[ALIGN=CENTER]ماعاد بي صبر ولا عاد بي حيل
لو غبت عنك يمك العقل كله

هايم بحبك وأسهر اليوم والليل
يأبو العيون الفاتنات المظله

أبي السفر لا شك بعدك غرابيل
دنياي هذي دون شوفك ممله

أنت الي معك السوالف مواييل
يالفاتن الي خافقي مستحله

مشتاقلك شوق اخضر البن للهيل
وشوق الصحاري للبروق المطله

هاك الغلى من دون شرح وتفاصيل
نبض المشاعر من خفوق يهله

ياغالي تحتار فيه التماثيل
قلبي يجله والمشاعر تجله

فيه القصايد كنها صافي السيل
عذبات في عذب خفوقي محله

أشتاق له لو هو قريب بالحيل
وطيفه اليا من غبت ماغاب لله[/ALIGN]