عودة النزهان والثنيان في اللقاء القادم .. - نادي الهلال السعودي - شبكة الزعيم

الإعصار · #1 20/04/2001, 11:04 PM

* سيعود الدكتور يوسف الثنيان الى قيادة الفريق الهلالي في مباراة الأياب ضد النصر والتي ستقام الخميس القادم .
* وسيعود كذلك النجم محمد النزهان إلى المشاركة في المباراة القادمة .
* توليو سيشارك ولا صحة لما قيل بأنه حصل على الكرت الأصفر الثالث .

عاشق الثمامه · #2 20/04/2001, 11:09 PM

الله يطمنك ومشاركة الثنيان مهمه

ونبيه يوم الخميس في الملعب لو انه غير جاهز

0

0

0

0

نبيه في الملعب لو على عكازات (بسم الله عليه)

J.A.J · #3 20/04/2001, 11:09 PM

الله يطمنك بالخير .

خبر مفرح ورائع ياصاحب الروائع .

أبتسمو وأفرحو جميعآ هلالنا راح يفوز 3/1 وأنا متأكد وعلى يقين من كلامي .

هاوي الهلال · #4 20/04/2001, 11:10 PM

اخوي الاعصار .... الله يعطيك العافيه ..
بس لي سؤال .. في كلام عن أقالة المدرب .. سواء في المنتدى او حتى في النادي ..
ياريت تعطيني خبر هالكلام صح ولا لا .. مع كل التمنيات انها اشاعه .. بصراحه .. مانبي لخبطه في هالوقت المهم والخطير .. ارجو الاهتمام والرد ..
اخوك ... هاوي الهلال ..

هـاجس · #5 20/04/2001, 11:15 PM

خبر حلو يالاعصااار

وياليتك تعطينا الخبر الاكيد

يعني يوسف بكره بيقود التمرين والا لا

النزهااان وش صار على مفصله

توليوا بيلعب ؟

نواف وش صار عليه ؟ رباااط والا لا

المدرب وش قصة اهله بيغيلونه والا لا انا ما ودي

نفسيات اللاعبين كويسه والا لا

بس هلالي · #6 20/04/2001, 11:15 PM

ابو يعقوب ...حبيبنا وجودك والله في الملعب حتى على الواقف يكفينا ويرعبهم...الله يحفظك ويخليك لأولادك ويخليك لنا ... انشاء الله انت اللي راح يرفع الكأس....

الذئب العالمي · #7 20/04/2001, 11:15 PM

هلا اخوي الاعصار
الله يسلمك ويخليك
شكرا
الحمدلله
ان ابو يعقوب والنزهان يبي يلعبون
ان شاء الله الفوز لنا يااااااارب
وشكررررا

مجتهد · #8 20/04/2001, 11:20 PM

اخوي J.A.J قل انشاءالله .

الله يسمع منك

فهد القرشي · #9 20/04/2001, 11:20 PM

هلا والله اخوي الاعصار00

الله يعطيك العافيه على الاخبار الحلوه000

والله يبشرك بالخير000

هاوي الهلال · #10 20/04/2001, 11:21 PM

عزيزي الاعصار .. عطنا وجه ورد علينا ..
الموضوع فعلا شاغلنا ... بصراحه مافينا صبر لين بكره المغرب ..

هاوي الهلال · #11 20/04/2001, 11:25 PM

كلمني واحد نصراوي .. يقول احساسه في المباراة الجايه بتنتهي الاشواط الاصليه بتقدم الهلال 1/0 وفي الاشواط الاضافيه .. بيجيب النصر قولين من يزيد والبيشي
ياجماعه .. والله حرام نقارن نفسنا فيهم .. ماحد قالهم عن الهدف الذهبي ..

شاعر الهلال · #12 20/04/2001, 11:34 PM

الله يعطيك العافية على الخبر الذي يسرُّ الخاطر...

والنزهان وابو يعقوب .. ما يرون بأس بإذن الله..

والله إنك شرحت صدري بهذا الخبر..

شرحت صدري ولا أدري .... بأي شيء أجــيزُ العـطاء

مشاري فهد · #13 20/04/2001, 11:34 PM

الحمد لله ان ابويعقوب بيلعب المباره الجايه
الف شكر اخوي الاعصار انك طمنتنا

قلب الزعيم · #14 20/04/2001, 11:36 PM

الاخ العزيز/الأعصار
وش وش اقول....روح اللة يستر عليك في الدنيا والاخرة
تحياتي لك والــــــلة طمنتني

#15 20/04/2001, 11:37 PM

الاعصار هلابك شكرا لك علي اخبارك وخاصه الثنيان خفت عليه