#1  
قديم 22/08/2004, 12:49 PM
مشرف سابق في منتدى الرياضة السعودية
تاريخ التسجيل: 06/04/2003
المكان: Riyadh State
مشاركات: 1,667
Cool عـلـــوم فـيـصـــل فــي بــاريــس

[ALIGN=CENTER]طبعا كالعاده انا مع زملاي بالملحق ونسولف عن السفر .. بس مو اي سفر.. نبي نخربها هالمره

انا: تهقون يعني اننا نقدر نسويها

ماجد: ايييه بس انت عزم وكل شي بيكون تمام

عبدالعزيز: ياخوي ترى مره بالعمر تدري كم عمرنا يعني خلاص مابقى غير نتزوج خلنا نفلها بسس

انا: بس عندي مشكله!!!

عبدالعزيز: وش ذا الفال الشين .. وشهي مشكلتك

انا: الوااالده

ماجد: ماعليك يابن الناس تدري ان امي تقدر تأثر على امك مايحلها الا الله ثم امي

انا: الله تخيلو بس اشكالنا في باريس انواع الحرييم ياوووووووك

طرررررررررررررررررررررررررررربخ

عبدالعزيز: وش ذااااااااااااااااا؟

الا فجأه وامي طابه علينا

امي: وشو وشو وشو .. منتب عااقل شطح نطح يعني عشان خليتك تروح جده تبي تروح باريس مره وحده .. مايخسى الا انت وانت يامويجد تبي امك تأثر علي قمممم طس بيتكم لا العن خامسك <<< انواع العربجه .. قم انت الثاني رح بيتكم ياركبة الحااااشي

انا: يمه يمه تكفييين بروح مع اخوياي ووعد مني اني اتزوج اول مااجي .. مو انتي تقولين تبين تزوجيني خلااااص والله ذي اخر سفررره وعقبها اتزوج

امي: اممممممممم تاخذني على قد عقلي يقالك اني بزر معطيني علكه وتلعب علي مافيه يعني مافيه

انا: يمممممممه شوفي بكتب تعهد على نفسي اني اول مااجي اتزوج واللي تختارينها انتي مو انتي تبين اتزوج بنت خالتي حصه خلاص والله لاتزوجها اصلا هي ماتنعااف

امي: عطني مهله افكر

وبعد يومين رحت عندها .. وقلت هاه يايمه وش قلتي


تقولي : والله ياوليدي خايفه عليك تكفى لا تسافر

انا : رايح حرب انا ... كلها اسبوعين وجاي

امي : كل تبن شرهتك على اللي خايفه عليك (( امي وتمون عادي تصير دايم ))

انا : هاه طيب وش قلتي ..

وعقب تفكير دام خمس دقايق : خلاص موافقه .. بس اسبوع وترجع

انا: مايمديني اسبوع خليها اسبوعين طلبتتتتك يمه

امي: وعقب ماترجع بيومين تملك على مها((ذي بنت خالتي حصه))

انا: ان شااااااءالله <<<< مغصه قلبه

...................................................

انا: عياااااااااااااااااااااااااااااااال واااااااااااافقت امي بنسااااافر .. يلا احجزو

عبدالعزيز: احجزوو اجل قط فلوسك اول

انا: كم تبون؟

ماجد: يعني مع الفيزا والاقامه والاكل والشرب 15000

انا: يااااااااااااااوك قاعد على بنك انا

عبدالعزيز: وش فيك يابو الشباب ترى ذي اخر سفره لك عقبها منتب طابها لازم نفل امها

انا: يلا امري لله

ماجد: هات جوازك عشان الفيزا مع اوراق العمل والبنك وووووو

......................................

طبعا مرينا السوق كله انواع الجينزات والتشيرتات وترميم الوجه من حلاقه والخ

في يوم السفر

انا: يالله يمه اشوفك على خير

امي: لاتنسى ترى بعد ماترجع بيومين ملكتك على مها

انا: ايه ايه طيب فهمنا

.....................................................


في المطار

ماجد: شف شف يافيصل وش كبر الطياره

انا: الله ياخذك ياقروي كن عمرك ماشفت طياره

عبدالعزيز: تكفى ياللي ماخليت شبر في حواري اوروبا

ماجد: هههههههههههههههههه اساعدك بتلقيط الوجه

انا: اصصصصصصصص شف ذي الشقرااااااا .. يلعن امها بروح ارقمها

ماجد: وععععع كلها نمش

عبدالعزيز: ههههههههههههههه .. فيصل اركد يالمطفوق ذي شكلها اجنبيه

انا: ايه عادي هماها بتروح معنا خلنا نتعرف يمكن تفيدنا هناك

ماجد: احلىىى يالذكى رح شبكها رح

انا: وشلون شكلي بالبنطلون حلوو؟ مو كني ايطالي

ماجد: ايييييه اييييه ايطالي بس رح رقمها

ورحت لها : احم احم مساء الخير ياحلوه

هي: what?

انا: ايي ايي ايام فيسل يو وت؟

هي: hhhhhhh i`m suzy

انا: كنه اسم شغالتنا ههههههههههه

هي: what?

انا : نو نو نايس نيم .. يو تتكلمين اربي؟

هي : yes shoyah

انا: حلو انتي وين روه سافر؟ (( والله لو انها هنديه))

هي: باغيس وانتا؟

انا: سيم سيم انتي سي يو هناك باي

هي: باي !!!

ورجعت لاخوياي : ماتعرف تتكلم عربي بس اشوى تفاهمت معها بتروح لباريس بعد يمكن تدلنا على اماكن زينه

ماجد: ياهوووووووووووووه يالتشبيك

........................

وفي الطياره طبعا تخانقنا مين اللي يقعد عند الشباك (( اعذرونا قراوه ))

ووصلنا لباريس ...
[/ALIGN]




[ALIGN=CENTER](( اذا اعجبتكم باكملها .. اذا ماعجبتكم خلاص )) [/ALIGN]

اخر تعديل كان بواسطة » Fai9aL في يوم » 22/08/2004 عند الساعة » 01:20 PM
اضافة رد مع اقتباس
  #2  
قديم 22/08/2004, 01:24 PM
زعيــم نشيــط
تاريخ التسجيل: 11/11/2003
مشاركات: 796
كمل كمل



وعساك تجيبها لبر


يالله مين اللي قعد على الدريشة انت ولا عبد العزيز ولا ماجد
اضافة رد مع اقتباس
  #3  
قديم 22/08/2004, 01:42 PM
زعيــم مميــز
تاريخ التسجيل: 06/04/2004
المكان: جامعة كل الحلا وزين الصفاتي. مانلومك لو مدحت البرتقاله. منحرم من شوف لابست العباتي. شوفها ما كل مخلوقن يناله. لو تشوف بنات القصيم مفرعاتي. ان تحط البرتقاله في الزبالة
مشاركات: 1,913
كمل كمل

تراي متحمس
اضافة رد مع اقتباس
  #4  
قديم 22/08/2004, 01:45 PM
زعيــم نشيــط
تاريخ التسجيل: 04/07/2003
المكان: the tears valley
مشاركات: 990
الله يستر منكم
بدت الدجة بالمطار
أجل وشلون بباريس
بس الصراحة اخوياك عندهم نظرة مستقبلية

ترانا بانتظار بقية الدجة عفوا القصة
اضافة رد مع اقتباس
  #5  
قديم 22/08/2004, 01:50 PM
الصورة الرمزية الخاصة بـ The Danger
مشرف سابق بمنتدى الرياضة العربيه والعالمية
تاريخ التسجيل: 23/10/2001
المكان: Riyadh
مشاركات: 2,423

الله يرجك رجاً مبرحـاً ..

كمل يا المطفوق كمل بالله
اضافة رد مع اقتباس
  #6  
قديم 22/08/2004, 01:59 PM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376
[ALIGN=CENTER]
إقتباس
إقتباس من مشاركة The Danger


الله يرجك رجاً مبرحـاً ..

كمل يا المطفوق كمل بالله


كمل خل نشوف وش سويتوا
[/ALIGN]
اضافة رد مع اقتباس
  #7  
قديم 22/08/2004, 02:31 PM
زعيــم مميــز
تاريخ التسجيل: 07/10/2003
المكان: تــبــوك
مشاركات: 1,592
هههههههههههههههههه كمل يارجه بس انتبه تخورها في باريس اذا فيه شيء يتشفر دزه على الأيميل خخخخخخخخخ ماحد سمع شيء
اضافة رد مع اقتباس
  #8  
قديم 22/08/2004, 03:08 PM
زعيــم مميــز
تاريخ التسجيل: 22/04/2002
المكان: مثلث برمودا
مشاركات: 4,456
إقتباس
إقتباس من مشاركة The Danger


الله يرجك رجاً مبرحـاً ..

كمل يا المطفوق كمل بالله

^
^
^
^
جابها الدنجر في الصميم ...
اضافة رد مع اقتباس
  #9  
قديم 22/08/2004, 05:07 PM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
الـحـاتـمـي ...



مــر مــن هـــنــــا ...


ويـقـول : انا سيم سيم باقي نفر !!



كمّل يا ( فيسل ) <<<< تقطع بطنه من الضحك عليها
اضافة رد مع اقتباس
  #10  
قديم 22/08/2004, 05:57 PM
زعيــم نشيــط
تاريخ التسجيل: 02/05/2003
المكان: ما عادت خارطة العالم تعنيني ..!!
مشاركات: 646
[ALIGN=CENTER] كمـــل ياخوي ،،

أتوقع أن النهاية بتكون حزينه <---- متأثر بالمسلسلات المصريه

احسن شي

إقتباس
قم انت الثاني رح بيتكم ياركبة الحااااشي

من جد في الصميم ،، [/ALIGN]
اضافة رد مع اقتباس
  #11  
قديم 22/08/2004, 07:18 PM
زعيــم فعــال
تاريخ التسجيل: 18/02/2004
المكان: سيدة الدنيا طيبة الطيبة
مشاركات: 299
هلا
كمل يا بو الشباب تراك حمستنا
بس اهم شي ملكت على مها ولا لا؟؟؟؟؟؟؟
اضافة رد مع اقتباس
  #12  
قديم 22/08/2004, 07:50 PM
زعيــم نشيــط
تاريخ التسجيل: 26/04/2004
مشاركات: 581
بليز كمل يا فيسل

نريد نعرف شو حصل في باغيس
اضافة رد مع اقتباس
  #13  
قديم 22/08/2004, 10:15 PM
زعيــم مميــز
تاريخ التسجيل: 20/03/2004
المكان: ::: الــريــاض:::
مشاركات: 2,936
[ALIGN=CENTER]حلوة فيسل اعجبتني..بالله كمل هالقصة الرهيبة[/ALIGN]
اضافة رد مع اقتباس
  #14  
قديم 22/08/2004, 10:50 PM
الصورة الرمزية الخاصة بـ مطزاز
زعيــم متألــق
تاريخ التسجيل: 01/05/2002
المكان: الرياض
مشاركات: 1,236
[ALIGN=CENTER]فيسل بليس كمل متحمس ومتقطع من الضحك

ومادام هذا بدايه هواش على الدريشه ما اقول الا الله يستر من الباقي
[/ALIGN]
اضافة رد مع اقتباس
  #15  
قديم 23/08/2004, 03:36 AM
زعيــم متواصــل
تاريخ التسجيل: 31/03/2004
المكان: الرياض
مشاركات: 183
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:55 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube