|
اول معلومات حقيقية عن الويننق ايليفن 8 ( تجربة خاصة ) [ALIGN=CENTER]السلام عليكم ورحمة الله وبركاته تحية طيبة وبعد البارح نزل الدوري اليايباني الثامن we8 وانا اشتريته (المكان مجمع الرحاب بالكويت) والحقيقة ان في مميزات كانت متوقعة ولكنها للاسف مو موجودة مثل حكم الراية فانا لعبت 3 مبارايات ولم يظهر ابدا والاسماء ايه يالاسماء الاسماء كانت يابانية ولكنك ممكن تخليها انجليزية بشرط انه يكون عندك اوبشن فايل بالدوري الياباني الاجزاء السابقة . هذي الاسماء وخلصنا منها وانا مستعد اقدم لكم صور للشرح . اما بالنسبة للاندية والاقم فالاطقم صحيحة ميه بالميه ولكن حقت الموسم السابق واسامي المنتخبات والاندية يابانية ولم اتمكن من تغييرها بعد ولكن شعارات الاندية اغلبها صحيح دون الحاجة لـ اوبشن فايل . ناتي للانتقالات الانتقالات غير موجودة عذا انتقالات القديمة مثل ساها وكرستيانو ورييس ولكن من الممكن انك تنقل اللاعبين من طور الايديت دون شراء من الوي شوف والطريقة كالتالي : 1 - ندخل على طور الايديت 2 - نختار الخيار الثاني 3 - سيظهر لك خيارين فرعيين اختر الثاني ومن 4 - اختر نادي اللاعب المنتقل السابق ( يعني اذا بتنقل صامويل اختر روما :) ) 5 - اختر اللاعب المراد نقله ( صامويل ) 6 - اختر النادي المنتقل له اللاعب ( ريال مدريد ) 7 - عندما تدخل المباراة اختر فور ميشن ( الخطة ) الخيار الثاني وبتلاقي اللاعب المنقول بالاحتياط دخلة اساسي وخلاص :) . شباب كان ودي انني ارفق صور بس موقع الرفع عندي اكسبايرد :( يلاا شباب ابي اسئلتكم وردودكم وانا مستعد اشرح اي شرح تبون وياريت من الاخ داحمتوتا يساعدني بالموضوع لترجمة القوائم .[/ALIGN] |
هلا اخوي ومبروك انك شريته عقابلنا .. ابيك تعطيني كيف الويينج يعني وش قرارات الحكم وكيف فرحة اللاعبين وكيف يكون التسلل ..؟؟ واشياء اخرى شفتها قلها لنا .. تحياتي ومبروك مره ثانيه :) |
هلا والله اخوي الفرحان كيف حالك انشالله مبسوط اخوي قرارات الحكم قلت شوي يعني ماقام يحسب فاولات نفس الاول فرحة اللاعبين في كم وحدة جديدة مثل فرناندو توريس وفي حاجة ثانية ان المينيو اصبح مغاير تماماً (المينيو الاساسي ) وايضا اذا جاك فاول تجيك صورة في الاعلى ما اذا كانت ضؤبة حرة مباشرة او غير مباشرة . اطقم و اعلام الاندية الانجليزية ليست صحيحة . قبل نهاية الشوط بقليل تظهر ايقونة تظهرلك الوقت البدل الضائع . اضافة طريقة تسديد ضربات الجزاء لفيقو( يقرب من الكرة ثم يقف ثم يسدد. بس في شي واحد قاهرني ان الموضوع اطلع عليه مية واحد وبس واحدة اللي رد :( |
مشكور اخوي بخير دامنا شفناك حبيبي ,, ونبغاك تعطينا اكثر واكثر نبي نعرف كل شيء شفته ,, عشان نحس بتشويق اكثر ,, تصدق اني متحمس بقوه عشان اشتريه وادور على كل المحلات بس للاسف ما نزل ويقولون انه بينزل العصر اليوم يا رب ينزل ,, عطنا المزيد وانا اخوك ,, ومشكور مره ثانيه يعطيك الف عافيه ,, |
مشكووووور واخوي وما قصرت على هذي المعلومات وانا محمد من الكويت شريت الشريط بس ديربالك اترى سي دي مو ديفيدي علشان جذي اهو ناقص ما يطلع كل مقاطع الفيديو الموجوده بالشريط لأن انا لعبت نسختين نسخه يطلع فيها التبديل للاعبين ونسخه ما يطلع فيها التبديل ونفس الحال ل جالة التسلل ومشكوووور مره ثانيه وارجو اني اكون فتك بالموضوع هذا اخوكم hamood_84 |
مشكوووور و ما قصرررت ,,,, |
اخوي ,,,,,, احذف الاوبشن من الميموري كارد كله ,,,,, او العب بالشريط بدون ميموري كارد وشوف اللعب مره ثانية ,,,,,, لان يمكن من الاوبشن القديم جرب |
عندي سؤال ,, شلون اشغل الاوبشين فايل مال WE7 للثامن ؟ وما الذي سيتغير في حال تشغيل الاوبشين فايل للسابع ؟ اتمنى الشرح بالصور وبالنسبة لأطقم الدور الانجليزي بصراحه شئ يضيق الخلق ,, اللبس شكله من عصر الجاهليه ! ماكو اعلانات على القميص والالوان خرطي :( شنو الحل !!!!!!!!!؟؟؟؟؟؟؟؟؟؟؟؟؟ واتمنى تشرحون قائمة الماستر ليغ ,, اذا تقدرون |
| الوقت المعتمد في المنتدى بتوقيت جرينتش +3.
الوقت الان » 02:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd