22/08/2004, 09:01 PM
|
زعيــم مميــز | | تاريخ التسجيل: 02/12/2001 المكان: نادى الهلال
مشاركات: 2,420
| |
P-FOUR1 بـرنـسـيـ1111ــاتP-FOUR1 ( الجزء الثالث )
[ALIGN=LEFT][/ALIGN] مرحباَ أحبتي الزعماء
إليكم الجزء الثالث من
7
7
7
كالعاده الموضوع متنوع من فوائد وقصص وطرافه
وأحببت أن اضيف في هذا الجزء بعض الفقرات الجديده من باب التجديد
أتمنى أن تكون خفيفه عليكم وأن تنال إعجابكم كيف يصاب جهازك بملف الباتش أو التروجان أو حتى الفيروسات ؟ الطريقة الأولى :
أن يصلك ملف التجسس من خلال شخص عبر المحادثة أو ( الشات ) وهي أن يرسل أحد الهاكر لك صورة أو ملف يحتوي على الباتش أو التروجان !
ولابد أن تعلم صديقي العزيز أنه بإمكان الهاكر أن يغرز الباتش في صورة أو ملف فلا تستطيع معرفته إلا باستخدام برنامج كشف الباتش أو الفيروسات حيث تشاهد الصورة أو الملف بشكل طبيعي ولا تعلم أنه يحتوي على باتش أو فيروس ربما يجعل جهازك عبارة عن شوارع يدخلها الهاكر والمتطفلون ! الطريقة الثانية :
أن يصلك الباتش من خلال رسالة عبر البريد الإلكتروني لا تعلم مصدر الرسالة ولا تعلم ماهية الشخص المرسل فتقوم بتنزيل الملف المرفق مع الرسالة ومن ثم فتحه وأنت لا تعلم أنه سيجعل الجميع يدخلون إلى جهازك ويتطفلون عليك .. الطريقة الثالثة :
إنزال برامج أو ملفات من مواقع مشبوهة مثل المواقع الجنسية أو المواقع التي تساعد على تعليم التجسس ! الطريقة الرابعة :
الدخول إلى مواقع مشبوهة مثل المواقع الجنسية حيث أنه بمجرد دخولك إلى الموقع فإنه يتم تنزيل الملف في جهازك بواسطة كوكيز لا تدري عنها !!
حيث يقوم أصحاب مثل هذه المواقع بتفخيخ الصفحات فعندما يرغب أحد الزوار في الدخول إلى هذه الصفحات تقوم صفحات الموقع بإصدار أمر بتنزيل ملف التجسس في جهازك ! أحلى بنت على ماسنجر الدلخ ( قصه واقعيه ) يوم السبت:
يفتح الماسنجر يلقى رسالة تقول :
أحلى بنت يرغب فى إضافتك هل تود إضافته ؟ الدلخ : الله يلعنك من كمبيوتر كم مره قلتلك اقبل اي بنت على طول
يالله أقبل عشان نشوف من هى
يؤ الحاله غير موجود يوم الاحد :
طول اليوم شابك على المسنجر يبي يشوف من هى ( انعمت عيونه من الشاشه )
وبعد خمس ساعات : قامت أحلى بنت بتسجيل الدخول
والدلخ مسوى ثقل وهو يحترق يبغى يشوف من هى وكم عمرها ومن وين وووو ؟؟؟؟؟ أحلى بنت : سلالالالالالام الدلخ :هلالالالالالا أحلى بنت : كيفك ؟ الدلخ : تماموا ، كيفك انتى ؟ أحلى بنت : (كيفك انتى ) حركات على بالك لبنانى الدلخ : انا احلى من اللبنانيين لا تحقرينى أحلى بنت : لا يا شيخ من تشبه الدلخ : اشبه الشمس فى عز الظهر واشبه القمر ليلة اربع طعش أحلى بنت : اقول يالدلخ الدلخ : ياعيون الدلخ أحلى بنت : ليه انت بطىء ما ترد بسرعه معك احد غيرى؟ الدلخ :لا لا لا والله ما معى احد أحلى بنت : ترى بسكر المسنجر الدلخ : لا تكفين شوى بس شوى خلنا نسولف ( ما صدقنا على الله بوحدة تبي تسكر ) أحلى بنت : طيب قل لى نكته الدلخ : تبغين نكتة حقت باسكال مشعلانى؟ أحلى بنت : وسخه ولا زينه؟ الدلخ : يعنى وسط أحلى بنت : لالا ابغى غيرها لان باسكال تقهرنى بدلعها ما احبها الدلخ : طيب فيه واحد نذل دايم يجى لبيتهم متاخر وطرده ابوه من البيت
راح وكتب على البيت لوحه : سكن أمريكان عشان يفجرونه أحلى بنت : لووووووووووول لوووووووول
ياحبي لك يالدلخ انا اموت فيك .. يا خفك الدلخ : وش تقولين ؟ أحلى بنت : قصدى يا خف دمك الدلخ : اشوى احسبك تقولين شى ثانى الدلخ : اه اه اه أحلى بنت : وش فيك سلامات؟ الدلخ : قلبى قلبى يا بعدى قلبي الظاهر انه يحب أحلى بنت : افاااااااااا بس توه بدا يحب الدلخ : توه دل دربه بس أحلى بنت : انت وش فيك تتاخر فى الرد الدلخ : تونى متعلم الكتابه واكتب باصبع واحد أحلى بنت : ما علينا بس اشوى احسبك مشبك مع وحده ثانيه وقاعد تكلمها الدلخ : تطمنى كان عندى ثنتين من شهر اكلمهن وحده ملت منى تقول بطىء
والثانيه قالت لى:
ياثقل دمك ما عندك ذوق لانى قلت لها يا دبه
وقالت ترانى ابحذف اسمك من المسنجر لانك ما عندك ولا كلمه حلوه تخلينى انجذب لك
وقالت بعد اسمك الشين يفشلنى عند زميلاتى ورازتن اسمك قدام خواتى فى المسنجر مثل المنظر! أحلى بنت : خلاص انا زعلانه منك ليه كلمت غيرى الدلخ : يعنى انتى اللى ما كلمتى أحلى بنت : انا كنت اكلم عشره مو واحد الدلخ : عشره وانا معهم ولا تسعه وانا العاشر أحلى بنت : ياخى يا غبيك( كل الاعداد اللى تقولهم مجموعهم عشره ) الدلخ : قصدى عشره وإلا حدعش يعنى أحلى بنت : ممكن تغير الموضوع ياخى الدلخ : وهالحين كم تكلمين أحلى بنت : واحد يحبنى مرررره ويموت فينى
والثانى غبى مررررره بس خفيف دم الدلخ : انا الاول ولا الثانى انا مشبه على الاول بس حاس انى الثانى
ومتاكد انى الاول اللى تحبينه مرررره وودى اقول انى الثانى عشان تقولين صح أحلى بنت : دلخوه تراك ضيعتنى
وش فيك انت معد تجمع ولا وش فيك الدلخ : اه بس اه أحلى بنت : سلامتك من الاه الدلخ : ياشين الحب أحلى بنت : ليه شين الدلخ : يضرب الحب شو بيذل أحلى بنت : حبيبى انا استأذن الدلخ : افاااا بدرى ما اتفقنا على كذا ؟ أحلى بنت : يا عمرى امى فوق راسى تبغانى اسكر أحلى بنت : باااى باااى جاء اخوى الكبير الدلخ : يا حسافه والله حسافه !! أحلى بنت : بكره زى الوقت هذا .. بااااى عمرى نكمل القصه في الجزء القادم إن شاء الله من برنسيـ1111ـات صوره وتعليق قد تكون هذه الصوره مضحكه
ولكنها مضحكه على حال أغلبيتنا
من خلال الواقع الذي أراه عند الأغلبيه يكون هذا واقعهم
وهذه هي علاقتهم بالأنترنت !!
بل تجد بعضهم لا يعرف حتى كيف يتصفح الاكسبلورار
كل همه من النت هو ان يدخل على الشات ويغازل فلانه ويعطيها مواصفات ملك جمال بيروت !!
وهو في الحقيقه ملك جمال الطعوس !!!
وتجده يجلس لساعات طويله جداً قد تستمر لمنتصف الليل !!
والنهايه يقولك ( ياخي والله بغيت اشبكها ) !!
سبحان الله كل هالمده وياليت استفاد !! آخرتها ما عطته وجه !!
وإذا مل من هالطريقه يسوي فيها مطيح الشباب على غفله ويدخل بيوزر بنت !!
ما يدري انه يضيع وقته وماله على الفاضي !!
وعلى هالموال كل يوم يتسحب ملك جمال بيروت على خشته
ويحاول ينتقم من هالتسحيب بتحسيب شاب آخر بيوزر بنت !!
العالم يتطورون وحنا نظل على هالتفكير !!! حرم الملك فهد بن عبدالعزيز
الاميرة الجوهرة بنت ابراهيم ال ابراهيم
تحذر من دعاوي تحرير المرأة الزائفة
وتدعو السعوديات الى التمسك بالتقاليد الاسلامية وتحذر من الفضائيات الهدامه دعت الاميرة الجوهرة بنت ابراهيم ال براهيم قرينة العاهل السعودي الملك فهد بن عبد العزيز المرأة السعودية الى التمسك بالتقاليد الاسلامية وتجاهل الدعوات "الزائفة" لتحرير المرأة
ودعت الاميرة الجوهرة في كلمة خلال اجتماع مع مجموعه من الطالبات في جدة الى الحذر من الفضائيات التي يجتاز بثها الاعلامي كل الحواجز والتي تواصل هجماتها المتلاحقة وحملاتها المسعورة على المراة المسلمة بصفة عامة والمرأة السعودية بصفة خاصة
واضافت وفق ما اوردت وكالة الانباء السعودية ان هجمات اعداء الاسلام والذين يتبعون خطاهم من ضعيفات النفوس لا تكف عن محاربة تقاليدنا الاسلامية ومعظمها يسعى لتحريض المرأة المسلمة على التخلي عن التقاليد الاسلامية بحجة انها قيود تحد من حرية المراة
وقارنت الاميرة الجوهرة بين الدعوات لحرية المرأة ووضع المراة قبل الاسلام
واعتبرت ان هذه الدعوة التي يتسترون وراءها دعوة زائفة تسعى لتحرير المرأة من الاداب والقيم والاخلاق وان ما يدعون اليه ليس شيئا جديدا وقد عاشته ومارسته المرأة في جزيرة العرب منذ اكثر من 14 قرنا في جاهليتها حتى اشرقت انوار الاسلام الذي رفع مكانة المرأة واعطاها بسخاء فكرمها وصان عفافها واحاطها بالفضائل
واشادت بما توفر للمرأة السعودية من "مزايا عديدة" من اولي الامر الذين يولون تعليم الفتاة السعودية اهتماما وافيا ويوفرون له دعما سخيا ورعاية واعية متواصلة في ظل التمسك بالتقاليد الاسلامية التي تحرص على الحشمة والوقار مما مكن لهذه المسيرة ان تصبح نموذجا اسلاميا طيبا لتعليم الفتاة
ويعمل ناشطون ليبراليون في السعودية على ان تحصل المرأة السعودية على حقوقها
ويفرض على السعوديات ارتداء الحجاب ولا يمكنهن السفر دون موافقة الزوج او محرم كما لا يسمح لهم بارتياد المطعام بمفردهن او قيادة السيارة دروس لتعليم التفحيط ( الدرس الأول ) إذا جتك الجنيه وحبيت تفحط وتستعرض قدام أخوياك
وانت غشيم وما عندك ما عند جدتي
بس القراده وما تسوي ( لازم يثبت إنه يعرف يسوق قدام أخوياه )!!
لتتجنب الكثير من الحوادث تعال لتتعلم مهارات وأساسيات التفحيط
نبدء اليوم بحركة السلسله
أولاً: السرعه يجب ان لا تقل عن 160 كيلو
ثانيا: كل شغلك تخليه على البنزين وتغيير القير ووزنية الدركسيون
ثالثاً: كمبتدء يفضل أنك تمشي على خط مستقيم وان تكون ماسك منتصف الشارع
بعدين إذا احترفت التفحيط تقدر تسويها كالمحترفين من أي جهه تحب
رابعاً: تجي مسرع وتولع الفلشر اهم شئ علشان يعرفون انك فنان
وتربع مره واحده بعدين تطبق حركة السلسله بوزن الدركسيون على جهه واحده
ما تغيره للجهه الثانيه بس تحاول أنك توزنه على انه تظل السيارة على مسارها
ما تسير على الجمهور
ملاحظه : أهم شئ النهاية
إذا صدمت فأنت غشيم
إذا طفت السيارة أو وقفت معك فانت مبتدء وعليمي
إذا طبقت الحركه وكملت مشيك بالسياره فأنت فنان وتقدر تكشخ قدام أخوياك
لا تنسى هالأرقام أكيد بتحتاجها : (999-998-997)
لمشاهدة تطبيق الدرس الأول حمل هالرابط وتمتع بالمشاهدة
7
7
7 يفضل أنك تحفظ الرابط ثم تشاهد الفيديوا للبنات فقط ( الجزء الثالث والأخير )
أنت وهي ( الحجـــــــــــــــــــــاب ) هــي: أنتــم حجــابكــم يغطــي الوجــه؟ الفتـاة السـعودية: أيـــــــــه هــي: الله يعيـــنكم كتمــه مع الحـــر. الفتـاة السـعودية: بس نــار جهنــم أحــر.
وأبــي الكــل يعــرف شــئ ..
أنــا مسلمــة وافتخــر بحجــابي ..
مــاتضـــايقــت منــه و في نــزعــة عــــذابـــــي ..
ولا يشـــرفنـــي تـــركــــه ... يــــــا أحبــــــــابي ..
أنــــــزعــــة ...أبـــــــــــــــــــداً ... هــذا مصــــابي...
كــالجـــوهـــرة ..
أنــــا مو أي أحـــــد يـــــقــــدر حتى يلـــــقي نــظـــــــره عــــلي ..
فــكـــيـــف يـــمــد يــــده علي ...لا ..
أنا مصـــــــونه بيـــــــــــــــــــني و بيـــــــن الــــــــــــغريـــــــــب الــــــف حـــــــــــاجز و حــــــــــــاجز
كثيـــــــــــــــــــر يتمنون يحظـــــــــــــون مني بشئ .. بــــــــس ... لا ..
أنا فــــوق أنا نجمـــــــــة محـــــــــد يوصـــلهــا ..
أنا في القمــــــــــــة محد يحصلها ...... ابــداً ..
إلا بشـــــــــــرع الله ..
بس فيه أقلية .. لهم رأي مخالف .. بس صوتهم عالي ..
العفن مهما كان قليل ريحته قوية لين متى؟؟؟ لين متى : ندور الهمر داخل علب البيبسي؟ لين متى : صالح كامل يحتكر كأس العالم وتلفزيوناتنا الحكوميه تتفرج؟ لين متى : نشجع السياحه الداخليه وحجزنا اوكي للخارج؟ لين متى : البنت تدق وتسكر ؟ لين متى : الواحد يغبرملفه وهو ماحصل وظيفه؟ لين متى : والقطاوه تتجمع على النظافه اللي قدام بيوتنا؟ لين متى :الواسطه تعطي الحق للي موب حقه؟ لين متى : نفرش الجرايد بدال السفره ؟ لين متى : والجوال عندنا يبدا بصفر ؟ لين متى : نعطي البنت سوبر بشات ببلاش؟ لين متى : المطافي توصل بعد ماتطفي الحريقه؟ لين متى :الشباب يشاركون بيوزرات بنات بالمنتديات؟ لين متى : مقاول مشروع حكومي يرصد مليونين ميزانية مشروع تكلفته ميتين الف؟ لين متى : صيدلية المستشفى تصرف بندول وسابوفين بس؟ لين متى : نشرب شاي بكاسات الجبن؟ لين متى : كل مافتح احد محل بمشروع جديد من بكرا فتحنا عشر محلات بجنبه؟ لين متى : وشبابنا ينقطعون ويتمسخرون بسوريا لين توصل الحواله البنكيه؟ لين متى : الريموت يناقز بين قنوات روتانا ومولدي ونجوم ومزيكا؟ لين متى : الجندي يتقاعد وهو ماعلق عريف؟ لين متى :الانترنت عندنا بفلوس؟ لين متى : الخدامه تربي فلذات اكبادنا؟ لين متى : البنت لازم تمسك جوالها بيدها وهي بسوق؟ لين متى : نرسل مسجات غراميه مجامله لناس مانحبهم؟ جهاز متخصص للكشف عن جوالات الباندا
بعد الأزمات الكبيره التي شكلها جهاز الجوال ( الباندا ) في فضح اعراض الناس
تم طرح جهاز متخصص في الكشف عن من يحمل هذا الجهاز من النساء
حيث يعاني الكثير من تفتيش النساء خاصه في الحفلات والأعراس
وعمل هذا الجهاز سهل للغايه حيث يمرر على الجسم من الخارج
وعند وجود اي جوال او ما شابه ذلك يصدر الجهاز نغمه تدل على ذلك
وهو يشبه إلى حد كبير أجهزة التفتيش في المطارات
إليكم صورة الجهاز : الفرق بين المرأه في السنه الاولى من الزواج
والسنه العاشره و ما فوق السنه الأولى من الزواج الساعه 6:30 صباحا :
تودع زوجها وهو طالع للعمل وتقول له ( بتوحشني يا حبيبي )
الساعه 11 صباحا :
تتصل عليه في العمل وتقول له ( حبيت اسمع صوتك بس يا عمري )
الساعه 3 العصر :
تستقبله وهي متشيكه وتب*** وهو داخل للبيت وتقول له ( الغدا جاهز يا حياتي ..تحب احطه لك الحين )
الساعه 5 العصر :
تصحيه من النوم بب*** وتقول له ( اعمل لك شاي يا حبي ؟ )
الساعه 6 المغرب :
تسبل عيونها وتقول بكل خجل
( يا ريت يا حبيبي .. يعني لو ما عليك كلافه
يعني اذا تقدر توديني شوي لبيت اهلي اذا كنت تقدر يا عمري )
وقبل ما ينطق بكلمه ( اذا ما تقدر خلاص مو لازم )
وطبعا يضيع هو في نظره من عيونها
ويوديها لاهلها ولو انهم ساكنين في السويدي وهو ساكن في العليا
الساعه 8 بالليل :
تتصل على الجوال وتقول ( اشتقت لك يا عمري .. يا ريت تمرني ونروح للبيت )
وطبعا هو على طول ما يصدق خبر
يطمر ويقول للشباب ( اسف والله يا شباب راسي مصدع ولازم امشي )
الساعه 10 بالليل :
تجلس جنبه وتقول : الله يا حبي تتذكر ؟
تتذكر ايام الخطوبه لما كنت تعمل المستحيل عشان تشوفني
وانا يا ما كذبت على ابوي وقلت له اني طالعه مع امي
وانا اصلا متفقه مع امي عشان اطلع معك
الساعه 11 بالليل :
الوصول الى هذه الصفحه غير مسموح ……….الخ بعد مرور عشر سنوات
الساعه 6:30 صباحا :
هي في سابع نومه
الساعه 11 صباحا :
هي برضه في سابع نومه
الساعه 3 العصر :
تستقبله وهي نافخه خشتها وتقول
شف لي حل مع ولدك علي هذا حتى الان ما حل الواجب
وسوير الله ياخذ عمرها انشاء الله شاقه مريولها في المدرسه
عطني فلوس لازم اروح اشتري لها واحد غيره
وصويلح يبي علبة هندسه توه يقول لي يوم ان الاختبار صار بكره
وترى موضي تكنفست مع الدرج وهي كانت في المشايه والظاهر انها تعورت
كله من هالشغاله الله يا خذها
اسمع يا انا يا هالشغاله في هالبيت
ابيك اليوم تسفرها ما ابي اشوفها
وابيك بسرعه تقدم على وحده ثانيه
وما ابيها تصير حلوه يا ويلك لو صارت حلوه
الساعة 5 العصر :
هي تفك هوشه بين سوير واخوها ويصحى هو على صوتها وهي
تهاوش وتدعي عليهم بجميع الامراض الخطيره الحديث منها
والقديم ( جعلكم للطاعون …جعلكم للحمى …جعلكم للوادي
المتصدع …جعلكم للحمى القلاعيه …والايدز ..الخ )
الساعه 6 المغرب :
هو جالس يشرب الشاهي وهي تقول نبي نروح لامي بتجيهم
بنت خالتها
الساعه 8 بالليل :
تتصل على الجوال : وينك فيه ؟ وبعدين وين بتروح ؟
ومنهو الي معك هذا ؟ ووش بتسون ؟ ومتى بتجي ؟
لا ما فيه الساعه 11 تعال الساعه 10
الساعه 10 بالليل :
جالسين هي وياه عند التلفزيون ..اخيرا هدوء ..والعيال
نايمين ..والجو جميل ..وفجأه تطالعه وهي ماده بوزها
وتقول ( الحين امك وش عندها اليوم ما ترد يوم اني سلمت ؟ هاه ؟ )
( والله ما ادري كان سألتيها )
( واختك وش هالحركات الي مالها سنع
ليش عازمه الجيران وكل حريم اخوانك الا انا ؟؟؟
لكن هين والله لاسوي عزيمه وما اناديها
اصلا هي ما زارتني في المستشفى يوم اني ولدت
وانا فاهمه قصدها ..لكن هين ..والله لو تحب السما ما
نيب زايرتها اذا ولدت )
وتراها اذا ما بطلت هالحركات والغمز واللمز تراني
ابسمعها كلمتين واخليها تحترم نفسها …..لا وذاك اليوم
تقول اخوي محمد ( الي هو الزوج ) حلو مره و3 من حريم
الجيران قد خطبوه لبناتهم ….من زينك بس ما ادري وش لاقين فيك )
يسكت وما يرد , تسكت هي ثم تقول
( وبعدين اخوك شاري لحرمته ساعه قيمتها عشرين الف ريال )
يرد ( طيب وش المشكله ؟ )
( وانا ليش ما تشتري لي ..والا انا ما استاهل ..ولو هي يعني احسن مني
بلاك ما شفتها ..شينه وطبايعها شينه وحتى طبخ ما تعرف تطبخ )
( خلاص اشتري لك ساعه )
تعصب وتقول ( ايه تسكتني بهالكلام ….والله لانت شاري ولا شي )
( وش تبيني اقول يا بنت الحلال ؟ ) تقوم
وهي تبكي ( خلاص ما ابي منك شي )
الساعه 11 بالليل :
هي زعلانه ونايمه مع العيال
وهو يلعن اليوم الي تزوج فيه الضحيه زهرة تروي قصتها لقد توفي ابي وامي بحادث سياره في اول اسبوع الغزو ... وكان وقنتها عمري 10 سنوات ويوجد لي 3 اخوات وانا اكبرهن سنا ويوجد لدى ابي شقيق واحد وعند سماع عمي لخبر وفاة ابي وامي بحادث اصيب بشلل اقعده على الفراش فهو لايستطيع الحراك وبعدها استغلت زوجة عمي شلل عمي وصغر سننا واخذت تتفنن في عذابنا وتنتقم منا بشتى الوسائل .
حيث كانت تغلق باب الحمام علينا ونقضي ليلتنا فيه ونصرخ ونبكي ولكن بكاءنا لم يجد من يستجيب له
وكانت تستغلنا وتأخذنا الى المجمعات والاسواق وتجبرنا على ان نمد يدنا ونطلب من الناس النقود ,, فبعد نهاية اليوم تأخذنا إلى الحمام كالعاده ونقضي يومنا فيه , فهي لاتطعمنا إلا القليل ,, وتضربنا كل يوم مره بالعصا
وفي احد الايام استطعت الهروب منها ولم اجد احد اذهب اليه ,, فأستقبلني ابن الجيران وعرف قصتي وعرض علي ان اذهب معه الى احد الشقق لدى احد اصدقائه لكي انام فيها
ومن هنا بدأت المشكله الأكبر ,, فقد بدأ الشباب في استغلال سذاجتي وحاجتي فيعرضون علي النقود مقابل ان ابيع شرفي وكرامتي ,, وتم لهم ما ارادوا فبدأت النتقل من شقه لأخرى ومن رجل الى رجل وبعت شرفي لكي اعيش يومي من غير عذاب
والآن انا نادمه بما فعلته واعيش اصعب ايام حياتي يانـجـد صيفك يقطع القلب حـــرّه
شتان مـا بينـك ومـا بيـن بيـروت يانـجـد صيفك يقطع القلب حـــرّه
شتان مـا بينـك ومـا بيـن بيـروت
أقـفـى ربيعك بالفرح والمـسـرّه
وصيفك وصل بالعج والحـر والمـوت
جـوٍ سموم القيـظ دايـم تـكــرّه
وإليـا ركـد مـا كنـي إلا بتابـوت
وإليا لحقني فيك بعض الـمـعـرّه
إسمحلي أرحل عن فيافيـك بسكـوت
شـهـريـن ابيها منك فالعام مــرّه
ألبس بها البنطال والبـس بهـا الكـوت
آخـذ على لبنان والـشـام فــرّه
وآكـل مـن الرمـان والخـوخ والتـوت
وأشـوف ناسٍ فالبلـد مـسـتـقـرّه
سـوو لهـم فيهـا مقاييـل وبيـوت
وأمـر دربٍ قدمي الـزيـن مــرّه
يمشي على كيفه مع النـاس مفلـوت
زيـن وغـنـج وعيون حلوه وغــرّه
لا خـاف مـن ربـه ولاهـوب مكبـوت
علقني بسحرة وخيرة وشــرّه
سحرٍ ذكـر هـاروت شـرّه لمـاروت
وإليا إنتهى الميعاد بترك مقرّه
واعصي هوى قلبٍ منه صار مبهـوت
واحزم شناط العفش والثوب أزرّه
وارجع بشوقٍ من مدى شوق بخوت
ويانجد صيفك لو ذبحني بحرّه
حييت في حضنك وفي حضنك الموت رسالة من جوالي حبيبتي انتي الكليجـا وانا القصيم
والله أن حبي لك بالصميم إن كيدهن عظيم قبل أن يسافر الزوج إلى أفريقيا سأل زوجته ماذا تريدين أن آتي لك من أفريقيا ؟؟
قالت له قرد صغير
فسافر الزوج وعاد ولما رأى زوجته تذكر القرد
فضرب كفاً بكف وقال :
يا إلاهي لقد نسيت أن آتي لك بالقرد من هناك ياحبيبتي
فأجابته الزوجة على الفور
بسيطة ياحبيبي
وجودك يغني عن القرد !! شباب سعوديين
يؤسسون موقعا خيريا للتبرع بالدم عبر الانترنت قام مجموعة من الشباب السعودي بتأسيس موقع إلكتروني خيري للتبرع بالدم على شبكة الإنترنت، ويعتبر المشروع الأول من نوعه، ويحمل اسم (www.freeblood.com).
ويقول أحد القائمين على الموقع، والمشاركين في تأسيسه، خلف الجودي إن "الموقع عبارة عن قاعدة بيانات، تجمع فيها أسماء وأرقام هواتف وفصائل دم كل من يرغب في التبرع بدمه في مختلف أنحاء العالم، وكلما زادت قاعدة البيانات التي يحتويها هذا الموقع، كلما سهل على محتاجي التبرع وذويهم الحصول على متبرعين".
ويوضح الجودي "لو فرضنا أن شخصا مقيماً في الرياض اسمه (خالد) واحتاج لدم، فكل ما على ذويه فعله هو الدخول للموقع على شبكة الإنترنت والبحث عن المقيمين في الرياض ممن لديهم نفس فصيلة دم خالد، والموجودة أرقام هواتفهم وعناوينهم وكل المعلومات الضرورية الخاصة بهم، ولا بدّ أن يكون من بينهم من هو جاهز على نحو سريع للذهاب للمستشفى الموجود به خالد والتبرع ابتغاء الأجر والمثوبة".
وأشار الجودي إلى أن "الموقع خيري ولا يهدف إلى الربح بتاتا، بل هو وقف لله تعالى، ويحتوي الآن على أكثر من 350 شخصا من المسجلين من مختلف أنحاء العالم". كيف تصيد اللي مرسله إيميل ياخي ارسلتك إيميل قبل كم يوم !!
يارجال لي كم يوم ما دخلت النت !!!
افا اشلون ؟؟
والله جهازي مخبط هاليومين <<< نصاب كل يوم متكي على النت علشان تفتك من هالسوالف
وتعرف اللي ارسلتله الأيميل قراءه وإلا لا هناك طريقه تقدر تصيده
ارسل رسالتك التي تود إرسالها وضع إيميل الشخص المراد الإرسال له
وأضف بعد الأيميل هذه الكلمه ( Confirm.To )
سوف تصلك رسالة في حين فتح مستلم الرساله للرساله
وسوف تجد مكتوب فيها وقت فتحه للرساله بالساعه
مثال على ذلك : [email protected] مواقع إسلاميه بمختلف اللغات
للغه الأنجليزيه http://www.islam-guide.com
للغه الفرنسيه http://www.islam-guide.com/fr
للغه الأيطاليه http://www.islam-guide.com/it
للغه الأسبانيه http://www.islam-guide.com/es
للغه الصينيه http://www.islam-guide.com/cs
للغه اليابانيه http://www.islam-guide.com/jp
للغه الالمانيه http://www.islam-guide.com/de سؤال برنسيـ1111ـات وجائزه إشتراك إنترنت شهر مفتوح لمن يستطيع أن يضع يوزره على شريط المهام ( ابدء ) في جهازه
نفس مكان يوزري كما هو موضح في الصوره
7
7
7 أنتهى الجزء الثالث
أخوكم / P-FOUR1 P-FOUR1 بـرنـسـيـ1111ــاتP-FOUR1 ( الجزء الأول ) P-FOUR1 بـرنـسـيـ1111ــاتP-FOUR1 ( الجزء الثاني )
|
|