أرجوا ألا نكون ضحية سمسرة من قبل المدرب واللي قلبي يقول إنها كذا ؟؟
 

[ALIGN=CENTER]بسم الله الرحمن الرحيم
أولا
أحب أهني الجميع على هذا الفوز ,والذي بإذن الله يكون بداية خيرعلى الفريق.
ثانيا
لم يقدم الهلال مستوى جيد عطفا على إستعدادته المبكرة ,والدليل على ذلك أن الطائي لم يقدم مستوى يذكر , وللحكم على مستوى الهلال يجب الإنتظار حتى الجولات الخمس الأولى على أقل تقدير .
ثالثا واللأهم
قرأنا عن خبر تعاقد الهلال مع المدافع البرازيلي , الذي أرى بأن الهلال لا زال يعيش في التخبط أما فهمنا من أكثر من 10سنوات إحتراف ؟؟
ثم أن الفريق ليس في حاجته , الهلال بحاجة لاعبين عالميين فقط أحدهما محور والآخر صانع لعب على مستوى عالي
وأرجوا ألا نكون ضحية سمسرة من قبل المدرب واللي قلبي يقول إنها كذا .



مع تمنياتي للزعيم بالتوفيق..[/ALIGN]

اولا اخوي الهلال ما استعد مبكرا للدوري بالعكس كانت استعدادته سيئه بعكس الفرق الأخرى الي من نهاية الموسم الماضي وهي قاعدة تشتغل في الصفقات الخارجيه والداخليه شفنا الاتحاد بعد نهاية الموسم الماضي تعاقد مع اربعة لاعبين والاهلي جدد عقود محترفينه وتعاقد مع محترف آخر وغيرها من الفرق
وثانيا مستوى الفريق جيد الى حد ما وما نستطيع نقول انه مستوى ممتاز لأن المباراة كانت امام فريق سهل
ثالث شي ابي اعرف وش نقصد بالعالمي ؟؟؟؟؟؟؟
هل لعب مع منتخب بلاده ؟؟؟
اذا لاعب دولي واوروبي او غير اوروبي صعب انه يجي للسعوديه حتى لو اندفعت له ملايين كثيييره وهاذي الملايين غير متوفره ايضا اما اذا كنت تقصد لاعب دولي سابق ايضا اشوف انها صعبه في ظل الظروف الماليه الي تعيش فيها معظم الانديه السعوديه
بعدين احنا الاحتراف فاهمينه غلط ما عندنا فكر احترافي لا في الاداريين ولا في اللاعبين
شفت لاعب الاتحاد هيريرا هذا لاعب دولي في كولومبيا وكانت فيه مفاوضات بينه وبين انديه فرنسيه والاتحاد وقدر الاتحاد انه يكسب الصفقه
تدري انهم يفكرون يعيرونه عشانه ما ادى اداء ممتاز في مباريات وديه اي احتراف نتكلم عنه
حكموا على لاعب يلعب في بلد غريب وعادات وتقاليد جديده على اللاعب مناخ مختلف لاعبين لأول مره يلعب معهم ويحكمون عليه من مباريات وديه
يا ما لاعبين نحكم عليهم بالفشل ونشوفهم يبدعون مع انديه اخرى عندك مثال اكوا لاعب الاتحاد القطري والي خسره نادي الشباب والكثير لا تحضرني اسمائهم في الوقت الحاضر
احنا نعتبر اللاعب الاجنبي ساحر والعياذ بالله مو انسان مثلي ومثلك نطالبه بأنه هو الي يجعل الفريق ينتصر بأنه هو الي يسجل الاهداف ويدافع في نفس الوقت وما نهتم للمشاكل الي هو فيها والظروف المحيطه فيه ياخي أعظم لاعبي كرة القدم لازم تجي عليه مباراة سيئه ما يقدم فيها اداء وهذا شي طبيعي للغايه
تدري بعد وش الي يترك اللاعبين ما يبدعون او ما يقدمون مستويات جيده لأننا ما نتعاقد معهم الا قبل المباراه الاولى في الدوري بيوم متى يمديه يتعرف على اللاعبين ومتى ينسجم معهم وبعدين نقول عنه فاشل ونلغي عقده وتستمر الاسطوانة كل هذا غلط
طبعا فيه اشياء كثيره ايضا في اختيارات اللاعبين وتحديد المراكز التي يحتاجها الفريق وفي الغالب انها غلط
آسف على الاطاله وانا اشوف الكلام الي قلته اكثر من موضوعك بس موضوع الاحتراف عندنا يبغاله الشي الكثير والكثير جدا
وشكرا وآسف على الاطاله مره اخرى

أخي blue club
أشكرك على مرورك وعلى كلامك الجميل , لكن ألا تتفق معي بأن الهلال ليس بحاجة إلى محترف مدافع
وكذلك ليس بحاجة إلى محترفين أشباه لاعبين كنت أقصد باللاعب العالمي كبير السن يكون سعره معقول خذ مثلا دونادوني الإيطالي عندما لعب مع الإتحاد أفاد الفريق مع إنه متقدم في السن
وغيره الكثير ..
أو ياأخي تكون لجنة إستكشاف عن لاعبين من البرازيل أو افريقيا ويكون الزعيم هو السباق بشهرتهم
موخلاص مدح لهم المدرب لاعب وقالوا خلاص نجيبه وهذه مشكلتنا

وأخيرا أكرر شكري لك..

ايه والله صحيح وش نبي بمدافع وعندنا الهليل

ولا المصيبة الاكبر بيجيبون ديسلفا والله حنا مب ناقصين مهاجمين

أنا اعتقد ان اسوى فريق في الإعداد بين الكبار هو الهلال
بالعكس الهلال قدم مستوى جيد عطفا على الإستعداد
أما المدافع البرازيلي فانا أوافقك الراي
الهلال ليس بحاجه إلى مدافع إلأ بشرط أن يكون أفضل من الموجودين

الهلا ل ليس بحاجة لمدافع برازيلي وصقة داسيلفا مقنعة بعض الشي ويكفي انه نجح فالاتفاق و الوحدة وصار هداف الدوري عن طريقهم وبالنسبة لموضوع احنا مو فاهمين احتراف فالكلام صحيح
مليون بالمية ففريقنا مثلا فرط في عدة نجوم روني-ادميلسون-توليو-الكاتو-سوفو-سياسيا والاندية
الاخرى تجرب اللاعب فمباراة او مباراتين ويكفي ان الشرق الاوسط يوم قابلوا الكاتو من سنتين
سئلوه ليش اللاعب الاجنبي يفشل بسرعة وقال لهم ان اللاعب اذا جا البلد تتغير عليه امور كثيرة

وهذا غير انه اذا شاف امكانيات النادي والحضور الجماهيري يجيه الاحباط واذا درى انهم بيجربونه

يصاب بالاكتئاب ولا يعرف يسوي شي ........................................................................