مساكم الله بالخير والله ياجماعة الخير يوم رفع ابو ثني كاس النخبه قمت ادور في وسط الغرفه قلت الله يخالف هالحين هالشباب يبي يعبرون عن فرحتهم بأعمالهم اللي فوتو شوب واللي صور مادري منين يجيبونها واللي فلاش وغيره وغيره وانا اللهم لك الحمد يالله اقدر اضغط على المتصفح وعلى طول نط في بالي شقي المنتدى وحبيب الجميع سفر المرزوقي وقلت هالحين يبي يغثنا ويتحكم فينا ونقعد نحتريه واخاف بعد تروح سالفة موقع الشريده وفي لحظة قررت وكان القرار صعب علي جدا قررت اتعلم اسوي عرض وذلك لسببين حبي للهلال وابقهر عدوي اللدود سفر اللي قهرني ماسوى عرض للشريده وكان ماكان وساعدني الله في تجاوز لحظة الخوف وسويت هالعمل اللي اعترف انه ماهوب قدركم لكنه بدايه وحصل اللي حصل في الاسبوع الماضي مما جعلني اتأخر شوي اليكم العمل مع امنيتي انه يعجبكم واولكم استاذنا سفر المرزوقي (( والله احبك في الله )) يعني لاتزعل من اسلوبي تراه اسلوب شيبان اخواني / ماستغني من توجيهاتكم (( يعني اني صغير )) وآسف للإطاله http://geocities.com/tmran/alzaeem.swf |
أخوي شايب الهلال ،، بصراحة اذا اعتبرنا ان هذا العمل هو الأول لك ... فهو ممتاز ممتاز :) لكن ليه قصير ما تشوف سفر :D يسوي عرض لمدة تزيد عن الثلاث دقايق :) |
بدون مجاملات... بدون زعل... اكيد.. اقول... محاولتك جدا ناجحة.. وحلووة....انا عجبتني طريقة الاسامي مرة.. وبانتظار جديدك... لك تحياتي يا شايب الهلال... |
مساكم الله بالخير والله ياراسي صار اكبر من هالغرفه شكراً استاذنا الكبير الإعصار على هالإطراء وياخوي ويني ووين ابو مرزوق هذاك محترف وانا على باب الله ::::::::::::::::::::::::::: اختي عاشقة الهلال يازين ماعشقتي والله بس عشاق عشيقك ملايين يعني الله يعينك على الغيره صحيح طيحتي قلبي لكن في الأخير انبسطت شكرا مره اخرى وبارك الله فيك |
تسلم يالغالي:) وخذ هذا هديه ياشايب الهلال ( الله لايحرمنا منك) <embed width="600" height="450" src=http://d1d.net/1/abusami/2000.swf> |
ما طلع عندي شي |
اخوي كوميدي ترى شايب الهلال يمزح مع الغالي سفر والا خلصنا من الاعبين عودنا على أعضاء المنتدي ... (كل من يحب الهلال أخوي ولا يرفقنا حسد ) |
مساكم الله بالخير اخوي كوميدي عهدناك كوميدي تضحكنا وتدخل السرور الى قلوبنا بقصصك وقفشاتك ابو مرزوق لايختلف عليه اثنين والحقيقه ويعلم الله ان هذا رأيي قبل لايصير مشرف اقول رأيي ان سفر والاسطورة وطلال // حقيقة غايه في جمال التعامل والأدب ولااعتقد ان هناك ديموقراطيه اكثر مما نتعامل بها جميعاً في المنتدى بصراحه لم افهم ماتقصده ولكن دامك هلالي فانت على حق دائماً :::::::::::::::::::::::::::::: مجنون سامي 999999999 تبي تقهرن يعني وين انا وينك يابو الشباب اللي سويت هذا قاعداً فيه ليلتين الله يخلف يعطيك العافيه وتفيدنا انشاءالله |
تسلــــم اخوي (((شايب الهلال ))) على هذا العرض الأكثــر من رائع وان شا الله الجاي احلــــــــــــــى |
مساكم الله بالخير اخوي كوميدي اول شئ اسمح لي اقولك كوميدي الهلال لان في نظري كلمة هلال لها سحر وبريق لايقاومان ثانياً والله مادري عن المواضيع التي تتحدث عنها ولكن اسمحلي يالكوميدي انا متأكد كل التأكيد انه اذا تم رفع اي موضوع او تعديله لايقصد بكل تأكيد الشخص نفسه انما المنتدى له سياسه معينه وهي وبصراحه سبب نجاح هذا المنتدى انظر الى بقية المنتديات كلها سب وشتم موجهه الى نادي الهلال او الى غيره من الناجحين ولكن مالنتيجه نزول مستوى المنتدى الى الحظيظ مما يجعل كل من يحترم نفسه يتحاشى الدخول الى هذه النوعيه من المنتديات خلاصة القول ياصديقي ان عظمة هذا المنتدى بالسياسه المتبعه والمرسومه مسبقاً والحقيقه الاخرى هي الرقي الفكرى لدى المشرفين والذين بصراحه لم نلمس منهم الا كل تعاون وحرص على رقي هذا المنتدى وجعله بعظمة الزعيم اخيرا اود ان تعلم انه لاتربطني اي علاقه بين الأخوان سوى المحبه في الله وحب الهلال والسلام |
والله روعه ولا أحلى بس حبيت أسأل فيها مقطع موسيقي ولا لا؟ الله يسلمك يالرائع |
مساكم الله بالخير اخوي سفير الهلال عذراً فلايوجد اي مقطع صوتي انشاء الله مستقبلا |
بسم الله الرحمن الرحيم أخس يالشويب قمت تبدع اثرك تذاكر من ورانا اهب الحريف |
والله الصراحه ما شفت شي ويقولي ان الموقع ماتسجل في geocities ما ادري ليه؟؟؟؟؟؟؟؟؟؟؟ |
اخوي شايب الهلال ... لم اشاهد العرض وذلك لان موقع الجوستز عليه طلعات مدري وش تبي فمثلا انت وضعت العرض في السيرفر حق الجوستز ولكن لايظهر لدينا وهذي المشكله طلعلت كثير !! ولا نعلم ماهو السبب !! لذلك انصحك بوضع العروض و الصور في الموقع العربي الرائع : http://www.did.net |
الوقت المعتمد في المنتدى بتوقيت جرينتش +3.
الوقت الان » 06:26 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd