|
بدر بن عبد المحسن , و كفى
[ALIGN=CENTER]
البدر
مهندس الكلمة و تحفة المعنى
أصــر أن يسوغ الشعر الحديث بشكل آخر , شكل من اللهجة لغة , أتعب خـيالات عشاق الجمال اللغوي , و إن من البيــــان لسحرا ً .
من أحب فتاة لم يرها غير جبران خليل جبران يملك احساس مرهفـــا , و الكثير من الحب , و مكان في داخله للآخر , لقد أحب البدر في قصيدة فتاة قصة ضفائرها حزناً لعدم رغبتها في الزواج فأحبها من الحكية وقال البدر :
قصت ظفايرها .. ودريت
البارحه .. جاني خبر ..
أدري لبست خاتم عقيق ..
وتقرا لها كتاب .. عتيق ..
كتاب .. واظنه شعر ..
أحفظ أنا حجار الطريق .. اللي يودي لبيتها ..
واعرفها زين ..
واعرفها زين ٍ وانا ..
لا شفتها ولا جيتها ..
قابلتها صدفه .. على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..
حبيبتي .. يا حلم ..
ياللي أعرفك اسم ..
وجهٍ تصوره الحروف .. واتخيله ..
نجم ٍ احس انه قريب .. ما اوصله ..
انتي اللي اعرفه .. زين ..
واللي اجهله انتي ..
حبيبتي .. وياليتها ..
اعرفها زين وانا .. لا شفتها ولا جيتها ..
ابتعدت عن الشعر العامي رغم أنــــــي أحفظ الكثير منه بل أكتبه بشراههة , تبقت العربية مركز العشق المغنـــــــــــــــاطيسي الذي يجذبني له بقوة كالأعــصار , و بقى ذوقي منجذباً لهذا الإعصـــار الجمالي كالحشائـــــش الصفراء و الأعواد الصغيرة دون مقوامة تذكر .
[ALIGN=CENTER]لكن البدرقارع اللغة العربية في ساحــة ذوقي و أرآئي .[/ALIGN]
قبل أن يقال شعــر البـــدر , تجد الشعــراء يصفون صفوفــاً , وبعد أن يقال شعر البدر تجدهم يأخذون من كلماته كلمة فيبنون من كلمة البدر قصيدة كاملة .
لن أقول عنه أنه أشعر الشعــراء بل سأقول رأيي الصريح بأنه ملهم الشعراء .
من شبه المرأي بالمسموع فهو شــاعر :
- كأن السما صوت , من الذعر مبحوح
من أحب القصيدة و الحبيبة فهو شاعر :
انتي الجنوب و انا الشمال ما بيننا بحر و رمال , لكن نحب , والله نحب
فوق الخيال , صعب السؤال .
قصيدتي , وين الحروف جف القلم ؟
يا ضايعة في برد الكفوف , رعشة ألم
قصيدتي إلا الندم
بتسافري وانتي معي و بترجعي وانتي معي
قصيدتي لا تسمعي غير القصيد
يا ساكنه في ورق الحشى , و , حبر الوريـد .
من يفــــاجئ المفراق بطلب سخيف لمعناً كبير , فهو شاعر :
- مفارق ؟ والذي خلاك لحظة , أبطفي مصباحي
تعرى الدمع ســـــــاعدني , ألبسه الظــلام ثيــاب
من طلب المستحيل للفراق بأدب فهو شاعر :
تخير غير هذي الأرض , مكان به تواعدني
تخير لك زمان صعب يعرف الكون تفسـيرة
من لا يعتذر عن مشاعره فهو شاعر :
أبعتذر عن كل شي الا الـــهوا , مـــاللهوا عندي عذر
ابعتذر عن كل شي الا الجراح , ماللجراح غير الصبر
( المقصود أن الجرح مهما تعمق لن يمحوة العذر لكن الوقت )
من خرق القواعد , وقال شعرا لا يفهمه الا من عاش تجاربه فهو شاعر :
لا انتي وردة , ولا قلبي مزهرية من خزف
صدفة وحدة جمعتنا شوفي وشلون الصدف
التقينا في مدينة , و فرقتنا ألف مينا
اغفري الريح , و الموج و السفينه
من يمزق قلب السامع بعزته , فهو شاعر :
الله يعلم , حاولت أسند على كفي السما , و اناظر الشمس
حاولت ما غمض عيوني و نفترق , حاولت ما اغمض
وقلتي جفنك , عسى ما يحترق , حاولــــــت ما اغمض
آه لو تدرين , عود العاشق حزين يمشي على خد و جبيــن
لا باس يا القلب الشجاع , ضــــــاع الأمل مالك عذر
من لمسة عيوني الشعاع , رمحي انثنا وقلبي انكسر
من يخــتزل كلام الصحف و البرامج الوطنية و الكتب التاريخية في بيت فهو شاعر :
- احنا ورثنا العز , عظم و غضاريف , لا ماورثنا العز تاج و قطيفة
من قارع المتنبي في تبجيل النفس قبل الموصوف ليبرز قيمة المدح للممدوح فهو شاعر :
- ان مــــــــــا جمعت النور , من كل وقاد
و طــــــوقت بنجوم المجرة بناني
و إن ما نثرت روح الورد في مدحك مداد
ما أقول أنا هام القصايـــد مكاني
من زرع من الرومانسية في الرمل فهو شاعر :
- ظماي انت , و من يعشق ظماه غيري ؟
جروحي انت , و من يكره دواه غيـــري ؟
اسقني لو ما رويت
داوني لو ما شكيت
ماهقيت , إني أعطش في حياتي لغيرك إنت .
من خلط حكمة الشافعي بغزل الصمة القشيري فهو شاعر :
- لو الشـــجر له نصيب في بارد ظلاله , ما حرق الشوق جفني و انت بأهدابي
من خالف المشبهين , و جعل الشبه مشبه به فهو شاعر :
الما عيوني , اظهريني من المـا , انا غريق الدمع و الريق يابــس
ظميان من مثلي من الناس يظما , وانا على أحلى الينابيع حــارس
من رفض , فهو شاعر :
أرفـــض المسافة , و السور , والباب , و الحارس
أرفـض الصورة على الرف البعيد
و وجهك المحبوسفي ورق وحديد
أرفض إحساس الحبر ,و جرح سكين السطر
أرفض الليل و الحصار حبنا خلف الجدار
مثل البكى حبيبتي تحتاجني تحت الظلام
مثل الفرح حبيبتي تحتاجني وسط الزحام
الحب علمها السكوت و الحب علمها الكلام
من قلل الكلام في كلمات كأنها كلمة لسهولة النطق فهو شاعر :
- ياما عطيت , و للعطا كنت الأحوج
يا سادة يا كرام , يأبى البدر إلا أن يتعب الشعراء بعدة , إنه ثروة الشعر الغير مقدر و قدرة الإبداع المبرر , البدر قال فوق هام السحب و إن كنتي ثرا , لا تردين الرسايل وش أسوي بالورق , صوتك يناديني تذكر , عطني المحبة ( بعدها قال محمد العبدالله الفيصل لم لا يأخذها البدر ) , و قال البدر الكثير الكثير مما لا تتخطفة أيدي النسيان .
و الحديث عن الرسايل و خصلة الجديلة ذو شجون , قال البدر عن ذلك :
صحيح اني انسى الحوداث.. والملامح .. والأسامي
لما أكتب عن آلامي .. شعر ابعد ما يكون ..
عن مجرد جرح دامي .. والأساور .. والمرايه .. والهوى القاسي الحنون ..
عندي هموم القصيدة .. غامضة .. صعبة .. عنيده ..
وانت عاشق للوضوح ..
يتعبك بحري ظلامي ..
ودك بسري أبوح .. وانا آخر همي بوح ..
تكفى لا تزيد فـ خصامي .. وقلي ما تفهم كلامي ..
انا انسى .. الحوادث .. والملامح .. والأسامي ..
2
لما أكتب أغنية مثل (الرسايل ) .. وانا أكذب ..
والخيال العذب كذب ..
كنت لازم أخفي سري وما اقول ..
إن هالمرة شعوري .. هو خيالات الحقول ..
تطرد اسراب الطيور .. عن حقيقة .. عن شعور
ما هو في حب السنابل .. انما تحت الجذور ..
كسروا العشاق بابي .. قطعوا لحمي ثيابي ..
خلعوا الأدراج .. طاحت مزهرياتي الجميلة ..
شققوا جفني كتابي ..وسألو وين ( الجديلة )
( وبسمة العين الكحيلة ) .. ما لقوا في بيتي إلا ..
ما لقوا في صدري إلا.. مالقوا في قلبي إلا ..
أمنياتي المستحيلة ..
وإني احلم .. بس أحلم ..
3
أعبر الشارع معاي .. في الرصيف الثاني قهوة ..
فيها اربع طاولات .. وحده اجلس فيها وحدي ..
ووحده للي يجي بعدي .. ووحدة لأجمل حرف عندي ..
أما رابع وحدة دايم للي مات ..
زحمة .. لكن كل من في القهوة ربعي .. كلهم ..همي ودمعي ..
ليه ما تجلس مكاني .. وهذا شوفي .. هذا سمعي ..
أطلب اقلام ودفاتر .. حاول اكتب عن حقيقة ..
ما هي وجه .. ولا مكان .. ولا دقيقة ..
أدخل الزحمة فـ ضميرك ..
لا تلفّت .. وانت ما في القهوه غيرك .. غمض الدنيا ..
وأكتب .. وإن سأل في يوم سائل .. عن معاني .. عن شعور ..
قله مابين السطور ..
وإلا تدري .. قله أكذب
موسوعة الأفكار القصائدية , قتل آخر أنفاس عدم رغبتي في سماع القصيد بالعامية في قصيدته الأسطورية : جمرة غضى
جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب
قد توضح البدر لكم , إن لم يكن واضحاً , لكن قطعتان من الإبداع للبدر , لا أتمنى أن تنسوها من ذاكرتكم :
يا رامي المـاء .. بالحـصا.. لأجـل الـدواير.. تكـبر..
لا تـوجـع المـاء .. أكــثر.. هـذي حـدود .. الـمـاء..
و أخيراً , ينفذ البدر ابداعه في العمودي ليتراجف العموديون خوفاً من أن يهدم البدر عليهم ما بنوه طيلة حياتهم في كلمة و لم يعرفوا ان البدر يخط خطاً آخراً في تاريخ الإبداع , لكن لكم أحد العموديات المقلقة
سافري كان يرضيك السفر
____ جربي لو ورى ليلي صباح
بدلي الرمل بأمواج البحر
____ واتبعي الغيم تحملك الرياح
سافري لين تبكين المطر
_____ واضحكي لين ما يضيق البراح
ولا تعبتي وحسيتي بضجر
_____ خلي الشوق لديارك جناح
أرجعي في ابتساماتك عذر
_____ مثل ما الدمع في عيني سماح
انتي العين من طول النظر
_____ وانتي القلب من كثر الجراح
بدر بن عبد المحســــن , و كفى[/ALIGN] |
,,,
الوضع العادي
