|
ناوي اشتري 6600 الباندا ارجوا المساعدة .....؟؟؟ السلام عليكم ورحمه الله وبركاته نويت إن شاء الله اشتري 6600 الباندا ، وخبرتي في الأجهزة الحديثة قليلة جدا ، وعندي بعض الاسئلة وياليت تتكرمون وتساعدوني جزاكم الله خير ....؟ 1- سعر الجهاز : حصلت السعر بــ1390 ،، والبعض 1400 ريال ،، هل اسعاره كذا والا اقل من كذا 2- بخصوص محتوياته اللي تابعه معه ، ويجي معه ذاكرة بسعة 32 ــ السؤال هل الذاكرة هذي كافيــة لتخزين البرامج وو....إلخ وفيه ذاكره ثانية بسعة 128تشتريها ... 3- وفيه كيفية تركيب البرامج والاشياء الاخرى .... هل لها برامج او شئ اخر 4- البلوتوث ياليت تعطوني فكرة عنه ،، وعن الويفات ،،،، بخصوص التصوير الفيديو مايصور الا 10 ثواني ،، سمعت بالإمكان التصوير اكثر من كذا ...؟ وارجو اني ماطولت عليكم وتقبلو خالص تحياتي |
1- هذا سعره عادى ( على فكرة ترى يوم الاربعاء والخميس والجمعه يرتفع سعره لكثره الطلب وقله العرض ) واذا تبي نصيحتى لاترووح الا يوم الاحد او الاثنين (عشان تلقى اللون الى تبي وباسعار معقوله) 2- يجى معه الشاحن وكرت ذاكرة 32 وسى دى وكتالوج واذا كنت من الناس اللى يحتاجون للكمرة الفديوو يحملون فيديو كليب وويفات وثيمات فانصحك تشترى الذاكرة 128 افضل لكوسعره من 100-130 ريال 3- مافهمت النقطه ذي <<<<<<<<<< غبي شوى :uhoh: 4-البلوتوث هو عباره عن اتصال لاسلكى تقدر من خلاله انك ترسل الويفات والكلبات والمحادثه..الخ والويفات هي عباره عن ملفات صوتيه غالبا ماتكون افضل من amr واصفى وغالبا ماتكون اغنيه هذا شرح الويفات لاكن انا اتوقع انك تقصد الثيمات والثيمات عباره عن ملف تتمكن من خلاله من تغير جميع ايقونات الجهاز (الساعه والبطاريه والصور والخلفيات) وعلى فكرة ترى كثير من الاعضاء يسمون الثيمات ويفات لا التصوير مدته 9 ثوانى وفيه برامج للتصوير المفتوح ( على المساحه المتبقيه في الذاكرة) اتمنى اكون افدتك واذا فيهاى استفسار انا حاضر وبس... |
سكايلان يعطيك الف الف عافية ومشكور ماقصرت بالنسبة للنقطة الثالثة : اقصد كيف اركب البرامج هل لها برامج للنغمات مثل الفيصلية برنامج اللوجو منجر مثلا زي كذا .....؟ بالنسبة للذاكرة هل كافيـــة 32 لأني ماراح اكثر برامج الا محدده والمهمه واللي استخدمها فقــط وطبعا بعض الكليبات وويفات و...إلــخ |
مع احترامي الشديد لكل مالكي جهاز 6600 يصورون معه في ضل وجود الداهيه 7610 |
المرفقات 1 مع احترامى الشديد لك هلالي السويدي الـ 7610 صووور انت معه مع وجود السوني اريكسون p900 ومع وجود سونى اريكسون p910 ونوكيا 7700 وكل هذى الاجهزه صوور معها في ظل وجود الايميت والكويتك وشف الصوووره المرفقه واحكم (الجهاز اللى على اليمين هو الايميت ويسمى في اوروبا xdaII والجهاز الثاني من شركه T Mobile ) والرجال ماقال وشو ازين جهاز (واذا يبي يعرف وشو ازين جهاز يحدد مزنيته وانا اعلمه الجهاز المناسب لها) الرجال سئل اسئله ويبغي الاجابه (وعلى فكرة التقنيه في تطور وكل ما نقوول خلاص هذا الجهاز روووعه ولا فيه ازين منه نزل جهاز ازين بكثير وبعدين ينزل جهاز افضل منهم اثنينهم) واكبر دليل شركه نوكيا نزلت 6600 والناس انهبلوا عليه وقالوا هذا جهاز مافيه افضل منه وبعد مده نزل البيبي باندا (مااتذكر رقم الجهاز) والناس قالت هذا نفس الباندا بس انه افضل بحجمه الصغير وبعد مده نزل 7610 وهذا انت تقول انه افضل من الاجهزه السابقه (6600 ,البيبي باندا) والحين شركه نوكيا اعلنت عن قرب موعد اصدار الجهزين الرائعين 7700 (يعمل باللمس) ,وجهاز مااتذكر رقمه بس انه يجمع شكل الباندا والقرص (شركه نوكيا جعلت هذا الجهاز يستقبل بث شبكه السى ان ان cnn ) وبس....:embarrass |
^ ^ ^ هذاني جالس أصور معه وبالنسبة لأرسال البرامج فمايحتاج له برنامج بس تشبك الوصلة بالكمبيوتر وتختار أرسال الى وترسله وراح يجيك على هيئة رسالة |
اخوى هلالي حبيب 3- لا مايحتاج برامج ولا شئ اذا بغيت ترسل ملف للجوال انت خل الجوال يتصل بالكمبيوتر :D ( عن طريق الاى ار او البلوتوث) وفك الضغط عن الملف واضغط عليه بالزر الايسر للماوس بعدين ارسال الى كمبيوتر مجاور وخلاص يجي الملف للجوال :bluesky: :smilewink وبخصوص كرت الذاكرة خلك على 32 واذا امتلى وصار فل اشتر 128 :blueroll: |
يعطيكم العافية جميعا مشكورين ماقصرتو سكايلان : فيه نغمة ارسلتها طلعت على الاصوات الرقمية ماجت على النغمات ،، كيف أغيرها لكن يجوز تجي الملفات في ذاكرة الهاتف ولا تكون في كرت الذاكرة ....؟ ويعطيك العافية |
عادى مافيه فرق بين الاصوات الرقميه والنغمات هم بس ملفات للترتيب واذا بغيت تخلى ويف او amr نغمه حطهم في احد الملفين وراح تلقاه في الاوضاع عند ضبط النغمه وعلى فكره الجهاز يحفظ اى ملف صوتى وصل للجهاز على الاصوات الرقميه واذا بغيت تنقل الملف من حافظه الى اخرى رح للملف المطلوب واضغط خيارات بعدين نقل الى حافظه اخرى وبعدين اختر الذاكره وبعدين الملف (ذاكره الجهاز مالها دخل في الكرت والكرت ماله دخل في الجهاز ) يعنى الملفات اللى في الجهاز ماراح تكون موجوده في الكرت واللى في الكرت ماراح تكون موجوده في الجهاز واى استفسار انا حاضر وبس..... |
| الوقت المعتمد في المنتدى بتوقيت جرينتش +3.
الوقت الان » 01:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd