ياجماهير الهلال فريقكم بحاجتكم يوم الخميس ( اللي بيحضر للمباراة يوقع) - نادي الهلال السعودي - شبكة الزعيم

الذئب99 · #1 21/04/2001, 01:30 PM

أذكر جيدا ً قبل مباراة الهلال والأهلي كتب أحد الاخوه عن الذين يريدون حضور مباراة الهلال والأهلي وماشاء الله كان عدد اللي وقعوا بالحضور كثير جداً ورأينا كيف إمتلأت المدرجات ... ولأن الهلال غالي علينا وبحاجه لكل جمهوره في مباراة الخميس القادم فإني أدعوكم للتوقيع بالحضور ليمتليء إستاد الملك فهد الدولي بالجماهير الهلاليه ... لازم يحضر لمساندة الهلال اكثر من 40000 مشجع لأنه بصراحه نجوم الهلال محتاجين هدير المدرجات الزرقاء فأدعوكم للحضور وأنا إن شاء الله سأحضر رغم المسافه إن سنحت الظروف بإذن الله .... دعوه لجماهير الهلال بالرياض والدمام والقصيم وكل مكان الأزرق محتاجكم بهذه المباراة ... أرجوكم الحضور واللي بيحضر يوقع ولاينسى يجيب معه خمسه، سته، عشره، حسب سعة السيارة فإذا لم نساند الهلال في هذه المباراه فمتى نسانده!!

آه ياهلال · #2 21/04/2001, 01:38 PM

ياشباب تكفون هذي ممكن آخر مباراة للزعيم في الرياض هذا الموسم إذا تأهلوا بإذن الله للنهائي ممكن في جده فرجائي من الجميع إنهم يحضرون المباراة ويخلون جهة الهلال تمتلي بالبشر مشكور أخوي الذئب99
أتمنى من سور الصين مراسلتي على البريد لأمر هام جدددددددددددا

y2k · #3 21/04/2001, 01:40 PM

أخوي الذئب

كلامك هو الحقيقة فلابد أن نقف في صف الزعيم في هذه المباراة الحاسمه ، بعد المباراة التي سلبت منا بسبب ( الهبـيـلي) ، وانا متأكد باذن الله ان الهلال سيكون عند حسن ظننا وسوف يكون يوم سميك الذيب ، ولنا لقاء.
&&&&&& انا من سكان الشرقيه ولكن باذن الله سأكون أول الحاضرين والوعد جنب الفريان&&&&&&&&&

شباب سدير · #4 21/04/2001, 02:24 PM

مشكور أخوي الذئب .... وراح أحضر معي كم واحد...الأزرق في حاجتنا... الوعد يوم الخميس القادم ونقول بإذن الله مبروك التأهل ياهلال...

ريفالينو · #5 21/04/2001, 02:32 PM

انا اول الحاضرين ان شاء الله

][عاشق$الهلال][ · #6 21/04/2001, 02:37 PM

انا انشاء الله حاضر الله لا يعوق بشر
بس الله يسترلا نفوز بعشره ثم تجينا تخمه لان الاعصار الهلالي غاضب

هلالي الرياض · #7 21/04/2001, 02:40 PM

حاضرين حاضرين الله لا يعوق بشر

انا من ناحيتي بحضر المباراة انشالله ومعي خمسه اشخاص ( السياره ما تشيل اكثر من كذا )

يا هلال عزك عزنا

نايف · #8 21/04/2001, 02:44 PM

السلالالالالالام عليكم.....
انشاء الله الحضوووووور بيكوووون اكثر من المباراة اللي فاتت.... .
وانشاء الله الكل بيحضر صغيررررررررنا وكبيررررررنا .... .
حنا نسووووي اللي علينا والباقي علىالله...والله يكتب لنا التوفيق والفوز على فرييييييق {اللحووووووووجْ}...ياناس حتى اشبالهم يوم التكريم....{لحنجْْ} اللهم لاشمااااااته.... .
الله يووووووووفق الازززززززرق ويكتب لنا الفوووووووز ادعوا ياشباب تراء الدعاااااااء له دووووور كبير.... .
وبا التوفيق للكل.. .

زعيم الزعماء · #9 21/04/2001, 02:48 PM

بصراحه اللى يشجع الهلال هذا دورك جاى يا عاشق الهلال الله الله بالجد يا شباب تكفون لا احد يتأخر فى كل مجلس فى كل ملعب تكلموا مع جمهور الهلال وجهو له دعوه بصراحه انا بأذن الله ببجيب معى سته تكفون يا شباب النصر من الله والله ينصر الهلال

abu yakoob · #10 21/04/2001, 02:53 PM

هذي ما يبيلها قول . كل هلالي غصبا عنه بيحضر , الا اللي عنده ضروف.

بعدين مب تروحون و تقعدون تتفرجون ... نبي تشجيع و استهبال و صراخ ...مثل جماهير الاتحاد و الاهلي .

أبو ناصر · #11 21/04/2001, 03:43 PM

باذن اللي ماتنام عينه ابحضر ..

وبنفوز ان شاء الله ..

يا شباب ... هذه اخر مباراة نحضرها للهلال في الاستاد !! فان تاهلنا .. فالاحتمال الاكبر ان تقام في جدة !!

وان لم نتاهل - لاقدر الله - فلن يكون للهلال والهلاليوم علينا حجة !!! فادوا اللي عليكم بالحضور ..

الحضور .. الحضور ...

تحياتي ..

فتى الذهب · #12 21/04/2001, 07:37 PM

انا بكون أول الحاضرين ان شا الله

العشق الهلالي · #13 21/04/2001, 09:59 PM

ااااااااه لو انى فى السعوديه......

تكفون ياشباب الحضور الحضور

النمر المقنع · #14 21/04/2001, 10:42 PM

اعتقد مايبي لها كلام

اذا ما وقفنا مع الهلال في الشده اجل متى نقف معه

وانشاء الله نملى استاذ الملك فهد

المدار · #15 22/04/2001, 01:06 AM

جايين جايين ..... الله لا يعوق بشر

والفوز بحول الله واثقين منه ...بس المشكلة وش يصبرنا للخميس