للأسف انا اخالفك الرأي في كل ما قلت
حسن العتيبي كان مبدع في مباراتين واخطأ في هاذي المباراه ما ننسى المباراتين عشان مباراه وحده
ثاني شي تبينا نغير مدرب عشان بطولة وديه وخسارة مباراة وحده للأسف اذا كان تفكير الاداريين والاداره كذا
ثالث شي اخطاء النزهان ايش في هاذي المباراه؟؟
ما ناول صح او جلى كوره وجت هدف فينا تسبب في بلنتي وشو بالضبط ؟؟
وترى العنبر يملك امكانيات كبيره ولا زال صغير في السن ويجب علينا توجيهه وتنبيهه انه يملك امكانيات اكبر من التي اظهرها في هذه البطولة الى الآن

انا اطالب بحسين الحبشي لانه يعرف قدرات اللاعبين ولانه هو من اكتشف هذه الوجوه الشابة
وبصراحة عنده الامكانيات التدريبة افضل من الخالد النكبه اللي يلعب بخطة دفاعية يحسبنا سدوس.

اخويblue club
طبعا كلنا انفعلنا مع الهزيمه وزعلنا
اخطئت انا في موضوعي في حق العتيبي
لكن بالنسبه للنزهان ياخي خلك واقعي وشف اش سوى في المبارة كان ثغرة والله وتمريراته خاطئه
وكثير اشياء تكلمنا عنها في مواضيع ثانيه
اما بالنسبه للمدرب اسالك بالله شكل الهلال احسن الحين ولا قبل انت احكم والله انا راضي بحكمك
هما يقولوا مدرب تكتيكي يا اخي اشوفه عادي ما فيه تكتيك واضح
عموما الله يوفق الزعيم نختلف ونتفق على احترام بعضنا وحب الزعيم
لك اخي blue club مني كل التقدير والاحترام

عطشان اسمع يا نهر
انت اكيد تقصد الهلال الحين احسن ولا قبل مع الحبشي
شف انا ما انكر ان الهلال كان مع الحبشي جيد جدا بس الفريق الحين مو سيء
و مو افضل من فريق الحبشي
بس انا مستحيل اتندم على شي ماضي وبعدين ليه ما نترك الحكم لأخر الموسم
الحين اغلب الناس حكمت على الخالد انه فاشل وليييه فاشل لأن الحبشي كان افضل منه الموسم الماضي ووصل لنهائي كأس الامير فيصل مع ان الحبشي ما سوا شي في بطولة الصداقة الماضيه
شوف انا من رأيي هذا الفريق يهمني انه يطلع منه لاعبين كفء على ان ناخذ بطولة وانا صراحه ما اطالبهم بأي بطولة ونصبر ونشوف كأس الامير فيصل ما تدري وش يصير وعطو الخالد فرصته كما اخذها الحبشي كامله
بس اهم شي اننا ما نعطي للاعبين فرصه انهم يفكرون ان المدرب هو سبب الخروج من البطوله لوحده لأن الجميع يشترك في الفوز والخساره
اسألك بالله لو الهلال فاز ببطولتين الموسم الماضي ولا خسر بالخمسات ولعب بطولة الصداقه هل بتهتم في البطولة بهذا الاهتمام ؟؟؟
انا من ناحيتي سواء حققنا او لم نحقق بطولات هاذي البطولة ما تهمني كأسها باللهي عليك معقول بطولة دوليه وما يكون الا يوم واحد يفصل بين مباراتين لنفس الفريق مو معقوووووووول
وتحياتي لك يالغالي وشكرا لهدوءك وتفهمك الكبير