _ سبحانه وتعالى _ حكمة وليس سخريةً .. كما يجب الإيمان به لا التبرم منه ..

- هدانا الله وإياكم إلى صالح الأقوال والأعمال ..

-

- دمتم بخير ، أخوكم ( الجارف ) ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:49 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube