هذا كلامكم وتبون النادي يتطور؟؟؟ لا أبشرو بثمان عجااف !!! - نادي الهلال السعودي - شبكة الزعيم

مجنون ابوعبدالله · #1 21/08/2004, 03:38 AM

اخواني طلع الازرق من الصداقه وانتهت رحلة ابها وراحت علينا البطوله اللي كنا محتاجين لها كدافع معنوي

لكن اللي كاتب الموضوع علشانه انا هو

الـــــــمــــــــــجـــــــامــــــلــــه على غير سنع

بعد مباراة الصفاقسي قريت 5 مواضيع كلها وشي؟؟؟؟

اطلقو لقب على افضل لاعب بالدوره

او

روبرتو كارلوس الهلال ؟؟؟؟!؟؟؟!؟؟!؟؟!؟؟

او

الجري قال عطوني فرصه واخذ الفرصه واثبت انه لاعب يستاهل؟؟؟؟!!!!؟؟؟!؟!؟!؟!؟!؟!

ياناس ياعالم ياهووووووووه تثبيت الجري حقت الهدف الاول تعتبرونها خطأ؟؟؟؟؟؟؟؟؟؟؟؟

بس كلمة خطأ وتكفي؟؟؟؟؟؟؟؟ ارجو انكم تجاوبون مع العلم انه رافع راسه قبل مايناول

ثاني شي

المطرف

ابي بمباراة الصفاقسي كوره سلمها صح

او كوره سوا فيها شي نقدر نقول له يالمطرف ماقصرت غير تضييع البلنتي وكسرت الجسم اللي لو اني مغمض ادري انه بيحطها يسار الحارس

ابيكم تذكرون وش كان التيماوي يسوي ووش كان الاعلام يشيد به مقارنه بالمطرف الحين

ثالث شي وهو الطااااااااامه

البرقان

اخواني الزعماء؟؟؟ وش تقييمكم لمحور الارتكاز؟؟؟؟ مو اللي يقطع كور ويمشي كور صـــــح ؟؟

لكن في مواضيع للي يمدحون البرقان الله يوفقهم يكتبون عيب البرقان وهم يمدحون يقولون بس يكثر الفاولات بالنص؟؟؟ هذا لاعب بينسينا خميس ولا بيخلينا نترك الغنام؟؟؟

اما عن التمريرات فأتحدى اي عضو بالمنتدى اذا كان مجموع تمريراته السليمه اكثر من الخاطئه

رابع شي

الصويلح

الصويلح بطل وبهالدوره ماكان بمستواه تدرون ليش؟؟؟؟

من الالقاب اللي جته من كل صوب ومن نفخ الراس اللي وصله من كل جهه

ياناس اللاعب وهو صغير لازم لازم لازم تحسسه انه مابعد عطى اللي عنده وان عنده شي كثيررررر يقدر يطلعه

وكلنا ندري ان مستوى احمد بالصداقه مو مستواه الطبيعي ( مربع ابطال العرب)

اتــــــمــــــنـــــى من كل الاعضاء انهم مايعطون اللاعب اكبر من حقه وطريقة نفخ الراس ماتنفع بالعكس بتدمر علينا اللاعبين

وترا مثل ماقلت لكم الصويلح عنده الكثيرررررر والكثيررررررر ( هذا اللاعب اللي تقدر تقول اصبرو عليه هو ومشعل الموري اللي برضو ماظهر بمستواه اللي نعرفه ونشوفه مع الناشئين لكن برضو المستقبل قدامكم

)

بالأخير تدرون من الضحيه؟؟؟؟؟

النزهان

اي نعم النزهان !!!!! انا ماراح ادافع عن النزهان لأني من اول المطالبين بتنسيقه مع لسته طويله من اشباه اللاعبين اللي موجودين بالنادي ومحسوبين عالهلال

لكن راح اقول الحق

النزهان كورته انقطعت من نص الملعب وكان فيه الهليل وفرانكي وكلهم واقفين على خط واحد لاهم اللي طلعو عن التسلل ولا اللي غطو اللاعب المندفع؟؟ يصير الغلطان النزهان؟؟

طيب النزهان غلطان وانا معكم لانه مسوي صانع لعب وهو من جمبها وابو يعقوب معطيه هالمعلومه من زمان ؟؟؟ لكن اقول ان الجري بطل واوزع عليه القاب بس لانه دخل في كوره وسبب فاول ( بالاصل على الجري ) ورفعها وجبنا منها الهدف؟؟؟

هذا الظلم بعينه وعلمه

انا مااطلب الانصاف بالنقد 000000 لكن اطالب الانصاف بالتنسيق ;)

رساله لأخوي الغالي ابو فيصل :

كلنا نعشق الهلال وكلنا نحب الهلال وكلنا نحضر للهلال ( ناشئيين - شباب - أول )

لكن مجاملتك الزايده للاعبين هي اللي بتدمرهم

يعني انت ماتتبع نقول للمحسن احسنت ونقول للمسيء اسأت

انت تقول للمحسن احسنت وتقول للمسيء احسنت

وهذا هو الخرااااب

واخيراً

هذا غيض من فيض ولا عدم انتقادي للبقيه مايعني اني راضي عنهم ( بحكم رأيي المتواضع ) لكن انا بغيت بموضوعي ابين ان المدح اللي قاعد يصير وخاصه باللاعبين اللي ذكرتهم خطأ في خطأ

(((((((( برضو هذي وجهة نظري المتوااااضعه ))))))))

اتمنى مايكون احد زعل من كلامي او فهم غلط ومرحباً بالنقد الهاادف ;)

تحياتي للجمييييع

وتحيه خاصه لأخوي ابو فيصل اللي ماقصر طوال الموسم السابق في الدعم الجماهيري بالشرقيه والدعم المستمر لجميع الفئات السنه عند تحقيق اي بطوله 0000 وعساك عالقوه وكل من يعاونك الموسم القادم بأذن الله موسم يسعدنا ويسعد كل الجماهير الهلاليه

دمي وقلبي للأزرق · #2 21/08/2004, 03:43 AM

مادهورنا الا هالمجاملات اللي مهيب يم سنع !!!

اللي ماشاف البطوله يقول الهلال وصل للنهائي وكل فريق موكله خمسه وستات !!!

لا المطرف ولا الجري ولا الصويلح ولا الداهيه النزهان كلهم والله ماتتوكئ عليهم ....

الأمل بالله ثم بالمحترفين الاجانب واذا بتعتدون على ذولي ايه هين تشمون ريحة البطوله !!

وسلملي على ابوعبدالله تكفى

صمت السكوت · #3 21/08/2004, 03:59 AM

أخي مجنون أبوعبدالله .

أتفق معك في غالب ما قلت .

والعيب عند بعض الناس أن الصراحة تزعلهم .

بعضهم يرى حسنات لاعب ولا يرى العكس وبعضهم عكس ذلك .

كنت أود التحدث عن مستوى المطرف والبرقان والصويلح خاصة بعد المديح

الموجه لهم سابقاً والآن . ولكن امتنعت عن ذلك .

والذي منعني من الكتابة أن بعض من سيرد على الموضوع سيتهمني بأني مندس

أو أني لا أفهم أو لأني لا اريد مصلحة الزعيم .

متناقضات كثيرة وأوراق في غير كتابها وسطور في غير صفحاتها وكلمات خرجت

لا تعرف أين المصير .. ذلك ما أشاهده في بعض موضوعات المنتدى .

تحيتي

abdullah suliman · #4 21/08/2004, 04:08 AM

صح لسانك يالغالي..
ولكن تبيها صراحه..

الشق اكبر من الرقعه...

مسكين هذا النزهان اصبح علاقة الفشل..
لاأدري لماذا لم يستفد الصويلح من الكورة الأوفر بقدم النزهان التي وصلت له وارسلها برأسه عاليه بعيده عن المرمى..هل النزهان مسئول عن اخطاء الصويلح..
المطرف اضاع بلنتي قد يعدل قليلاً ويساعد في تجديد الأمال الهلاليه..هل النزهان مسؤول عن رعونة المطرف في التسديد..
لا تكاد تخسر الجماهير بطوله حتى يصبوا غضبهم على لاعب واحد فقط..
اما صاحب البوت الأبيض فلم نجد من يتحدث عن لامبالته وانتظاره للكوره على رجله وكأنه رونالدو زمانه...

هذا ليس دفاعاً عن النزهان ولكن يوجد في الفريق 10 لاعبين غيره غالبيتهم كانوا تشخيص وعلى رأسهم العتيبي...

هلالي حبيب · #5 21/08/2004, 04:15 AM

مجنون ابوعبدالله : ياشيخ كل اللي في قلبي قلت وكفيت ووفيـــــــت والله الكلام هذا في قلبي من اول مباراة شفتها في الدورة

الجميــــــع يجامل والألقاب على كل لاعب والحوطي شبهووه بالتيماوي والمطرف شبهووه بأبويعقوب والعنبــــــر شبهوه برونالدينهو ..........إلـــــــــخ

والله هالألقاب هي اللي تخرب اللاعب والمبالغة في الشئ

يعني والله المطرف يسحب له سحبتيـــــن في الفريق الياباني وبعدها يعطونه نجم المباراة وهو اللي فعل وهو النجم وخليفة الثنيان وووو.......إلخ
والله لاعبيــــــــــن كثيريــــــــن لايستحقون ارتداء شعار الهلال

ورسالة للجمهور الهلالي مو كل من سحب له سحبتين والا قام يراكض في الملعب ويطامر ويناقز ، والا يدقها ويلحقها صار نجم النجوووم ،،
صح انه مجتهد ويشكر على ذلك والله يوفقهم لأننا نحب الهلال ونتمنى انه يكون من افضل الفرق

المعترض · #6 21/08/2004, 05:17 AM

هلا وغلا

بوعبدالله لامست الحقيقه كثيرا جدا ...

والكن لدي سؤال لماذا النزهان مانفضح بهالشكل الكبيير مع الحبشي هل لفقد الفريق حاليا التكتيك ؟

لماذا العنبر فقد ايجابياته ... هناك من اضر باللاعبين كثيرا بطريقة درجه ثانيه مفلسه ...

ودمتم في حفظ الله ورعايته

AbuJooD · #7 21/08/2004, 07:21 AM

اسمحلي انا اخالفك..............البرقان وش اللي تمريراته خاطئه بالعكس الا كل تمريراته صحيحه الا ماندر.......عاجبينك المحاوره اللي عندنا الشايع وعزيز......سلاماااااااااااااااااات يالطيب....والله انه افضل المحاوره عندنا.......وجهه نظر

T . M . Z · #8 21/08/2004, 07:48 AM

ياشيخ تسلم على كل كلمه قلتها والله اني جاي وبراسي انزل موضوع مقارب لكثير من اللي قلته وانخفاض بمستوى اغلب الاعبين 00

وين العنبر ووين مستواه اللي شفناه اول !!!

وين الصويلح اللي شفناه ببطولة فيصل ومربع كاس العرب وكاس الصداقه العام !!

المطرف يابو عبدالله قالوا عنه الثنيان بحركه وحده

!! والصحيح ان الاعب هذا مايقدر يعطيك طول المباره فكيف يعطيك طول السنه !! لاعب احتياط .. اوكي 00 بس اساسي اشوف انها صعبببببببه 0

البرقان مدحوه لين وصلوه السما مع اني اشوف ان مجرشي كان مأدي افضل منه بالبطوله بس وش السبب؟؟ طبعا مثل ماقلت .. اذا جاء لاعب عمره بعد 20 سنه ويقرى هالمدح كله اكيد بيشوف نفسه ممتاز واللي ينتقده ( يكرهه ) وهذي اكبر مشكله 0

الهليل لاعب ممتاز لكن شوف كم موضوع تكلم عن الاعب !! بالله وش ردة فعله اذا انه يتابع النت !!

الجري لاعب جيد بس ياهل ترى يستحق يلعب للهلال اساسي !! بغض النظر عن مبارة البارح 0

والله يعين العتيبي والنزهان على بعض الجماهير 00

عبدالعزيز الخالد .. الله بالخير ياكوتش 00

(( الكلام هذا من مباره الاتحاد الياباني وانا ابي اقوله بموضوع لوحده لكن قلت صعبه اني اتكلم بكلام مثل هذا بوسط بطوله خاصه اذا ان الاعبين يتابعون النت .. لكن بعد انتهاء الدوره بالنسه لنا جاء دور الانتقاد . واسف اذا كان فيه قسوه شوي ))

مجنون ابوعبدالله · #9 21/08/2004, 03:02 PM

تحياتي للجميع واشكر من وافقني ومن خالفني لأننا بنهايه نبي نطلع بحوار مفيد ان شاء الله

اخواني قد نختلف وقد نتفق الاهم اللا مجامله بالرد

الله يعطيكم العافيه جميعاً

D.Aziz · #10 21/08/2004, 03:18 PM

انا اخالفك بكل كلمه قلتها وكل كلامك خطا بخطا

ابومشاري الهلالي · #11 21/08/2004, 05:45 PM

إقتباس


	إقتباس من مشاركة مجنون سامي999999999 صح لسانك يالغالي.. ولكن تبيها صراحه.. الشق اكبر من الرقعه... مسكين هذا النزهان اصبح علاقة الفشل.. لاأدري لماذا لم يستفد الصويلح من الكورة الأوفر بقدم النزهان التي وصلت له وارسلها برأسه عاليه بعيده عن المرمى..هل النزهان مسئول عن اخطاء الصويلح.. المطرف اضاع بلنتي قد يعدل قليلاً ويساعد في تجديد الأمال الهلاليه..هل النزهان مسؤول عن رعونة المطرف في التسديد.. لا تكاد تخسر الجماهير بطوله حتى يصبوا غضبهم على لاعب واحد فقط.. اما صاحب البوت الأبيض فلم نجد من يتحدث عن لامبالته وانتظاره للكوره على رجله وكأنه رونالدو زمانه... هذا ليس دفاعاً عن النزهان ولكن يوجد في الفريق 10 لاعبين غيره غالبيتهم كانوا تشخيص وعلى رأسهم العتيبي...

عبدالله الشمري · #12 21/08/2004, 05:58 PM

إقتباس


	إقتباس من مشاركة دمي وقلبي للأزرق مادهورنا الا هالمجاملات اللي مهيب يم سنع !!! اللي ماشاف البطوله يقول الهلال وصل للنهائي وكل فريق موكله خمسه وستات !!! لا المطرف ولا الجري ولا الصويلح ولا الداهيه النزهان كلهم والله ماتتوكئ عليهم .... الأمل بالله ثم بالمحترفين الاجانب واذا بتعتدون على ذولي ايه هين تشمون ريحة البطوله !! وسلملي على ابوعبدالله تكفى

كلامك كله صح بس باضيف ان الاداره تجب لاعبين سعودين
يعني الغنام بشير بيفيدون الهلال
واعتزال الكبار رايي الشريده خليل سليمان سامي

زرقة البحر · #13 21/08/2004, 06:01 PM

صح لسانك ، قلت اللي في القلب

عطشان اسمع يا نهر · #14 21/08/2004, 07:14 PM

إقتباس


	إقتباس من مشاركة المعترض هلا وغلا بوعبدالله لامست الحقيقه كثيرا جدا ... والكن لدي سؤال لماذا النزهان مانفضح بهالشكل الكبيير مع الحبشي هل لفقد الفريق حاليا التكتيك ؟ لماذا العنبر فقد ايجابياته ... هناك من اضر باللاعبين كثيرا بطريقة درجه ثانيه مفلسه ... ودمتم في حفظ الله ورعايته

مجنون ابوعبدالله · #15 21/08/2004, 08:30 PM

الف شكر للجميع

اخوي الاخطبوط + سامي

وجهة رأيك واحترمها

الف شكر لك

تحياتي