#1  
قديم 20/04/2001, 05:56 AM
زعيــم مميــز
تاريخ التسجيل: 11/03/2001
مشاركات: 1,605
يسأل كل واحد يدخل على هذا الموضوع ويقول ليش النفسية زفت؟
اقوله السبب هزيمة الهلال من النصر ولو انها بجهد لاعبيهم وعرقهم كان كنت اول المباركين للنصر بهذا الانجاز و لكن انهم فازوا بمساعدة كبيرة من حكم المباراة .

انا قبل المباراة حاولت اروح لها وما قدرت لظروف, بس قبل المباراة كان عندي بعض العيال متجمعين عندي وقلت لهم وش رايكم نجلس على النت و نشوف المباراة بعد وجهزت كل شي ومبسوطين مرة يوم بدا الهلال يهجم من اول المباراة بس يوم شفنا الحكم متحامل على الهلال عرفنا ان فوز الهلال صعب وبدت اخطاء الحكم الواضحة في الظهور حتى ارتفع ضغطي مثل البلنتي الي ما حسبه و الفاول والكرت المفروض يطلع لان الحارثي (على ما اظن هو المتسبب) كان اخذ كرت احمر لانه حصل على اصفر في الشوط الثاني واصابة الثنيان الي غيرت مجرى اللعب بعد مساعدة الحكم لصالح النصر ويوم جا البلنتي للنصر عرفنا ان المباراة للنصر حتى اني كنت ابكتب في موضوع المباراة مبروك للنصر مقدما بس واحد من العيال رفع معنوياتي وقال لي: تفائلوا بالخير تجدوه , بس وين الخير من الظالم العقيلي وصرنا اذا جا فاول للهلال عند مرماه نبارك لبعضنا بالفاول كنه جا هدف بس كنا نخاف ان الحكم يعطي واحد من الاعبين كرت ,واذا عطى الحكم كرت لواحد من للعبين النصر كرت فرحنا الي يشوفنا يقول هذولا فرحانين بالفوز ببطولة .

يوم انتهت المباراة بالحكم على الهلال بالاعدام من الحكم والاتحاد السعودي (اسف النصراوي) قال لي واحد من العيال ترا النصراويين تلقاهم فرحانين بالفوز كنهم فايزين ببطولة كأس العالم للاندية(الي ان شاء الله الهلال يحققها قولوا آميييين) وكان مرتفع ضغطي مرررررررررررة و مستعد اقتل(اتكلم جد) بس ستر الله وكلم علي واحد من اخوياي النصراويين يبارك لي بالهزيمه تدرون وش صار؟؟؟؟؟
كلمني 47 ثانيه ما قدر يقول كلمه وحده من كثر صراخي حتى من قوة انفعالي مسكوني اثنين من العيال و هدوني وكل ما كلم نصراوي اسوي ها الشي ( بس على خفيف صراخ بس) .

وكمل على يومي التعيس هزيمة افضل فريق اوروبي لي وهو برشلونة امام ليفربول 1-0 من ضربة جزاء (صحيحة ما هيب مثل حقت العقيلي واي تسبب فيها لاعب اقدره وهو كلايفرت).

وانتهى يومي التعيس بالمواضيع الي تبرد وتوسع الصدر في المنتدى العام ومنتدى الجمهور الهلالي .

اسف على الاطاله واعذروني احاول اطلع الي في نفسي علشان انام وانا مرتاح .

شكرا على متابعتكم للموضوع.

  #2  
قديم 20/04/2001, 06:02 AM
زعيــم مميــز
تاريخ التسجيل: 28/01/2001
المكان: الرياض
مشاركات: 1,574
الموضوع حلو بس.......*

مشكور ياأخ فهوووووووودي على الموضوع وصراحه فيه بعض الأشياء الي تصير لكل مشجع وهي الأنفعال ولكن هذا موقع الزعيم الهلالي وليس البرشلوني وانا اعرف انك تشجع برشلونه ولكن من اجل جعل المنتدى اكثر جمالا نتكلم عن الهلال*
  #3  
قديم 20/04/2001, 06:58 AM
زعيــم فعــال
تاريخ التسجيل: 31/03/2001
مشاركات: 258
الأخ ...Fahoode

صباح الخير...

يجب ان نحمد الله على كل شيء...قدر الله وماشاء فعل..

والله انا مثلك....عرفت ان المبارة للنصر...

وانت قلت ( بس يوم شفنا الحكم متحامل على الهلال عرفنا ان فوز الهلال صعب )....الخ

هذه هي ارادة الله

وانشاء الله الفوز للهلال الخميس القادم

قل ان شاء الله

الحمد لله على كل شيء الحمد لله اولا واخيرا..
  #4  
قديم 20/04/2001, 07:37 AM
زعيــم متواصــل
تاريخ التسجيل: 16/02/2001
مشاركات: 126
اخوي فيه مثل يقول
(يوم لك ويوم عليك)
وحنا نباركلهم بالفوز
ونوريهم المبارة الجاية
يا ويلـــــــــــــهم
عشق الكتـــــــــــــــــــابة
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:42 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube