افسح المجال لغيرك ياسامي؟؟؟؟؟؟؟؟؟؟؟؟ - نادي الهلال السعودي - شبكة الزعيم

المفهي · #1 23/07/2004, 04:38 AM

السلام عليكم ورحمة الله وبركاته

سامي اقولها لك وبكل صراحه انت لاتفيد الفريق حاليا فافسح المجال لغيرك انا ماكتبت عن سامي عشان اشتهر قد يقول البعض : صالح النعيمه صالح متى اعتزل الكوره يوم انه في عز تالقه وسامي الحين وش فاد الهلال في الموسم الماضي كلها على دكة الاحتياط او يسوي اعلانات

هذا راي من اعتقد ان سامي ليس قادرا على العطاء وانا ارى اانا ان يتم تنسيق كل من

عبدالله سليمان ,فهد المفرج الخثران احمد خليل بندر المطيري

* دحومي* · #2 23/07/2004, 04:57 AM

هاذي وجهت نضرك انت القريبه بس اسمحلي اقولك ان سامي قادر على العطاء3 سنوات قادمه ليه حسام حسن افظل من سامي يكفي اشادة المدرب البرازيلي اوسكار

شرشبيل · #3 23/07/2004, 05:20 AM

هذي الآراء اللي تفقع الكبد ...
الحين سامي انتهى

...
والله لو تبيني احلف ان المنتخب ودهم يرجعونه بس مستحين من الناس والإعلام ...

شف شكل المنتخب وش صار بعد سامي وبعدين تعال كلمني ...

للأسف احياناً احس ان البعض بس يبي يكتب اي شي ولو على حساب استفزاز الغير ...

كايدهم · #4 23/07/2004, 06:05 AM

حيا الله شرشبيل

.

وش تسوي وانا اخوك فيه ناس يـبون يكتبون وتجيهم ردود بأي وسيله ..

فمالهم الا سامي لشـعبـيته وجماهيريته ..

وياسعد نواف بن فيصل وفاندرليم بضم سامي لبطولة آسيا .

أبوسياف · #5 23/07/2004, 07:35 AM

إقتباس


	إقتباس من مشاركة * دحومي* هاذي وجهت نضرك انت القريبه بس اسمحلي اقولك ان سامي قادر على العطاء3 سنوات قادمه ليه حسام حسن افظل من سامي يكفي اشادة المدرب البرازيلي اوسكار

قسم بالله ماعندك ماعند جدتي سامي هو لوفادنا في الموسم الماضي كان قلنا قادر على العطاء لـ3سنوات
اعيد النظر في كلامك الله يجزاك بالخير
تقبلوا تحياتي

ابو يعقوب وبس · #6 23/07/2004, 08:32 AM

انظر إلى توقيعك ؟؟

ناظرته زين ؟؟

تعتقد أجل نواف هو اللي أفادنا ؟؟ ويبي يفيدنا ؟؟

مشكلة بعض الأعضاء يكرر مثل الطائر اللي انت خابر !

غايب حبيبي · #7 23/07/2004, 09:22 AM

كلام اعتقد انه صحيح
لان زمان سامي راح وانتهي وقدم لنا بطولات رائعه جدا
لكن الان جاء شباب جديد من الهلال لازم نهتم فيهم

bestuser · #8 23/07/2004, 10:05 AM

[ALIGN=CENTER]مشكلة بعض الجماهير العقيمة.. لا تعرف مدى أهمية وجود الخبرة ..!

المنتخب طالبوا بأبعاد الجابر .. وأفسحوا المجال لجميع المتردية والنطيحة ..

ومنتخبهم لا يشفع لهم .. وأكاد أجزم لك أنهم يودّون لو سامي لم يعتزل..

وجود الخبرة بين الشباب ضروريّ جداً..

الأعضاء ( مع الخيل ياشقرا ) يرددّون الكلام ذه ليس حباَ في الهلال .. كرهاً في الهلال ..

وأفلقني أنهم هلاليين .. يبون حالنا مثل منتخب الفضيحة .!!

ماقول الا الله يعين الذيب على الناس اللي مثلك يا.. ( المفهييييييي ) [/ALIGN]

سندريلا الزعيم · #9 23/07/2004, 10:32 AM

والله سالفة اعتزال سامي تضيق صدري مدري وشلون بعض الهلاليين يبونه يعتزل!!
يعني يبون يحرمون انفسهم ويحرموننا من الإبداع ..لييييه؟؟
رغم انه مولاعبي المفضل ..بس لاغاب عن مباراه أحس الملعب ناقصه شي ..
شوفوا المنتخب وشلون قبل لايعتزل وبعد ما اعتزل,,,وبتعرفون قيمته.

هلاهلو · #10 23/07/2004, 10:51 AM

عنوان موضوعك ماله داعي ....
ترى مهوب لازم تنزل موضوع في الشبكة ....

asheqalreem · #11 23/07/2004, 12:23 PM

[ALIGN=CENTER]لا تعليق

[/ALIGN]

هلالي يعني هلالي · #12 23/07/2004, 02:26 PM

ههههههههههههههههههههههههههههههههههه وينك من زمــــان ياللي كــاتب الموضوع صرااحة محتــاج لواحد مثلك يضحكني

مــــاأقول إلا الله يعظم أجر الذيب على اللي مثــــلك

وأقوووول بعد صدقني من أسلوبك وأعذرني أحس أنك تسمع بالكورة

أنـــــــــا بقولهــا عن كل هلالي يحب الهلال ويفهم في الكورة

[ALIGN=CENTER] " أتمنى سامي يبقى ثلاث مواسم قابلة للزيادة "[/ALIGN]

نــ11ــواف · #13 23/07/2004, 02:42 PM

[c]
جميع الردود تهجم على الكاتب دون مناقشة وجهة النظر أو معرفة وش السبب اللي خله يقول كذا عن سامي ...

يا ناس الرجال له وجهة نظر
[/c]

حبيب الشعب · #14 23/07/2004, 03:41 PM

ابشـــرك يــا المفهــي انــك اشتهــرت وجــاك ردود عــلى موضــوعك بس الشرهة مو عليك الشرهــة على الي مسكك جهــاز وقلــك اكتــب .

اي شخـص يدعــي انه هــلالي ويتهجــم على اي من صــالح النعيمة / يوســف الثنيـان / ســامي الجــابر فهلاليتــه نــاقصة ان لم تكــن معدومـــة رســـالة لاعضــاء الموضوعيــة

هلالي جمري · #15 23/07/2004, 03:43 PM

يا ناس اللي يبي يشتهر لازم يكتب مواضيع حلوة وجميلة

مو لازم يكتب عن سامي علشان يشتهر