انا بختصر لك وبقول لك قصه..
مره 3 بنات واخوهم راحو الحديقه وحده فيهم اسمها نقول فاطمه
راحو يطالعون الورود اخوان فاطمه مشو وفاطمه ما مشت والورود قدام المقصف...
راح اخوها ناداااااااها فاطمه بصوت ملى الحديقه عشان تلحقهم
عشان بيروحون المقصف لحقتهم وصلو للمقصف تعرف شو قال البياع
هلا فاطمه تريدن شي
اتخيل اختك في الموقف ....
شو بيكون موقفك اخوي تبى تعرف ليش لانا مسلمين عندنا حرمتنا ...
وانا سألت اخواني قالو مستحيل نجيب طاري اخواتنا قدام الربع...
وسوري على التطويله
مع حبي
بنت الزعيم العيناوي

بنت الزعيم العيناوي اولا حياك الله وشكرا على المرور والتعليق!!

اعتقد ماحصل مافيها اي شيء ..عندما ذكر اسم فاطمه

طيب خير يا طير نادوها باسم ..هل شرفها ضاع ..

اعتقد انه لابد من نظره لههذ القضيه ..

ديننا الاسلامي لم يحرم ذكر اسم المرأه بل ذكرت في القرآن والاحاديث والأدل على ذلك نسب سيدنا عيسى ابن مريم الى أمه...

وجميعنا يعرف حديث رسول الله صلى الله عليه وسلم حيث قال ( و لو ان فاطمة بنت محمد سرقت لقطعت يدها) ...

و كذلك عندما قال رسول الله صلى الله عليه وسلم امام اصحابه عندما سأله عمر بن العاص من احب الناس إليك فقال عائشه...


و نقول ان عاداتنا و تقاليدنا هي من رسخ في اذهاننا بإن يكون اسم المرأه سرا يجب ستره ، ولكن سؤالي مالفائده المرجوه عندما نذكر اسماء أهلنا من غير حاجه و ارجع و اؤكد ان اسم المرأه ليس عيبا...

تحياتي

Prince1111

مشكور على المرور والتعليق اخي ..

واحب ان استغل هذا الرد واقول لك ..مبروك هذه الشهاده الموضوعه في توقيعك تستاهل كل خير!!

اكيد من الصعوبه للكثير ذكرها لكل شخص او في اي مكان عام مثل ما تطرقت ...قد تذكر عند المقربين حتى لو كانو من الاصدقاء ...

ولكن السائد ان يحفظ اسمها لان للاسف البعض عند معرفته لاسم احد افراد العائله قد يخرج عن النص ..

هم نعيد ونكرر انه ليس فيها عيبا ان عرف الاسم !!

شكرا

[ALIGN=CENTER]مساء الخير على الجميع..طرح جميل ونقاش اجمل..بصراحة اخالف بنت الزعيم العيناوي..مافيها شي الواحد ذكر اسمه امه..طبعا مو بكل موقف..بس لنا في رسول الله صلى الله عليه وسلم قبدوه حسنه..لو على كلامك بنت الزعيم العيناوي ماكان عرفنا اسماء امهات المؤمنين ولا الصحابيات ولا عرفنا قصص العالمات والعابدات..بس احنا للاسف تقيدنا بعادات خاطئة عفا عليها الزمن ونلصقها بأسم الدين..بالله عليكم وشدخل حرمة الدين بذكر اسم امي ولا اختي ولا زوجتي..هذي ...ولااعتقد انه عيب نذكر اسماء امهاتنا ولا اخواتنا..زي ما امهاتنا واخواتنا يذكرون اسمائنا بينهم..هذي وجهه نظري ..وسلامتكم.[/ALIGN]

asheqalreem

مكشور على هذه المداخله ..

وكما اشرت مافيه اي شيء ..لماذا نعتبره عوره!!

العوره معروفه حدودها و طرقها!!

الاسم ..100% اعتقد انه ليس له نطاق ان يصنف من ضمن العوره ..!!

من عاداتنا وتقاليدنا ..لاننا نعتبر اسم المرآه جزء من الحفاظ وجعله سرا ..

والاسلام لم يحرم ذكر اسم المرآه

شكرا

[ALIGN=CENTER][ALIGN=CENTER]ايييييييييه الله يرحم زمان أول ( ترى بعلم أسم أمك )[/ALIGN][/ALIGN]

ابوحنفي

شكرا على المرور اخي!!

وش تقول .......بتعلمهم اسم امي؟؟؟ عيب عليك ههههههه

على اي اساس اعطيه اسم امي أو اختي

أو حتى إذا طلبه ليه يبيه .. ؟؟؟؟؟؟

ثاني شي انت عارف مجتمعنا السعودي خاصة
يعني الحمد لله مافيه أولاد يطلعون مع بنات

لكن مثلا بسوريا أو لبنان تلقى لو قال اسم امه عندهم الامر عادي
وعندنا عادي أيضا لكن تلقاها صعبة شوي تقولها
لأنا بصراحة تعودنا ما نقوله لين من يومنا صغار
تقعد مع ابوك ماتسمع يقول اسامي خواته أو امه حتى ولو كان
ابن عمه !!

صحيح انه عارف أسماءهم لكن مايكرره !!؟؟؟؟

واسف على الاطالة

إقتباس prince1111 اللحين بالإمارات عندكم مقصف بالحديقه عندنا بالسعوديه المقصف هو اللي يبيع بالمدارس

[ALIGN=CENTER] :p :p [/ALIGN]
[ALIGN=CENTER]------
أخوي دمي_ازرق بالفعل هذا واقع وجوابي نعم وأختمها ببدون تعليق
بس ما تلاحظون أنه هذا بين الشباب فقط أما الشيبان فلا ؟[/ALIGN]

الوضع بنسبة لي اناعااااادي في الامكان الي ناس دايم اشوفهم مثل ربع دوام (اخذين الامر سعت صدر)
ليلة العرس جو الربع لمي يباركون ويقولون وش اسم المدام قلتلهم حصة
الله واكبر عاد ولا دريو
وفيه بعض الربع يسمون ابو حصة نسبة لزوجتي
ـــــــــــــــــــــــــــــــــــ
وعلى طاري فاطمة سألت واحد من وش اسم المدام قال فاطمة
وسالته عاد قلت وش تنادية بوة فطيمة ولا فاطمة
تخيل فطيمة والله لطلقه بنت الكلب

إقتباس إقتباس من مشاركة توتي - 2004 على اي اساس اعطيه اسم امي أو اختي أو حتى إذا طلبه ليه يبيه .. ؟؟؟؟؟؟ ثاني شي انت عارف مجتمعنا السعودي خاصة يعني الحمد لله مافيه أولاد يطلعون مع بنات لكن مثلا بسوريا أو لبنان تلقى لو قال اسم امه عندهم الامر عادي وعندنا عادي أيضا لكن تلقاها صعبة شوي تقولها لأنا بصراحة تعودنا ما نقوله لين من يومنا صغار تقعد مع ابوك ماتسمع يقول اسامي خواته أو امه حتى ولو كان ابن عمه !! صحيح انه عارف أسماءهم لكن مايكرره !!؟؟؟؟ واسف على الاطالة

صدقت يابطل

[ALIGN=CENTER] هلا أخوي :
أول الرجال وقت النخوة والتحدي يرفع صوته ( أناأبوأوأخوفلانة ) والحين تغير الحال ( وأنا أبو فلان ) لا وأزيدك بعد طلاب المتوسط والثانوي يودون للمدرسة صورة بطاقة العائلة بعد طمس أسماء أمهاتهم وخواتهم قبل التصوير حتى العيال ما يعرفون أسمائهم وتلقى الواحد يسأل خواته عندكم بالمدرسة أو الكلية بنت فلان؟
و إذا عرف الاسم ما ينام ذيك الليلة ! ومن الصبح بدري يقول لزميله ( عرفت اسم أختك )
ويرجع الزميل يكرر نفس الحكاية ، ويازين الكبار والصغار وهم يقرون نتايج البنات بالجرايد
كل اسم يعرفون أبوها أو أخوها يحطون تحته خط .
ويمكن البعض يخاف من التعليقات لأن بعض الشباب في تجمعاتهم يمزحون مع بعض
( بدري واللا خايف من فلانه (اسم زوجته ) ويرد الثاني (ليه أنا مثلك فلانة تقفل علي باب
البيت إ ذا تأخرت ! )
ترى المسألة ماهي محرمة شرعاً والتاريخ حفظ أسماء أمهات المؤمنين
والصحابيات والشاعرات وغيرهن .
الجيران أكيد انهم يعرفون أسماء العائلة كلها والأصدقاء القدامى (الروح بالروح )
مافيه احراج يعرفونها
لكن بجد صعبة تنقال أسماء الحريم عند كل واحد وان اعرفوها من الغير ماهو ضار
وسلامتكم [/ALIGN]

فعلاً وكما هي العادات قد تحكم بعض المجتمعات
ومنها في الماضي القريب كان الشخص ينتخي بأخته وبأمه وبأبنته ,,

ولا أرى حرج في ذكر أسم الأم والأخت والبنت ,,

كما ان لوالدي صديق لا يعرف الا بأخو عائشة ,,

تحياتي ,,