[ALIGN=CENTER][TABLE=width:100%;background-color:transparent;background-image:url(backgrounds/1.gif);][CELL=filter:;][ALIGN=center]السلام عليكم ورحمه الله وبركاته

مساكم الله أو صبحكم الله بالخير جميعا و عاد كلن ياخذ اللي تناسب توقيت بلاده او موطنه<< و على المقيمين خارجها مراعاة فارق التوقيت<< و بعدين ؟! أقول كمل ولا يكثر
( نعتذر عن هذا الفاصل الماصل والآن سوف نواصل )

في الصباح الباكر وقبل ان تقوم العصافير ( <<< مطفي ساعتهم الخراشه ) اصحى واذهب لممارسه حياتي اليوميه حاملا ملفي الأخضر العلاقي ولابسا فلينتي العلاقيه اللي مصوفرة من شدة الطفرة لا اني لا استطيع ان اشتري لي شامبو لا اني طفران << السلف مرفوض والأجر على الله , والله يعطيك !!

وفي يوم من الأيام وبينما كنت ادربي راسي في أحد الطرق الملتوية في مدينه الرياض شاء الله أن يهبني بعض القدرة على التفكير وبعض الانطوائيه والتنسيم واللي يقولون أنه آخر من جاه هو نيوتن واخترع قانون الجاذبيه يوم طاحت عليه التفاحه مدري ( برتقالة ) وعقبه ماجاء أحد الا انا ..

كنت امشي وبدأت اتحسس ملامح النبوغ فيني فكبرت مؤخرتي<<< يا ابووي سلامات شكلك مضيع الموضوع ( نعتذر لهذا الخلل الفنّي الناتج عن المصدر!!) فكبرت قدرتي على التفكير وقدرتي على الاستنتاج والتحليل فمضيت ماشيا في طريقي وانا افكر واحاول ان افكر بشئ كي اخترعه او اطلع فيه بسرعة قبل ماتروح ملامح النبوغ والذكاء اللتي فيني واللي ان راحت عدت مرة أخرى حمارا كما من قبل ولكن حمار عن حمار يفرق فا اكملت طريقي وانا لازلت افكر .. وبينما كنت أمشي وانا مستدلخ اصطدمت بلوحه ونتفتها من مكانها وقلبتها لا أرى مافيها ووجدت التالي ( حافظ على نظافه بلادك ولا تقتلع الشجيرات الصغيرة اللتي تزين تربة بلدك ) اوقفتني هذه اللوحه كثيرا وبدأت اتأمل وأفكر كيف أن الاهتمام بنظافة البلد بلغ ذروته في هذه اللحظات بينما في نفس الوقت يتم دفن النفايات الكيميائيه والنووية في أجزاء كثيرة من تربة بلدنا اللذي يريدوننا ان نحافظ على نظافته !!!
( أحس أنّي تهورت حبتين ) تذكرت حال الشجيرات الصغيرة وتذكرت حال الطاقات الشبابيه الصغيرة واللتي لم تتم المحافظة عليها فضاعت طاقاتها وانحرفت واتجهت للإجرام ومايسمى الإرهاب !!! تذكرت عدم المحافظة على تلك الطاقات والاهتمام المفرط بالمحافظة على الشجيرات !!! اوقفتني كثير كلمة نظافة فيال معناها الجميل ويالها من كلمة معبرة ولكن أين التطبيق ؟ أين النظافة الحقيقيه ؟؟؟ قذاره في قذاره ذلك هو التعبير الابسط لما يحدث .. لم استطع تحمل ما أرى وقمت برفس تلك اللوحه إلى أن أسقطتها أرضا واكملت طريقي وقد بدا علي الكثير من الغضب !!! << زي ترمنيتور و هو معصّب !


أكملت طريقي حاملا ملفي الأخضر باحثا عن لقمه لعيشي اللتي طال أمدها ولم أستطع ان اعيش بها !! وفي الطريق وجدت رجلا مسنا يحاول قطع الشارع حاولت أن أساعده ولكني لم يدع لي مجالا بل قال لي ابعد عني ياولد ابعد عني !! تباعدت قليلا وقد بدا علي الاستغراب منه فقلت له وشفيك ياعم ابي اساعدك في قطع الشارع ؟؟ نظر إلي با استغراب وقال ؟؟ تساعدني ؟؟ فقلت ايه ؟؟ فقال كلمه من زمان عنها ياولدي الله زين ان فيه ناس يتذكرونها مثلك !!! استغربت وقلت وشفيك ياعم ؟؟ رفع نظره إلي وقد بدا عليه التعب وبدت في نظرته ملامح اليأس وقلت وشفيك ؟؟ فااخرج ورقه باليه من جيبه وقال اقرى ياولدي .. قرأت ؟؟ الشئون الاجتماعيه . صرف مستحقات . ألف وميتين ريال . فقلت وش هذا ياعم ؟ قال هذي ورقة اقطع عشرات الكيلومترات يوميا عشان اصرف اللي فيها ولم اجد ايه مساعده ؟؟ فقلت ياعم طيب ليه وش قالو لك ؟ فقال ياولدي احسن لك ماتعرف ؟؟ استغربت هذا الشئ وطلبت منه ان يوصفني وين الشئون الاجتماعيه وفعلا علمني وين طريقها معه اتجهت إلى هناك مسرعا قاصدا تلك الشئون الاجتماعيه المجحفه بحق ذلك الشايب المسكين دخلت فوجدت موظفا متعجرفا أمامي فقلت له اخوي ممكن استفسر عن شي ؟؟ فقال لي وش تبي ؟؟ فقلت له عندي شايب ابي اصرف مستحقاته فنهرني فجأه وقال مافيه شي يا اخي تراكم ازعجتونا مافيه مستحقات الحين لاوصلت تعال اصرف ؟؟ تفاجئت من اسلوبه معي وتفاجئت من تعامله الجاف معي وقلت طيب وشفيك كذا ؟ فقال كذا عاجبك ولا اشرب من مويه البحر استغربت وقلت يا اخي حرام عليك مواطن مثلي مثلك تعاملني بها الطريقه فنهرني قائلا اذا صرت رئيسي في يوم من الايام تعال حاسبني فعلا انسان مريض موظف مريض وياكثر منهم على شاكلته !!! فقلت له يا اخي هذا شايب مفروض تحترم شيبه وتعامله برفق وتأني !! فقال لي شايب وش حاده علينا يروح يخلي عياله يكدون عليه ؟؟؟ فنظرت إليه وقلت فعلا اذا صارت حاجته عند منهم مثلك وعلى شاكلتك فترى الأمور ضايعه !!! نظر لي وقال تبي شي ثاني ولا ورني عرض اكتافك تركته وذهبت !!! وفي الطريق وجدت دورة المياه ولا شعوريا دخلتها لا أعلم لماذا ولكني دخلت وتفاجئت بما أمامي ( الرجاء سحب السيفون برفق !!!! ) واعجبي لم يعاملوو الشايب برفق ويطلبون مني سحب السيفون برفق ؟؟ واعجبي على هؤلاء الناس !!! سحبت السيفون با اقصى قوة وكسرته وخرجت . اتجهت فورا نحو اقرب صيدليه وطلبت من الدكتور اعطائي بندول لا اني احسست بصداع رهيب مما رأيت اعطاني بندول واكلت منه حبتين امامه وطلبت منه ماء فنهرني وقال لي انت مجنون ؟ فقلت لماذا فقال لماذا تأخذ حبتين هذا خطأ ؟؟ هذا خطأ ؟؟ تلك الكلمه ياااااه مرت علي كثيرا ؟؟ خطأ وخطأ ؟؟ ومجرد خطأ ؟؟؟ يالهذه الكلمه اللتي ازهقت أرواح بريئه ؟؟؟ ياكثر مانسمع أخطاء طبيه ؟؟ ومجرد خطأ طبي وهذا قضاء وقدر ؟؟؟ الآن اصبح البندول خطرا والأخطاء الطبيه المميته لم تعد خطرا ؟؟ نظرت في الدكتور وقلت له هذا خطأ ؟؟ وماذا تسمي هذا ؟؟ واخرجت له قصاصه من صحيفه تعلن عن موت أحد الشباب بسبب زيادة جرعه المخدر ودخوله في غيبوبه وفقدانه بعد ساعات فقال لي اجابتهم المعتادة خطأ طبي وكل شي جائز ؟؟ فنظرت له وقلت لاحول ولا قوة الا بالله

رميت البندول أرضا وخرجت من الصيدليه واتجهت نحو أحدى الشركات وكانت الساعه تشير إلى الثانيه ظهرا وفي طريقي للشركة وجدت مدخلين احدهم مكتوب عليه توظيف السعوديين والآخر توظيف غير السعوديين !!! استغربت كثيرا وقلت آآه يادنيا توظيف السعوديين في وطنهم ؟؟ يتم تمييزنا ؟؟ آه يادنيا وين صارت هذي ؟؟ لم استطع تحمل الصدمه ومزقت ملفي ورميته لتعانق وريقاته بساط الريح وترحل لعلها تجد دنيا أفضل وحياة أفضل حياه نظيفة حياه نتمنى ان تكون أفضل من حال حياة صاحب هذا الملف !!!

في طرف الملف كتبت ( ملف شاب سعودي راح ضحية اسحب السيفون برفق ) !!
من نخاشيش واحد متلطم
[/ALIGN][/CELL][/TABLE][/ALIGN]

مشكور اخوي الحاتمي على الموضوع ذا اللي يشخص وضع الشاب السعودي والشايب بعد


ملاحظة: علييييييييييييييك الوان مدري وش تبي

لاحول ولاقوة إلا بالله

وعليكم السلاام
وش ذا انقلب راسي واحولت عويناتي
يعطيك العافيه

إقتباس لاحول ولاقوة إلا بالله

من مات

[ALIGN=CENTER]فهد المشيطي


شكرا على مرورك يا بعدي ,, والألوان هذي حصريّة !!


أسيرة الهلال

سلامة عويناتك و توبة نجيب من ألوان ايكيا !

max666


و نعم بالله ! [/ALIGN]

[ALIGN=CENTER]مشكووووووووووووووووووور على هيدا الموضوع[/ALIGN]

موضوع يشخص الواقع الذي يعيشه مجتمعنا


مشكووور أخوي الحاتمي على الموضوع

ودمتم سالمين

[ALIGN=CENTER]


asheqalreem

و مشكور برضه على مرورك

saudi2002

شكرا لك ,, و دمتم سالمين ! << يتابع أفلام كارتون


سهل 888

هذي على لغة بنو تميم والحجاز <<< ما عاقت !!

بانتضار انفصال فيوزاتك ,, وأشوى اللي خليت الفنيلة بيضاء ![/ALIGN]

[ALIGN=CENTER][TABLE=width:70%;background-color:transparent;background-image:url(backgrounds/19.gif);border:10 solid indigo;][CELL=filter: dropshadow(color=skyblue,offx=4,offy=4);][ALIGN=center]مشكور يا الحاتمي على هذا الموضوع الزاحف
بس ....




شكلك متأثر بالبرتقاله :p[/ALIGN][/CELL][/TABLE][/ALIGN]

[ALIGN=CENTER]هلالي وان جار الزمن

شكرا على تشريفك , و بعدين الحين صار فيه فواكه مشكّل مهوب بس برتقالة


التنين

ملامح النبوغ ما تطلع إلا الساعة 12 الظهر !![/ALIGN]

مشكور اخوي الحاتمي...

موضوع رائع

[ALIGN=CENTER]اسير

مشكور على المرور ..


هلالي شامخ

وأنت واقعي في ردك , شكرا لك [/ALIGN]