السلام عليكم ورحمة الله وبركاته // مساء الخير
هذه مجموعه من قصائدي - مكتوبه بالطريقه الحديثه - واتمنى ان تنال رضاكم //
مع ملاحظة ان جميعها تجارب شعريه عاطفيه وهي من نسج الخيال - ولاتعكس واقع اعيشه او عشته ! -
ــــــــــــــــــــــــــــــــ
تاكسي !
· كنت اناظر في المرايا ..
· وكانت واقفه ورايا ..
· قمره من كادي النور يحفّها ..
· بعيونها تنادي وتلوّح بكفّها ..
· مدري لمين لكن تنتظر تاكسي !!
· رجعت ريوس وفي نفسي اسلم لها نفسي ..
· وكانت سرعة النبض ميتين ..
· وقفت يمّها وشفت صورتي في احلى عين ..
· وسافرت لحظه في دنيا غير ..
· لمّا رفرف قلبي واوشك يطير ..
· قرّبت مني اكثر ..
· جنوني صار اكبر ..
· يوم اتكلمت والعسل قطّر من لبّها ..
· اقسمت لها بربّها ..
· الاّ اوصلك ابّلاش !
· قالت / عاش ..
· ومتّ انا في حبّها ..
.
.
.
.
.
.
.
.
.
.
.
.
.
.
.
· وابتدا المشوار !!
ــــــــــــــــــــــــــــــــ
كيلو حُب
· اعطيني من فيض حبك كيلو حُب ..
· بس كيلو ..
· خلي حبيبك يبتسم والحياه تغنيلو ..
· والثمن ..
. بيسلمك قلبه طول الزمن ..
· ويهديك اللي مضى من عمره ..
· واللي بقيلو ..
ــــــــــــــــــــــــــــــــ
صباح الخير
· لو بيني وبينك مسافة الف ميل ..
· لا تقولي نسيتك مستحيل ..
. ومو معقول ابد يصير ..
· انا اشوفك على خد القمر في الليل ..
· وفي شمس الصباح ..
· تقولي صباح الخير ..!
ــــــــــــــــــــــــــــــــ
هروب - فصحى -
· يهرب قلبي مني ولاتسأليني لماذا ..
· يعدو اليك سريعا ويتخذك ملاذا ..
· اكاتبه ..
· اعاتبه ..
· يجيب بأن ياهذا ..
· لاتسألني .. واسأل الاخّاذا ..!
ــــــــــــــــــــــــــــــــ
زعل !
· لمّا تزعل تقول /
· اووف عليك زعّلتني ..
· لو كنت تحب من جوّا الروح ..
· كان في عينك شلتني ..
· وتأخذ الورده من ايدي وتروح ..
· تغيب لحظه .. وترد تقول وحشتني ..
· اقول لها / وانتي اكثر ..
· تهديني ورده / اكبر !!
ــــــــــــــــــــــــــــــــ
لمسه ايديكي !
· ياحلوتي ..
· يا .....
· يا .....
· ياللي انعم من الحرير ..
· ياما لامست ايادي ..
· بس لمست ايديكي غير ..
· لمّا اسلّم عليكي ..
· واقبّل صوابع ايديكي ..
· احس ان قلبي بخير ..
· يا .....
· يا .....
· ياحبي الاول والاخير !!
ــــــــــــــــــــــــــــــــ
اسمي !!
· اسمي الاول عاشق ..
· واسمك الاول في كل البطايق ..
· هو اسمي الثاني ..
· كذا الاسم رايق ..
· وقلبي معي كل الثواني ..
ــــــــــــــــــــــــــــــــ
الخبط الحروف
· اكتب اسمك عالورق ..
· والخبط الحروف .. يطلع اسمك ..
· الخبط الحروف .. يطلع برضوا اسمك ..
· اكتب اسمي يَمّ اسمك والخبط الحروف ..
· يطلع احبك ..!
ــــــــــــــــــــــــــــــــ
لك القلب مال
· فيكي منتهى الجمال ..
· يا اروع ماشافت العين ..
· لكي القلب مال ..
· ولاجلك سكنت الحنين ..
· ياحسن القمر ..
· ياعطر الزهر ..
· ياثواني العمر ..
· يالسنين !!
· لو تغيبي لحظه بس ..
· تسألني حواسّي الخمس ..
· انتي فين ؟!
ــــــــــــــــــــــــــــــــ
اندلسي - فصحى -
· ارى فيك سحر اندلس ..
· كانت قديما جنة الارضِ ..
· اراكي جمالها .. اسرارها ..
· صباحها الذي يمضي ..
· اراكي اشجارها .. ازهارها ..
· طولها والعرضِ ..
· ومالي ان رأيتك هكذا ؟
· ومالي لو سكنتي غمضي ؟
· ومالي ان قُدّر لنا ..
· ان بعضنا من بعضِ ؟
· يا غاليتي انتي انا ..
· فخذي منّي حتى ترضي ..
ــــــــــــــــــــــــــــــــ
عالشاطئ !
· جتني من بعيد وبأيديها ورده ..
· كانت تحلم تهديني ..
· خذتها الريح من ايديها ..
· خذت الورده ..
· قبل ماتلامس ايديني ..
· ورمتها في البحر الوسيع ..
· شفت الحزن في عينيها ..
· قلت / لا تحزني هي ورده .. هي وحده ..
· وانتي كل الربيع ..
ــــــــــــــــــــــــــــــــ
لكم التحيه ولاحُرمنا نقدكم البناء ..
ديوان // ( تاكسي ! ) 
الوضع العادي
