16/07/2004, 10:36 PM
|
| زعيــم متواصــل | | تاريخ التسجيل: 10/02/2004
مشاركات: 82
| |
أيام الصبا..........
[ALIGN=CENTER]ياشباب مره من المرات كنت قاعد اتمشى في غرفتي (حشى حديقه الملك فهد مو غرفة)
وقاعد احوس في اغراضي وفجاءه شفت صوره لي يوم اني صغير مال امها داعي واغمى علي شوي
ثم يوم صحيت قعدت اناضر الصورة زين ماش لا زالت مال امها داعي
وانا متأكد ان المصّور يوم صوّر ذيك الصورة استقال عقبها وقال انا تارك اهلي ومغترب عشان أصور ذا الاشكال لا والله اروح لاهلي اصرف ...
بس احلا ما في الموضوع انها ذكرتني بايام الصبا .. ايام ثالث/ ب الله يا الدنيا
ايام السن توب في المخبات اليمين وسندويتش الجبن في المخبات اليسار وبدله الهلال تحت الثوب
والشماغ عاقدته الوالده عشان بدري على ام من جابتك تفكه وايام معك سلف ريال وايام حصه الرياضة اذا جدع الاستاذ الكوره واجتمعنا عليه كلنا واللي يشوفنا من بعيد يحسبنا ناس مجتمعين على حادث
ومن شروط اللعب مافيه مزع الله يا الدنيا ايام اذا جاء فاول فصخت الكندره اليمين مع اني الى الحين ما ادري وش الحكمه من ذيك الحركه
الله يالدنيا ايام اذا جت مباراة في الفسحه وشات واحد الكوره فوق في السماء قالوا كل اللي يناظرون المباره ( هوووووو)
الله يالدنيا ايام اول بلنتي ثاني فاول والمخفات يقولون اول اوت ثاني مرمى الله يالدنيا ايام اذا جيت البيت وانت ملعون جدفك مصفقينك ناس في سادس ابتدائي
الله ياالدنيا ايام التقويه في العصر وايام كان اللي عنده سيكل اربع وعشرين كان كل اللي في الحاره يدقون له تحيه واللي عنده اتاري (( <-- غبااااار )) اللي عنده اتاري ما يتنزل يطلع للشارع يسلم علينا ايام اذا طلعت باالسيكل ورجعت للبيت وعلى ضهرك خط اسود (( وهذا يجي بسبب اذا مريت من عند نقعت مويه فالكفر اللي ورا يرش على ضهرك ))
المهم اذا رجعت للبيت وقابلتك امك الحنونه وشافت اللي على ضهرك وسددت لك خطافيه وانهت المباره بالضربه القاضيه
الله يا الدنيا ايام اذا جاء المطر ايام ما كان فيه تصريف للمياه زي الحين .. كنا نجتمع في وسط الماء واللي يشوفنا يقول وش فرقه الانقاذ عندنا.. نطق لهم باصبع ...
الله يا الدنيا ايام الاختبارات كنا نلعب سبع الحجر وكنا نلعب لعبه البلونات المليانه مويه ونجدّع على ذا السيارات واذا لحقنا ومسكنا نقعد نصيح انواع الصياح مثل :
1- صياح من دون مناشق ( وهذا للمشاكل السهله )
2- صياح بمناشق ( هذا للمشاكل قليله الصعوبه )
3- صياح بمناشق قوي كنه واحد ساحب جلنط ( هذا للمشاكل الخطره )
4 - صياح يشمله نوع من ازرقاق في الوجه ( وهذا يدل على انك رحت وطي )
5- صياح اللي اذا بغيت تتكلم ما قدرت يعني انت تبي تقول مهوب انا ومع الصياح من النوع ذا تلقاك تقول : مب اا وباقي الحروف الله واعلم وين راحن
الله يالدنيا ذيك الايام اللي كنا نشتري فيها كيسه الالعاب اللي فيها الحيوانات البلاستيكيه وكن نحط بيبان من ورق ونلعب فيهم مباراه كانت قمه الوناسه
وكل ما ذكرت ذيك الايام ودي انتحر كنا انواع الدلاخه واللي تلقى معه سلسله في مخباته هذا كان يعتبر زي كوفي عنان الحين الله ذيك الايام ايام المغامرات المخيسه كنا شجعان اطقع ما عندنا العالم وشيء طبيعي ان ما كان ولا واحد منا يذكر اسمه الحقيقي كنا ما نعرف بعض الا بالعيارات
<-- منتب عاقل يا الزير السالم
المهم عقب الذكريات اللي تو قمت وشققت الصوره المهم اني قعدت افكر في بزرانا ذا الايام فوجدت العجب العجاب بزران هالايام يروح للمدرسه وفي مخباته اليمين سي دي والمخبات اليسار سـكـنر ( قويه النصبه ) ولقيت بزرنا هالايام اللي عنده بكيمون وخاصه بيكاتشو زي اللي معه سلسله ذيك الايام ولقيت البزر في وقتنا الحاضر ما يقول معك سلف ريال زي ايامنا لقيته يقول معك سلف ماستر كارد... عادي البنك الامريكي والا الراجحي ما تفرق وتلقى البزر ذا الايام اذا نجح من رابع ابتدائي يقول بابا ابي لكزس وتلقى ابوه يقول لا ... تصرف بنزين واجد وش رايك نشتري لك طياره اف خمسطعش تمشي حالك فيها الين يفرجها الله وتلقى الولد يصيح يقول : لا ابي ترينيدو والا.. بي 52 ...
ولقيت ان بزرانا الحين عكس البزران اول :
اول كان البزر الدب دايم يعيرونه يا الدبي الفيل ياللي كنك رقم خمسه ياللي اذا روشوك اهلك يطلعون بك في الددسن ويخلونك في الحوض ويدورون بك عشان تنشف .. ياللي شكلك من بعيد كنك شارع ما زفلت ياللي شكلك وانت تضحك كنك دوار .. ياللي اذا تثاوبت يصير فمك كنه نفق المعيصم ... وكان الدبي في ذيك الاوقات محدد في الخريطه بسبب ندره الدببه ذيك الايام .
ولكن الحين انعكست الايه فصار النحيف الرشيق هو اللي يعيرونه وهو اللي صار نادر واذا ما صدقتوني ابيكم تدخلون اي فصل ابتدائي وصدقوني انكم راح تحسبون انفسكم داخلين محل اثاث لتفصيل الدولايب والكمودينات
وتلقى النحيف يقولون له رح انت وجهك اللي كنه نقطه زايده في اول السطر .. رح ياللي كنك ضلال مسمار .. ياللي كنك هيكل عضمي حق العلوم ومغطينك بقماش .. ياللي كنك بيكاتشو مسوي رجيم .. ياللي كنك قلم رصاص مبري الين داخ ... ويقولون له انت امك حملت فيك لمده اسبوع وتلقاهم يقولون له اذا لبس ثوب يقولون له انتبه لا يغلط فيك الاستاذ ويحسبك طبشيره .
وتلقا ذا النحيف المسكين يـضـطـر انه يسمن مع ذا الفيله وتلقاه يـظـطـر يروح معهم ويفرمون كل اللي في المطعم .
* الطفوله شيء جميل ولكن في ايامنا كانت كابوس ينتظر المرء الخروج منه فعلى سبيل المثال : انت الحين يومك صغير ورحت لعيال الجيران ولا دروا اهلك انك رايح المهم انك جيت بعد ساعتين وشيء طبيعي اول ما يستقبلونك اهلك بـ بقس وسبلكس خلفي ثم يرقى ابوك فوق الزاويه ويسوي حركه سنوكا ويطب عليك وتدخل امك الحلبه ومعها كرسي الحكم وتدبجه على جبهتك وثم انت تطيح على الارض صريع ويجي الحكم يرفع يدك اول مره وتطيح ويرفعها ثاني مره وتطيح ويرفع يدك ثالث مره ولكن ما تطيح وترفع اصبعك وتقوم ترتجف زي هوق هوقن وتصفقهم كلهم ( ايه هين ) المهم بعد الجلد والمجالد يجون اهلك ويقولون لك وراك ما علمتنا كان ما قلنالك شيء .... والله ما عرفنا لهم اذا قلنا لهم.. قالو لا .. وهم يقولون لو انك قايلنا كان وافقنا .. واذا ما قلت لهم صفقوقك .
ولكن الحين تلقى البزر يرسل لاهله ايميل يقول فيه افلقوني اذا شفتوني قبل الساعه احد عش
وانا اشكر كل واحد قرا الموضوع بتمعن [/ALIGN] |
الوضع العادي
