قال ايه شباب ؟؟؟
 

في البداية نقول للجميع حظ أوفر في البطولات القادمة
أما عن بطولة الصداقة فقد شاركنا (إن كان يحق لي قول ذلك وإلا شارك الهلال) بنفس المجموعة التي شارك فيها في البطولة الماضية تقريبا مع بعض التغييرات البسيطة ومستوى البطولة الماضية أفضل بكثير من هذه البطولة فالاعتماد على نفس المجموعة أفقد الهلال تميزه وأيضا هناك عوامل أخرى من أهمها تشتت فكر بعض اللاعبين هل هم في هذا الفريق للتجربة ؟ هل تكون تجربة أخيرة لهم ؟ هل فعلا هم فريق المستقبل ؟ ( لا أعتقد ) فالكثير منهم يعلم أنه كبير في السن فماهو مصيره ؟
وأيضا من العوامل مع الأسف المدرب فكره الكروي قديم في وجهة نظري
وأيضا بعض اللاعبين (ان صح التعبير بلاعبين وإلا هم ... ) قد أكل عليهم الزمن وشرب ويقال لهم فريق أولمبي ( بهالصيف ) أولمبي ( ناظر أثينا وشف الفرق الأولمبية على حقيقته )
بعض الصفات التي يتميز بها موهبوا الهلال في هذه البطولة :
محمد النزهان ( عقل كروي متوقف من عشر سنوات ، أكبر من عبده مصلح رحمه الله ، لا يفقه في أمور الكابتنية التي على كتفه شيئا ، مهارات ـ دمار في دمار فقط أنظر إليه إذا جاءته الكرة (يتوهق بها) ، احيانا يمثل تمثيل بااااااااااااااااااايخ يفقع مرارة المشاهد ، هذي هي مواصفات لاعب الخبرة الهلالي )
ـ أحمد الجري ( سريع على قلة سنع ، القدم اليمنى معطلة نهائيا ، الله يعين اللي بوجهه يروح من صيد أمس البريك دمار ، المهارات صفر على الشمال ، يقاله فيه حماس أحيانا يسوي فيها معصب وهو والله داج ، راعي نكبات واليوم أكبر دليل ، في الحقيقة مكانه المدرج وحرام عليه فانيلة الهلال )
ـ عبد العزيز الهليل ( هادئ ـ تكانه ـ في الحقيقة مكسب هلالي جديد )
ـ حسين الخثعمي ( حماسي ـ قوي في الالتحام ـ بس المشكلة في البنية )
ـ حسن العتيبي ( ابوعلي ونعم ولكن في مباراة الاتحاد يعني خذاله غطه )
ـ فرانك ( حقه تأشيرة خروج نهائي احسن له وأحسن لنا لأن أموره في الدفاع لك عليها )
ـ عبد الله المطرف ( ابو صليعه ياحبي له ـ مهارات ممتازة ـ بس بعض الأحيان يحتفظ بالكورة أكثرمن اللازم ـ تسديد جيد ـ تمركز دمار ـ ومشكلة نجران مشكلة )
ـ سلطان البرقان ( جيد لولا البطء )
ـ أحمد الصويلح ( السميّن ـ حماس زايد عن حده ـ دعم ـ دف ـ طيران في الهواء على الفاضي ـ بس التمركز تمام ـ فيه عدم تركيز أحيانا ـ مزاجي ـ محبوب للمشاهدين لبعض الحركات الطفولية ـ لكن هو مهاجم المستقبل الهلالي مع الموري)
ـ مشعل الموري ( في الحقيقة أول مرة أشوفه في الصداقة لكن أعجبني كثير بتحركاته ، جسم شي ـ عقل كروي جيد ، تمركزه تمام )
ـ أحمد مجرشي ( أتمنى أن يكون محور الهلال القادم بدل العاهات خالد عزيز وعمر الغامدي )
ـ فهد مبارك ( جيد ولكن يحتاج إلى صبر ومزيد احتكاك وخبرة )
ـ محمد العنبر ( لو ينسق أحسن لأنه حقيقة فيه أي شيء زين )
ـ مازن الفرج ( يعني أحيانا وأحيانا مرة تصيب ومرة تخيب )
ـ عبد الله العنزي ( رب رميةمن غير رامي )
وعلى الخير نلتقي

والله مادري من وين طلعة علينا يازعيم عملاوي

تكفى خلهم في حالهم أحسنلنا وأحسنلك خل الكلام مامنة فايدة
قال خيراً أو اصمات 0

انت من جدك الحين؟؟
يعني غير انك ظلمت الجري,,,
قريت اغرب شي قد قريته بها لمنتديات
محمد العنبر ينسق؟؟؟؟؟؟
يا رجال خلهم ينسقون كل اللاعبين لكن لا ينسقون العنبر
شكلك ما قد شفت العنبر قبل
العنبر هو مهاجم المستقبل قبل الموري


وشكرا

لاحول ولا قوة إلا بالله
إنا لله وإنا إليه راجعون

لا لا ماأصدق
أكيد أنت مررره منفعل
أو واحد مندس
الثانية >>>أرجح
ليه كذا ياخي؟؟؟؟؟؟؟؟
حرام عليك!!!!!!!!
أكيد كنت تقصد فريق ثاني
بس لخبطت بالأسماء...........

الله يصلحك اجل العنبر المفروض ينسق كيف الحال

ولا الصويلح :bigeek: محبوب للمشاهدين لبعض الحركات الطفولية :ranting:

سلامات اخوي وبعدين انت تقول تشتت فكر بعض اللاعبين هل هم في هذا الفريق للتجربة ؟ هل تكون تجربة أخيرة لهم ؟ هل فعلا هم فريق المستقبل ؟ ( لا أعتقد ) فالكثير منهم يعلم أنه كبير في السن فماهو مصيره ؟

اصلا اللاعبين عارفين من بداية البطولة اللي بيجتهد راح ينظم للفريق الاول وهذا الكلام يدل على ان اللاعب مصيره بيده

وبعدين تبي العنبر مستقبل الهجوم الهلال ينسق ؟؟:upset:

انا عارف ليش انت كتبت هالكلام عن العنبر ,,, انت كتبت كلامك لنك شفت العنبر بمستوى سيء خلال البطوله وهذا الشي انا شفته كمان لكن انا اقلك ليش العنبر ماظهر بمستواه

العنبر ياحبيبي ماكان متفاهم مع الصويلح وبعدين العنبر اعطيه كور مقشره وهو يحطلك الاهداف

وهذه هي وظيفة المهاجم

أقلك رح نام أحسلك



وإذا مافيك نوم روح قشر بصل

انت الحين فقعت مرارتي و جاني السكر النزهان ماسوى كذا فيني..

اجل الجري مايعرف يلعب
وتبي العنبر يتنسق

ماخليت احد بالفريق الا وطلعت رحيته..!!

السلام عليكم
 

ياجماعة مافيه حرية رأي هذا رأي خاص وفعلا كان فيه بعض الانفعال لأني كتبته بعد المباراة مباشرة ولكم الحق في الرد ولي الحق في الدفاع ،

أما الأخ (ـــــــــ) والذي يرمي بالتهم فلا أقول له إلا سامحك الله وإن غدا لناظره قريب

وعلى المحبة نلتقي

حراااااااااام عليك . .

العنبر ينسٌق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟