19/04/2001, 10:59 PM
|
زعيــم متواصــل | | تاريخ التسجيل: 29/11/2000 المكان: الرياض
مشاركات: 105
| |
أخواني الأعضاء
السلام عليكم
قلنا و رددنا الين تشققت حلوقنا
اللاعبين ما يبون المدرب
الجمهور ما يبون المدرب
حنا ما نبي المدرب
حتى فريق السلة بنادي الهلال معترض على سافيت
بصراحة المدرب ما براسه كوره
يقدر أحد يقولي اليوم لعبنا بخطة؟؟
ما فيه خطة
لعب عشوائي
وين الهلال اللي يلعب بتكتيك
وين المثلثات و التمرير السريع
وين الفكرة؟؟؟؟؟
ما فيه ، سوري ، سكيوزمي!!!!!
فيه ثغرة كبيرة بين الدفاع و الوسط
أعطت للنصراويين مساحات يلعبون فيها
و تسبب هذا الوضع بالضغط على الدفاع
كذلك ما فيه كور مرسومه
توليو ، الغامدي ، المسعري
كانوا يميلون للشق الدفاعي
الشلهوب ، لآ مهوب الشلهوب
يبيله يمسك دكة الاحتياط و يراجع مستواه
طبعا واضح إن اللاعبين ما يبون المدرب
و بصراحة المدرب كمخه
كم صار له مع الفريق؟
ما شفنا 90 دقيقة زي الناس!!!!!!!
كله لعب ملخبط و عشوائي
من يوم ما جانا و الفريق مستواه مهزوز
هذا آخر موضوع أكتبه عن المدرب
إذا جت المباراة القادمة و المدرب فيه
منيب شايف المباراة حتى لو فزنا
أتمنى تقولون رايكم بالمدرب بصراحة
و اتركوكم من المجاملات
ولا تحطون السبب باللاعبين انهم ما يتبعون خطة المدرب ولا ينفذون التوجيهات.
لو كانت الخطط و التوجيهات تستاهل كان تبعوها
سلام |