#1  
قديم 04/08/2004, 04:38 PM
الصورة الرمزية الخاصة بـ The Danger
مشرف سابق بمنتدى الرياضة العربيه والعالمية
تاريخ التسجيل: 23/10/2001
المكان: Riyadh
مشاركات: 2,423
..:| اســـــأل الأعـــــمـــــى |:..

[ALIGN=CENTER]



اسأل الأعمى .. ان كان في نومه يشوف
ليه يصحى ؟!
واسأل اللي ما درت عنه الهموم
اللي درى ان العمر محدود
وان الفرح مهما اختفي .. موجود
اسأله ليه ينوم ؟
وان جاوبوك اسألني ليه حنـّا افترقنا

يا صاحبي مابه سبب لفراقنا
غير اننا جينا بزمن ماهو زمنا
ياصاحبي مابه سبب لفراقنا
غير اننا في حبنا عشنا الصدق
وفي وقتنا وشهو الصدق
في وقتنا لجل اللقاء تكذب
ولجل تاصل ماتبي تكذب
ياصاحبي خذها من جرحي نصيحه
كانك تبي تاصل ؟ اكذب .. اكذب .. اكذب
الصدق في وقتنا اصبح فضيحه
في وقتنا دايم تهيم في شي ماتعرف مداه
دايم تهيم فلي بعد عن سكتك
واللي زهد في محبتك
واللي فـ يدك ومتحمل جروحك معك
ما يهمك تنساه
ولو تقتله ما يؤلمك وبقدامك تاطاء على دماه

يا صاحبي وقتنا في اوله ضيّعنا أولى القبلتين
وفي آخرة الله اعلم وش بيبقي
في وقتنا صار الغدر شي ٍ عظيم
والوفا ماظنتي ان كان بتدور بتلقى
يا صاحبي في وقتنا أطول مسافة ممكنه
تمشيها بين النقطتين
الخط المستقيم


يا صاحبي في وقتنا وقت الألم
من يسمعك مهما حكيت
من ينصفك مهما شكيت
منهو اللي ما يضحك إذا ذلتك دنياك وبكيت
يا صاحبي في وقتنا
ما للمشاعر ناس
يا صاحبي في وقتنا لبعض القلوب إحساس
يا صاحبي في وقتنا وقت الكلام
وقل الفعل .. لامات احد وانتقل لعلى رفيق
من طيبنا نحزن عليه
نصلي عليه
ناصل معه للمقبرة
وفي المقبرة غير الدعاء وقولت الله يرحمه
مابه كلام .. وندفنه .. ولا دفناه نبكي
بدون دموع أو بدموع
المهم بعد ما نبكي نتركه ونروح
وتلقانا نقول مسكين يا فلان مسكين
من دنيتك وش اللي خذيت ؟
وبعد باب المقبرة بشبرين
واقل من الدقيقة لامن دخل فينا الزحام
من طيبنا نضحك ونسمع أغنية
لجل نتسلى في الطريق بين المقبرة والبيت
يا ربي سبحانك ياللي تجير من العذاب
قلوبنا وش صابها ؟
في وقت غدا بين الحياة والموت
وبين البكاء والضحك
شبرين ودقيقه وباب
ويديننا اللي قد حثت في وجه ميتنا التراب
هي نفسها اللى بعد شبرين واقل من الدقيقة
اختارت شريط وحطته لجل تقتل طول المسافة
بين المقبرة والبيت

يا صاحبي في وقتنا احسن كثير
من بعضنا
في المقبره على الاقل ميت وندري
المشكلة متنا وإلى الحين ماندري
يا صاحبي في وقتنا ضاع احترام الموت
في وقتنا حكينا ما أكثره
وللأسف كل الحكي من غير صوت
وان كان به فم ٍ صدق
واسمحوا يحكي بصوت .. ما نسمعه

ياصاحبي قدامنا كان اختيارين
يا نجاري وقتنا ونكذب ونخدع نفسنا
يا نفترق .. لان الفراق في وقتنا
هو الصدق .. افترقنا
يا صاحبي كانك تشك في صدق أسباب الفراق
دور لك اعمي وإذا صحى اسأله
ان كان في نومه يشوف ليه صحي
وليه افترقنا ؟؟!


قلم الشاعر / عبدالرحمن بن مساعد



# ألقى الشاعر هذه القصيدة لأول مرة في أمسية البحرين عام 1995م ،كما ألقاها في أمسية جدة 2000م
[/ALIGN]
اضافة رد مع اقتباس
  #2  
قديم 04/08/2004, 04:40 PM
زعيــم مميــز
تاريخ التسجيل: 20/03/2004
المكان: ::: الــريــاض:::
مشاركات: 2,936
[ALIGN=CENTER]مشكور اخوي على نقل هالقصيدة الرائعة للشاعر الامير عبدالرحمن بن مساعد المتألق دائما بكلماته الرقيقة[/ALIGN]
اضافة رد مع اقتباس
  #3  
قديم 04/08/2004, 04:43 PM
زعيــم مميــز
تاريخ التسجيل: 11/03/2003
المكان: الريــــــــاض
مشاركات: 3,319
بن مساعد , شاعر كبير جداً , و مـــدرسة في الشعر ...

في إعتقادي أن الأسلوب و التشبيهات في هذه القصيدة ظلمت بموضوع القصيدة المكرر ..
اضافة رد مع اقتباس
  #4  
قديم 04/08/2004, 05:14 PM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
الـحـاتـمــي ..


مــر مــن هـــنــــا ...



ويـقـول : اختيار موفّق من The Danger للأمير الشاعر / عبدالرحمن بن مساعد ;)


و نحن دوما بانتظار مواضيعك يا ملك التصميمات
اضافة رد مع اقتباس
  #5  
قديم 04/08/2004, 06:11 PM
زعيــم مميــز
تاريخ التسجيل: 22/04/2002
المكان: مثلث برمودا
مشاركات: 4,456
السلام عليكم ,.,,,
فعلاً قصيده رائعه لسمو الأمير ,,, وفعلا ,,, ما فيه شعراء يدخلون قاموسي غيره ..;)
ولا أنسى أيضا أشكرك ,,, على قوله الحاتمي ( ملك التصميمات) ... شكراً لك الخطير والى الأمام يا مبدع;)
اضافة رد مع اقتباس
  #6  
قديم 04/08/2004, 06:47 PM
زعيــم متألــق
تاريخ التسجيل: 16/04/2003
مشاركات: 1,316
إحدى روائع ملك الشعر عبدالرحمن بن مساعد

سلمت يداك على هذا الإختيار
اضافة رد مع اقتباس
  #7  
قديم 05/08/2004, 01:26 AM
الصورة الرمزية الخاصة بـ Z3eeM_Dc
مشرف سابق بمنتدى الجمهور الهلالي
تاريخ التسجيل: 26/01/2004
المكان: شبكة الزعيم
مشاركات: 6,042
إقتباس
إقتباس من مشاركة asheqalreem

[ALIGN=CENTER]مشكور اخوي على نقل هالقصيدة الرائعة للشاعر الامير عبدالرحمن بن مساعد المتألق دائما بكلماته الرقيقة[/ALIGN]

اضافة رد مع اقتباس
  #8  
قديم 05/08/2004, 01:42 AM
نبض المجلس العام
وعضو سابق باللجنه الإعلامية
تاريخ التسجيل: 29/08/2001
المكان: بين أوراق مبعثره ..
مشاركات: 2,732
[ALIGN=CENTER]اختيار رائع اخوي ذا دينجر ..

عبدالرحمن بن مساعد ..
الشاعر الانسان ..
الذي وصف نفسه بالفقير في حين ان غيره يحسده ..

كلماتٌ تصل بعذوبتها الى الجميع ..
جسد عدة معاني في هذه القصيدة المذهله ..


اكرر شكري لك .. على روعة الانتقاء ..
[/ALIGN]
اضافة رد مع اقتباس
  #9  
قديم 05/08/2004, 03:01 AM
زعيــم متألــق
تاريخ التسجيل: 09/04/2004
المكان: وسط البيت الازرق _ الرياض
مشاركات: 1,025
مشكور اخوي على الاختيار الجميل لقصيدة

الشاعر عبدالرحمن بن مساعد قصيدة في غايت الجمال
اضافة رد مع اقتباس
  #10  
قديم 05/08/2004, 11:58 AM
زعيــم مميــز
تاريخ التسجيل: 02/12/2001
المكان: نادى الهلال
مشاركات: 2,420

[ALIGN=LEFT][/ALIGN]
شكراً لك عزيزي على نقلك لهذه القصيده الجميله بمعانيها
عبدالرحمن بن مساعد شاعر غني عن التعريف

إقتباس
في وقتنا لجل اللقاء تكذب
ولجل تاصل ماتبي تكذب
ياصاحبي خذها من جرحي نصيحه
كانك تبي تاصل ؟ اكذب .. اكذب .. اكذب
الصدق في وقتنا اصبح فضيحه

فعلاً هذا واقعنا المرير



اضافة رد مع اقتباس
  #11  
قديم 05/08/2004, 12:47 PM
ميسو
تاريخ التسجيل: 22/06/2002
المكان: حيث أنا ..
مشاركات: 7,243
اخوي ذا دانجر إختيار رائع لشاعر أروع أجبر الجميع على متابعة اشعاره التي تنبض بالعذوبة ,
فلك كل الشكر
اضافة رد مع اقتباس
  #12  
قديم 05/08/2004, 02:28 PM
الصورة الرمزية الخاصة بـ منادي
عضو إدارة الموقع الرسمي لنادي الهلال
تاريخ التسجيل: 07/03/2001
المكان: الرياض
مشاركات: 5,452
[ALIGN=CENTER]
إقتباس
[ALIGN=CENTER]يا صاحبي في وقتنا وقت الألم
من يسمعك مهما حكيت
من ينصفك مهما شكيت
منهو اللي ما يضحك إذا ذلتك دنياك وبكيت[/ALIGN]

ما أروعها من كلمات , كيف لا وقد صاغها شاعر الانسانية ونبض الشوارع الامير الشاعر عبدالرحمن بن مساعد , ذلك الإنسان الذي أجبر الجميع على إحترامه بأخلاقه العالية وتواضعه الجم ,,,

فلله دره من شاعر ,,,

إختيار أكثر من رائع أخوي The Danger ,,,[/ALIGN]
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:52 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube