السلام عليكم ورحمة الله وبركاته.....
انا اعرف ان المناسبه جات في غير وقتها وتزامنها مع هزيمه الهلال النادر حدوثها لكن هذا لا يمنع ان نبارك لكاتبنا الرائع وصديقي العزيز الاخ عايش العنزي.

صدر يوم الاربعاء 24/01/1422 هـ الموافق 18/04/2001 م قرار صادر من تلفزيون المملكه العربيه السعوديه القناه الثانيه قسم البرامج الرياضيه بتعيين الاخ عايش العنزي مراسل المنطقه الشرقيه للقناه الثانيه يعني اي رساله من الساحل الشرقي في برنامج كل الرياضه سيكون عايش العنزي هو الي يغطيها.

نسأل الله ان يوفق الاخ والصديق العزيز عايش العنزي في رسالته الاعلاميه مما يصب على الرياضه السعوديه بالنفع والفائده لعمرفتي بقدرات اخي العزيز عايش الاعلاميه (بتقولون صديقه ويمدحه لا ولله انتو بتشوفونه اليوم السبت 21/04/2001 م او بالكثير الاحد واحكمو بأنفسكم).

طبعا انا اعتبر الانجاز هاذا انتصار كبير من انتصارت هذا المنتدى الغالي الي صار جزء لا يتجزاء من حياتنا اليوميه بقيادة شخص عزيز على قلوبنا صاحب السمو الملكي الامير بندر بن ثامر بن سعود بن عبدالعزيزال سعود ومعاه ناس لايدخرون اي جهد في سبيل الرقي بهاذا المنتدى الى اعلى المراتب الاعصار,سلمان.ألاسطوره,الاولاني,طلال.سفر و ابوناصر.

هاذا ولكم مني جزيل الشكر والثناء ونتمنى للزعيم التوفيق في مبارته مع النصر الخميس القادم لانها معادله واضحه الهلال = بطوله إذا البطوله = الهلال

ملاحظه ((الله يستر من عايش لا يرفع خشمه علينا وينغر تراه مواعديني انه يدخلني معه الملعب ببلاش وفي المنصه لا وازيدكم من الشعر بيت انزل الملعب بعد المباره))<br><font size=1 color="#000080" face="tahoma">[عدلت بواسطة فالح التاريخ:21-04-2001 الساعة: 10:56 AM]</font>

الف مبروك عايش العنزي ويستاهل
والله يوفقه في عمله الجديد
السبت ابشوف كل الرياضه

طاب هلالكم
 

اخوي &&& فالح

مشكور على الخبر السار ، وعايش (النباط) عفواً العنزي يستاهل كل خير والله يوفقه ، بس أبي أقول له يفكنا من كلمة { الساحل الشرغي}. وبالتوفيق ياعايش.

مبروك يالعنزي
 

<FONT color="#0005FF">السلام عليكم: الف مبروك عايش العنزي ..بالتوفيق في منصبه الجديد ....للامــــــام دائماً ،،،</FONT>

تحياتي & اشواقي

ماشاء الله تبارك الله .
.<FONT color="#0B00FF">الف مبروك للاخ عايش العنزي </FONT><FONT color="#3001FF">وانشاء الله الى مزيد من التقدم </FONT>

الاخ الغالى:
عائش بستان العنزى لولا غلاتك عندى كان زعلت عليك طول العمر؟!
ايعقل ان اكون من اخر الناس علما !! لااتصال ولاهم يتثمثمون!!!! عموما مبروك عدد
ما صفق البشر ليوسف وشتم الحقاد لمجننهم الهلال وعدد ما مجد الكذابون لكذبتى
القرن سامج الحائر وماحد الكهل!!!!!!!!!
مساء الاربعاء احتفاءا بك ونيابة عن هلاليو الشرقية عشاءك عندى ولا عذر ولامبرر
والدعوة عامة لهلاليو المنطقة والموقع جزيرة المرجان!!!
y2k..دمى ازرق..فالح..على السمرانى من اعرف سكنهم فى الشرقية وارجو حضورهم
وكل هلالى.....منصور الشمرى وابراهيم الضويان وعبدالله الاسمرى من ضمن الحضور بس احصلهم!
عائش: لااقبل لك اىعذر اطلاقا!!!!!!!!!!!!!!!!!!!!!!!!!!!!!!!!!!!!

ألف ألف ألف مبرووووك ...

والله يوفق كل الهلاليين في كل مكان ...

ولكم تحياتي ...

أخوكم / سفر المرزوقي .

الف مبروك ويستاهل
 

الأخ فالح
يعطيك الف عافية على ها الخبر الحلو وفي الحقيقة فا الأخ عايش يستاهل كل خير وأنا أرى أن نبارك للمنصب اللذي تزين بالأخ عايش وليس العكس.على العموم الف الف مبروك والأمل نقل تهنئتي القلبية الحارة الى الأخ عايش وبالتوفيق انشاء الله..

ألف مبروك يا ولد العم
وتستاهل كل خير

مبروك
 

الف مبروك أخي عايش العنزي وأسأل الله أن يسدد خطاك ويوفقك حتى تحقق كل طموحاتك .. وشكر خاص للأخ فالح على هذا الخبر والله يوفق الجميع

ألف مبروك للأخ عايش العنزي ويستاهل
أخوي سور الصين أتمنى منك مراسلتي على البريد لأمر هام جدددددددددددا

الف مبروك أخوي عايش العنزي وتستاهل
والله يوفقك و يوفق جميع الأخوان أنشاء الله .

ألف مليون مبروك ... ومن مرتبه إلى مرتبه أن شاء الله والله يوفقك وجميع المسلمين...:):):)

الف الف الف الف مبروك تستاهل وعسا الله يوفقك ويكتب لك الخير يارب

مبروك ياعايش العنزي .. تستاهل

بس لاتنسانا .. تسوي معى لقاء ... لان اخوك بالشرقيه . ابقيق
واسطتنا حبنا للازرق ههههههه

الف مليون مبروك اخوي عايش وصدقني تستاهل ..ولا تنسى اخوي عايش كل يوم كم خبر عن نادي راس تنوره هاه يعني رفع معنويات...

بدت الواسطات ....الف مبروك اخوي عايش وتستاهل

سلام

الف الف مليون مبروك ياخوي عايش

بس بصراحه ماودي انك اعلنتها يافالح

لو ارسلت ايميل لكل واحد علشان نفرح
ولا احد يدري غيرنا

اخاف يمسكها علينا زكيه زكريا

http://mypage.ayna.com/alhreef1/alhreef.GIF

مبروك يخوي عايش والله انك قدها وقدود و بتوفيق انشاءالله

ألف مبروك للأخ عايش :)

بس وينه لايكون تكبر علينا من جد;)

<FONT color="#000EFF">مبروك ونبي منك الاخبار الطيبه (والصحيحه) وتساوي بين الهلال وغيره.............</FONT>

اخوي الغالي (فالح) ,,

انا اخالفك الراي ياغالي فهذه المناسبه رائعه لنا كاخوان يجمعنا محبه الهلال , ومهما كان الوقت حتى لو كان حزين لنا :( الا انه يخفف وطاه الهزيمه او الصدمه التي تعرضنا لها ,,:(

وتسلم ياغالي فنحن نحتاج لان نفرح مع اى اخ هلالي غالي علينا لانه عندما يحقق شيئا فكان الجميع حققه :) ولكن وين (عايش) لايكون تكبر صدق يا(فالح) ;) ماشفناه في المنتدى من بعد الترقيه :D ,,

أخوي الغالي (عايش العنزي) ,,

الف مليون مبروك ياغالي , والله تستاهل , ومن عرفك تعاملك ورقي حوارك من خلال ردودك ومواضيعك عرف انك انسان على مستوى عالي من الثقافه وحسن تعامل الراقي ,,

وباءذن الله اتمنى ان يصل بك طموحك الى اعلى المراتب , وانت اهلا لها وتستحق كل خير ياغالي :) ,,,

ولكن لاتترك هذه المسئوليه الجديده تأخذك منا ومن تواجدك معنا في المنتدى :) ,,,

والف مليون مبروك مره ثانيه لك ياغالي :) , وبالتوفيق لك في مهمتك الجديده :) ,,,


وتقبل خالص تحياتي لك ,,,

ألف مبروك ياعايش ......

الاخ العزيز عايش العنزي
ابارك لنفسي قبل ماابارك لك , تستاهل ياالهلالي الغالي .
الف مبروك .

الأخ عايش العنزي شخص ليس بغريب عليه الإبداع والتفوق لإعتلاء أعلى المراكز الإعلاميه ,,,

ما شاهدناه له من كتابات واعيه في المنتدى تجعل هذا المنصب يتزين بوجود الأخ عايش ويزداد بريقه لمعانا :) ,,,

الف الف مبروك للمنصب بوجودك فيه :) وننتظر منك الإبداع المتوقع وعقبال ماتصير مصور للبرنامج ,,,

<==== على باله المصور أحسن :)

تحياتي لك ,,,

<FONT color="#0B00FF">مبروك والله يوفقك0</FONT>

مبروووووووووووووووك
 

الف الف مبروك لك اخوي ( عايش ) ...

وان شاء الله موفق ..

الله يعينك ... بس الله الله لاتبخل علينا في الشبكة ;) ..

ولك تحياتي ..

الف الف مليون مبروك ياعايش العنزززززززززي <FONT color="#3F00FF">الف مليون مبروك ياعايش </FONT>

في البدايه احب اشكر الجميع على هذه التهنئه ماني ذاكر اسامي لان عايش هو الي بيذكرهم (هو يترقى وانااتعب واكتب خلوه يحك شوي)ههههها.
عايش مشغول هذه الايام تدرون تفصيل ثياب وتنعيم كل يوم وخلافه ههههههههها.
بصراحه احب اشكر الجميع الي يعتبرون لي ولعايش اكثر من اخوان وانشاء الله عايش بيرد على الجميع اذا مش اليوم بكره (صاير مدير اعمال مهوب خوي) اتمنى منكم تشجيعه ودعمه بأرائكم الي ما يستغنى عنها.

الاخ الحريف ولله ما جا على بالي الي قلته بخصوص اني المفروض اني ما اعلنها خوفا من الحاقدين على الهلال انا كان قصدي نفرح في المنتدى بظهور الاعلامي الي انشاء الله ببيض وجهه المنتدى ولله انك خوفتنى لاكن انا مع الي يقول مدام معاي القمر مالي ومال النجوم وواجد عليهم نجوم بعد.

على فكره تراه مواعدني لين قلت بس بيدخلنى منصه ومعسكرات وسفرات والي اهم من هذا كله التقرير الي مواعدني فيه عن منتدى الهلال العزيز هذا اهم شي عندي واشهدو تراه ان اخلف بقلب عليه 180 درجه. (قدها ولله يا ابو رنا )

ولكم جزيل الشكر والثناء

مبروك وبالتوفيق إن شاء الله تعالى

لكل الأحبه ..لهؤلاء الذين يسكنون احداق العيون بعيداً عن المجاملات الوقتيه ..لكل الذين فرحوا لفرحي ..اقول شكراً وهو غير كاف لهذه المشاعر النبيله
ابو سعد ..فالح : حدك بوابة الملعب وتلفزيون ابيض وأسود ..وقل ماقالها !!!

مشاري : تستاهل الخير والخير بوجهك انشاءالله
y2k: الساحل الشرغي وراكم وراكم ..شكرا حبيبي
جابر عثرات الهلال: ابارك لك بالأفراح بحول الله تعالى
ابو مصعب : جزاك الله خيرا ..وشكرا على الثناء
العمري علي : ابو معتوق ..مهما فلت فسيقف لساني عاجزا عن شكرك ايها الوفي
سور الصين ( الحق ) : تحياتك القلبيه وصلت منذ زمن ونحن الآن اصدقاء احباء ..بس انت وينك ؟
ســـ9ـــــامــ9ـــي : ولك الف الف شكر ..وتحيه
السلطاني : تسلم ياولد عمي .. السنا ننتمي لقبيلة بني هلال..اوليس الحب جديرا بقبيلتنا؟!
الكاتب الرائع فارس الروضان : تهنئتك وسام سيظل محفوراً في ذاكرتي الى الأبد ..شكرا لتهنئتك الرقيقه
اه ياهلال : العقبى لكم بالخير
عبدالله الموكاء: الخير بوجهك ..وتستاهل الخير
شباب سدير : الله يوفقك ..واقبل تحياتي
زعيم الزعماء : مليون شكر ..الله يسمع منك
دمي ازرق : زي ماقلت انت منصه وابو سعد حده التلفزيون الأسود والأبيض !! مشكور
حبي تيماوي : اندية الشرقيه ستأخذ نصيبها بحول الله ..ورأس تنوره من الأوائل وهذا وعد.. شكـــــرا لمشاعر الحب التي ترتوي من قراحك!!!
الحــريف : تسلم كثير ..وواثق الخطوه يمشي ملكاً ..الم يقولوا هكذا !!!
شاعر الهلال : كل ماآمله ان اكون بمستوى الثقه ..وأسأل الله التوفيق..مليون شكراً
طـــــلال : ماعاش اللي يتكبر عليكم ..انتم تيجان للرؤوس المرفوعه ..بأحلامكم وأخلاقكم ..والدليل هذا الموقع المتميز فنا وتحاورا ً..اما انا فمجند لخدمة وطني من خلال الرياضه ...اشكر لك حبك المتدفق عطاءا ً ايها الأبي !
RAID2001: اللهم اسألك التوفيق ..وان اكون عند حسن الظن والآمال والتطلعات ..وشكرا لإهتمامك ..
الأسطوره : فرحتك يالأسطوره تساوي عندي ملايين ..وماقلته هو وسام ويكفي انه منك ..اما المنتدى فهو بيتي الثاني بين اخوتي امثالك..سأوافيك برساله خاصه
هلال العرب : شــــــــــــــــــــــــــــــــــــــــكرا لك
MSO: وأنا ايضا ابارك لنفسي بهذه الصفوه من المحبين ..وكم اتمنى مقابلتك في اقرب فرصه
ابراهيم النجيدي : ايها الغالي .. والله انكم تزودونني اوسمة وتيجاناً ..ويشهد الله انني اقلكم عطاءاً ..فما انا الا طالب في مدرستكم المتميزه بفنون الأخلاق وبتعدد مشاعر الحب والصدق والوفاء
aszq2001: ابو سليمان ..تسلم والله يالغالي
ابو ناصر : وهل للمرء ان يتنفس بلا هواء ..ثم اليس منتدى الأحبه كالهواء ( لايزعل علي خلودي ) ..شكرا لك
فليح العنزي : والشكر موصول بالحب لأهله وانت تحديداً
azez: الله يبارك لكم بالخير ..ونخدمكم جميعاً بالأفراح

للجميع : اعدكم ببذل قصارى جهدي ..وان اكون صوره صادقه لما هي عليه رياضة بلدي تحديداً بقيادة شبل من اسود حكام وطني اعزهم الله ونصرهم على عدوهم وجعلهم ذخرا للإسلام والمسلمين ..سيظل الزعيم ومحبوه ..في ثنايا اضلعي ، بل وفي دمي وروحي ..واعدكم بأنني سأظل متواصلاً معكم ..ومن ينسى احبته وإخوانه ..شكرا لكم جميعا ..فمشاعركم اصدق دليل .. وإسألوا لي التوفيق من الله ..كما اتمنى ان تنتقدونني ان اخطأت ووجهوني فأنا منكم وأنتم مني .