بما أن كل واحد قال ما بخاطره .. وكل واحد قام يتفلسف ومسوي فيها يفهم
وبما ان كل واحد قاعد على كيفه يفسر سبب كتابة الموضوع.. فانا بقول السبب الرئيسي اللي فعلا كتبت من أجله الموضوع,, السبب نفسي بحت يعني أنا كنت أبي أعرف هل أغلب الجمهورعاطفي ـ عقلاني ـ محايد أم ماذا وكان (المفروض) هذا الشي يبين من الردود يعني كل واحد يقول وش يسوي لو انتقل سامي كما ذكرت بالموضوع ... واخترت سامي بالذات لأنه أكثر لاعب له شعبيه وعاطفة الجمهور له أكثر من غيره فراح يبـين بوضوح اذا الجمهور يطيع عاطفته أكثرأو يكون عقلاني أو محايد ... وهذا الهدف من الموضوع ,أنا متأكده ان عدد محدود راح يفهمون هالكلام ... أما البقيه راح يستهترون فيه لانهم مو بفاهمين السالفه أصلا.. بس أنا سويت اللي علي وأوضحت السبب

[ALIGN=CENTER]مساء الخير او صباح الخير ياسندريلا الزعيم

الحقيقة أنه صارلي فترة ما دخلت الشبكة وكان ودي ادخل احصل أخبار حلوة عن المدرب
أو لاعب المحور القادم مثل ما يأكدون الأخوان وحين ما حصلت اخبار قلت يالله اتسلى
واقراء بعض المواضيع طبعاً الموضوع اللي أفتحه لازم يكون ردوده كثير لأنه لابد يكون
فيه ردود توسع الخاطر وبالفعل وجدت ما توقعت واتمنى انك أنتى بعد توسعي خاطرك
ولا تعصبي واجد ,,

ورغم إنك كررتي كلمة لو ومستحيل ومو معقول لكن أعتقد ان الأغلبية ما قروا الموضوع
لذلك اتت ردودهم مضحكة بالنسبة لي ,,

واسمحي لي أن اسجل لك وجهة نظري:
تقولين لو انتقل قبل اربع سنوات أي بقمة مستواه طبعاً سيكون الأمر صعباً لكني سأبقى محباً للزعيم
حتى يداري عظمي الثرا سأبقى محباً للشعار ولا غير الشعار الذي يتخذ من روعة السماء وعنفوان البحر جمالاً سأبقى محباً لزعيم اسقانا كؤوس الفرح حتى ارتوينا سابقى محباً لراياتٍ زرقاء ترفرف
واكف تتعانق لتحمل الذهب ذهب المجد والتفوق سابقى محباً للهلال وجماهيره وعجباً كيف انسى
مشاهد الفرح التي عشناها مع كل بطولة تلك هي ذكرياتي وحاظري ومستقبلي كيف انساها هي جزء مني كيف أنسى الهلال ,من أجل إنتقال لاعب عجباً مرة أخرى كيف تسألين وا أوخية ؟؟

[HR][/ALIGN]

إقتباس إقتباس من مشاركة فطين ياالله حي سندريلا.. انا اشوفك وانتي تحكين خايفه من ردة الفعل مثل قولك ان سامي ما يفكر يسويها ... الخ. انا اشوف ان كان سامي جاه عرض قوي بيفيده ويفيد الهلال فا من ابسط حقوقه انه يروح بس واهم شي يكون صريح مع النادي وهذا سبب كره بعض الناس للعويران يوم راح ولا حتى قال للنادي شي .. مع انه ايضا من ابسط حقوقه.. في هذه الحاله انا اقول يبقى سامي شخص نحبه ولكن التشجيع يبقى فقط للزعيم اما لغيره لاااا. يمكن اكرهه اذا لعب ضدنا وبدع ______________________ اما الاخوان اللي سبقوني بالردود مع كل احترامي لكم انا من رأيي انه مو من حقكم تصنفون المقصد من الموضوع والكل عقله في راسه واللي يبي يرد يرد..

إقتباس إقتباس من مشاركة الشمري هلالي هي منهي الي تكلم عن سامي انتي ام المواعين الله الله بتنظيف الزين واتركي سامي عنك والله عالم غريبه

إقتباس إقتباس من مشاركة صمت السكوت [ALIGN=CENTER]يظل سامي مجرد لاعب من لاعبي الهلال . لا يهتز الهلال بذهابه أو بقائه . ومن يرى سامي أعظم من تاريخ الهلال فلا يستحق أن يكون هلالياً . سامي انتهى عصره وعلينا أن نقتنع بذلك . تحياتي . لكل من يعصب من هذا الرد أقول هذي وجهة نظري ولا تزعل .[/ALIGN]

ما أقول غير صح لسانك
أما للأخت / سندريلا
فأنت تخاطبين شعوب عالم ثالث
يعني إن لم تكن معي فأنت ضدي
منتدى الزعيم قلناها من زمان أصبح منتدى (مدمي الشباك) يبدو لي بأن هناك توئمه أو إندماج.

عسى ما يقول أحد شيئ في سامي إلا وطاروا في حلقك مثل قشر الفصفص

شخصياً قرأت الموظوع بتمعن وأنا كنت ومازلت مع الهلال الزعيم
راح نجوم جاء نجوم مع الهلال على طول الخط
راح سامي جاء غير سامي مع الهلال على طول الخط

وما عليك من ها الغوغائيين (معهم معهم , عليهم عليهم)

الأخ عطشان اسمع يانهر : أنا ماقيمت الناس على كيفي أو من الهوا أنا قيمتهم من الردوداللي مالها أي صله بالموضوع اللي تدل ان بعض أصحاب هالردود عقليتهم الله بالخير واكبر دليل شف الأخ دقدي دقدا اللي تحتك وش كاتب .. بالله هذا أسلوب؟؟
رده سخيف يحسب نفسه أفحمني!! بعدين أخوي تتهمني بالدكتاتوريه طيب أنا موضوعي عباره عن سؤال يحتاج جواب مو برأي يعني مافيه تأييد ومعارضه..مثل ما أنتوا خليتوه .. بعدين أخوي انت تبيني أرد بدون تجريح!! طيب شف نفسك بالأول ..يعني انت يوم هاجمتني فردك الأول ماقلت عنك
( تهذي بما لاتدري )؟؟ مع ان هذا اللي كان صاير.
بس أحييك عالملاحظه وردك خربه بس كلمة تهذين بما لا تدرين

أشكر الإخوان :bluefair5 ـ عاشق الفيلسوف ـ مخلص للهلال ... يعطيكم ألف عافيه .

السلام عليكم ورحمة الله وبركاته...

أنا في رأيي الهدف من الموضوع بالنسبة لك تحقق.. وإلا أنا وكثير غيري قبل كذا ما كانوا يعرفون مين سندريلا الزعيم...

ونصيحة، أشوف أنه كان من الأفضل أنك رديتي رد مرتب تدافعين به عن موضوعك والهدف منه بدون عصبية وسب واتهام للناس بمحدودية العقل والتخلف، وإنهم كلهم قاموا يتفلسفون ومسوين فاهمين، هل يعني تحاولين تضعين قانون أنه أنتي الوحيدة اللي تفهمين أو كيف؟ وأن تترفعي عن اللي أخطأوا عليك ولا تعممين على الكل، فيبدو أنك لم تقرأي كل الردود لكن أغلبها، وإذا كنت قرأتيها كلها وكان هذا ردك فهذه مشكلة... لكن صدق من قال إن لم تكن معي، فأنت ضدي، فكل اللي مدحوك وقالوا أنتي أحسن وحدة -وهو من حقهم طبعا- شكرتيهم وقلتي أنهم فاهمين، أما من خالفك لو بشكل بسيط -وأرى أنه من حقهم برضه- أصبح متخلف ومحدود العقل ومسوي فاهم ولم تذكريه في أي شكر لك، وهذا معناه أن لديك مشكلة في التواصل والنقاش ولا تؤمنين بحرية الرأي،أو أنك بدأتي بداية سيئة وتورطتي وأنك لم تحسبي لهذه الردود أي حساب....
وإذا كان الهدف من الموضوع الحصول على إجابة نعم أو لا بدون إبداء رأي كان حددتي من الأول أو على الأقل برد بسيط، وبدون توزيع للإتهامات...

ولمجرد العلم والإستفادة، فاللي أظن أنك تقصدي تسمى هوليوود، وليس هيليود..

مع خالص التحية،
طارق

انا قرأت موضوع الأخت اكثر من مره، ابي اعرف وين غلطت ما لقيت!!

ولا هذي العقليه الي صارت غالبه على المنتدى الأيام هذي ؟؟؟

وما عندكم غير لا تتكلم على سامي، وسامي حبيبي!!!!


اذا تبون مجاملات لسامي روحوا منتداه، لكن هنا نتكلم عن الهلال، وسامي مثل اي لاعب ينتقد لما يغلط او ينزل مستواه.


وانا شخصيا اشوف سامي يا ليت يعتزل، الموسم الي فات بين انه انتهى.

والي يزعل يزعل والله يستر عليه بعد
الله يعينكم على تفكيركم بس .

كل الاعبين الي مرو على الهلال لهم قدرهم وانجازتهم تدل على ذلك ،،،

لكن الحق يقال لم ينجب الهلال مثل سامي وانظروا الى البطولات التي كان سبب رئيسي في احرازها ويكفيكم أن سامي هو الهداف الأول لزعيم الأندية الآسيوية ,,,

سامي هو الافضل ،،
((((((((((( الي مايحب سامي مايحب الهلال ))))))))))))))))))
((((((((((( او بالأصح ناكر جميـــــــــــــــــل)))))))))))))))))))

حبي لكل من هو هلالي يبقى بسبب حبي الاساسي للهلال ..

خميس العويران رغم انني لست من جماهيره .. لا زلت اقدره واحترمه واتمنى عودته للهلال ولم احب الاتحاد ولو لدقيقة واحدة !!

حبي لسامي كشخص وكلاعب هلالي لن يختلف قيد انملة .. فهذه لعنة الاحتراف ولابد ان نتعامل معها بعقل ..

اما حبي للهلال صراحة ... بدون عقل

موضوع جيد ولكن اعتقد كان لابد من التعامل معه بأسلوب افضل من قبل الاعضاء المحترمين وايضا طرح الموضوع كان بحاجة " من وجهة نظري " الى شيء من الهدوء والبعد عن الاثارة

تحياتي

سندريلا الزعيم...
بغض النظر عن اختلافي معك..لكن ان كنت اللي في بالي..فالاعتراف بالحق فضيلة...بحق...انت من اذكى من شاهدت..

ماجد الشرقيه - 2 و مخلص الهلال صح لسانكم
الهلال كيان سيبقى ويستمر انشالله
ذهب النعيمه وذهب الثنيان وذهب المصيبيح وذهب ......... الكثيرون وبقي الهلال شامخ
وبقي زعيم الانديه وبقي زعييم آسيا
لو هبط الهلال للدرجه الاولى سأبقى محب للهلال
لو هبط الهلال للدرجه الثانيه سأبقى عاشق للموج الازرق
لو هبط الهلال لدوري المناطق سأبقى وفي للزعيم
يجب على الجميع ان يدرك لكل زمان له رجاله
سامي لم ينته ولكنه على وشك الانتهاء
تحياتي للجميع

إقتباس إقتباس من مشاركة falconza موضوع يستاهل التثبيت .. ! ولكن ليس هنا .. بل في منتدى المحذوفات .. ! وطبعاً .. ليس بسبب ان الموضوع عن سامي .. ! ولكن بسبب أن هذه النوعية من المواضيع أصبحت .. وسيلة [ رخيصة ] .. و [ سهلة ] .. للبحث عن ردود .. ! وأصبحنا نراها بكثرة .. لدرجة [ الغثيان ] .. للأسف الشديد .. فعلى الرغم من ابتعاد لاعبي الفريق الأول وفي مقدمتهم سامي .. عن الإعلام .. في فترة الركود الحالية .. ! إلا أن البعض تخلى عن مشقة البحث والعناء .. لطرح موضوع يخدم المنتدى والهلال .. في الفترة الحرجة الحالية .. !! وفضل الخوض في [ المواضيع التسويقية البالية ] .. !

8
8
8
صدقت عزيزي في كل كلمه كتبتها وماقول إلا تسلم يدك

اما إنتي ياسندريلا الزعيم احييك على موضوعك التافه جدا وافكارك المراهقه

انا احب سامي ولا اجد حرجا في انتقاده ولكن حبي للهلال اكبر من سامي ومن جميع من لعب للزعيم

ولكن مادعاني للرد عليك موضوعك اللي بكل صراحه ماصخ وماله داعي ولا عندنا استعداد نحلم

احلام يقظه لأننا نعيش الواقع

والواقع يقول ان نقف مع الهلال وادارتة ونأزرهم ونشد على ايديهم وننتقدهم نقد بناء وهادف إذا كان

في مصلحة الزعيم لا ان نحلم ونتخيل ؟؟؟