السلام عليكم أحبائي ورحمة الله وبركاته : ثم أما بعد فيشرفني أن أشارك بهذه الزاوية والتي أعلم مسبقاً أنها لن تروق للبعض فرضاء الناس غاية لاتدرك ولكنها مجرد دردشة واستراحة قصيرة بعدما أتممتم التصفح في مواضيع الأخوان الدسمة والرائعة ، فإن نالت هذه المشاركة بعض الاستحسان فهذا اقصى طموحي وإن أثارت الاستهجان فما عليكم سوى إغلاق هذا الاطار وسامحوني : الورقة الأولى (( لكم أنتم )) : بدخولكم يرتــاح قلبــي صراحـــة 00000 طبع القلوب بوصل الاحباب ترتــاح ماكان قصدي غير وقت استراحه 00000 واقصى طموحي حين تلقون الافراح الورقة الثانية (( لمحبوب الجميع = نواف التمياط سلمه الله وعافاه = )) الحمد للمولــى علـى كل الاوضـــاع 00000 نرضى بحكمه في جميع المواضع سلامتك ( نواف) من كل الاوجــــاع 00000 يالله عسى ترجع وتنسى المواجـع لك نجم بارز فــي المياديــن لمـّــــاع 00000 من بينهم لك نجم عالي وساطـــع انصاب فيك الفن ، وانصاب الابـداع 00000 وانصابت الطيبة ومعها التواضـع وانصاب قلبٍ مختنــق بين الاضــلاع 00000 وانصابت عيونٍ تسح المدامـــــع حتى المعـــاق اللي لشكواه تنصــــاع 00000 صارت خدوده من دموعه شوارع كل الملا حبوك ، مــن كل الانــــواع 00000 بانت غلاتك يوم حـــان المــوادع الورقة الثالثة : تمثل شخص كان يرى في جليسه كل معاني الثقة ولكنه يكتشف أنه لم يكن يستحق ما أعطاه من الثقة (( يعني طلع أي كلام )) فقام يعصر مخه عشان يطلع هالعبارات الساخرة : عطيتك كل معنـــى للثقـــة ، لكنّه المكتــوب 000 خسارة فرحتي يوم احسب انك درعي الحامي فرحت وكني الحارس بمحور يرقب الشلهوب 000 وثقت وكني الحارس بحيطة خلفها سامــــي عرفتك غادر وتشبه طباعك شوت ابو يعقوب 000 لعبت بفرحتي لعب السراب بفرحة الظامي الورقة الرابعة : شخص يعبر عن عشقه للهلال ولكن بمنطق مختلف وغريب !! : يميـــل لك قلبي تقــل ( برج بيـزا ) 0000 ويدق لاجلك مثل دقات ( بيق بن ) ياللي دخلت القلب من دون ( فيزا ) 0000 ضيف وعزيز وجيبوا الهيل والبن تقسم فؤادي وقسمتك فيه ( ضيزى )0000 يطيب منك الظلم ، لوكان يغبـــــن الورقة الخامسة والأخيرة : (( فضائياااااااات )) أولا : برنامج ((( بلا حدووووووود ))) ياســامي اهديك باقـــات الورود 00000 يسلم لسان الذي سماك ذيب يا كايد النصر كيـد ( بلا حدود ) 0000 ياكايد أهل الثمامـــة لاتغيب لا تلتفت يم تصريـــح الحقـــــود 0000 سدد قذايف ومن ربي تصيب ثانياً : برنامج ((( الاتجااااااااااه المعااااااااااكس ))) النصر ضاع وعاشقه في الهوى ضاع 00000 راسه ومن كثر الخجل صار ناكس يترك طريق أهــل التفـــوق والابــداع 00000 ويسير صوب (( الإتجاه المعاكس )) أخيراً أستودعكم الله أحبائي ولنا لقاء بإذن الله تعالى . أتمنى من الله العلي العظيم الوهاب الكريم أن يوفق الهلال وأبناءه في مشوارهم نحو الكأس فأنه نعم المولى ونعم المجيب . أخوكم ((((( الشويعر )))))) |
حلوه مره وما اعجبن فيها الا يميـــل لك قلبي تقــل ( برج بيـزا ) 0000 ويدق لاجلك مثل دقات ( بيق بن ) ياللي دخلت القلب من دون ( فيزا ) 0000 ضيف وعزيز وجيبوا الهيل والبن تقسم فؤادي وقسمتك فيه ( ضيزى )0000 يطيب منك الظلم ، لوكان يغبـــــن |
<FONT color="#5000FF">صح لسانك يالغالي0</FONT><FONT color="#0056FF">وجهز قصيدة ليوم الخميس بمناسبة فوز الهلال ان شاءالله0</FONT> |
صح لسانك |
رائع اخوى الشاااااااااعر واستسمحك في وضع بيتين الاتجاه المعاكس في توقيع لكن بعد الفوز انشاء الله ,,,, |
على ما قال يوسف سيف معلق الاوربت حللللللللوه |
إبدااااااااع يالشويعر تكفون الله لايهينكم لا تحرمون منتدى المواضيع المميزة من هالموضوع :). اذا كان ماعندك مانع يا اخوي اباخذ بعض الأبيات واحطها في تصميم واسمك بيكون موجود وإذا ما بغيت عادي طقها في وجهي :) وقل لا |
صح لسانك والله يعطيك العافيه .. بجد فلاً رائعه وكذب من سماك الشويعر .. وأنما أنت الشاعر بحق وحقيقه |
صح السانك ابدااااااااااااااااااااااع ليست فن ولكن فوق الفن :D وتعجبني المواضيع الي زي كذا واسمحلي اقولك موضوعك ناجح 100% واتمنى انك تستمر فيه هذا رايي في موضوعك فما راي الاخوه الاخرين |
والله ولا أروع وزاويه ولا أحلى يعني كل مره راح نشوف مثل هالأبداعات ياسلام |
أخي الكريم ابو هلال تسلم وتدوم وشكرا لك . أخي الكريم aszq2001 صح بدنك يالحبيب وبإذن الواحد الأحد نحتفل سوياوشكرا لك . أخي الكريم الهلالي صح بدنك وشكرا لك . أخي الكريم حبي تيماوي تسلم وتدوم وأنت أروع وتامر أمر على أي شي تبي ويارب نفوووووز ولك شكري . أخي الكريم 9smsm9 أنت أحلا وأشكرك أيها الحبيب . أخي الكريم ( النمر وبس ) أيها الحبيب أشكر لك شعورك النبيل ولو ان الموضوع ما يستاهل تعبك أبد وماعاش اللي يطقها في وجهك 00 انت عزيز وغالي وأشكرك مرة أخرى . أخي الكريم الزعيم الهلالي صح بدنك ويارب يعافيك أيها الغالي شكرا لك . أخي الكريم ][عاشق$الهلال][ صح لسانك عزيزي وأشكرك على شعورك الجميل . أخي الكريم سفير الهلال الله يعطيك العافيه حبيبي وسأحاول بإذن الله شكرا لك . أسأل الله العلي القدير أن يوفق الزعيم |
والله روووووووووووعه وابدااااااااااااااع مشاء الله تبارك الله الله يستر ياخوفي ننحسد عليكم يا اعضاء المنتدى المتميزين والله هذي ميزة منتدى الهلال والله يعافيه اللي جمعنا بها الوجيه الطيبه وها المهارات اللي كانت مدفونه والله يخليك لنا يالشويعر وشكرا..................... |
اخوي الرائع الشويعر ..... من هذا و احسن و اكثر نبغى منك تكفى ...... |
حلوووووووووووووه مررررررررررررررررره تسلم والله على المشاركة الجميلة والرائعة صراااااحه أتمنى مثل هذا الموضوع مره ثانية ، وعلى فكره أنا ما قفلت الاطار مثل ماتقول بالعكس طبعت الصفحه بعد والله انك رهييييييييييييييييب وتقبل تحيااااااااااااااتي |
ماقصرت والله يا الشويعر ... اكرمتنا في استراحتك .. عساها دوم ان شاء الله .. :) موضوع رائع .. كصاحبه ;) تحياتي .. |
الوقت المعتمد في المنتدى بتوقيت جرينتش +3.
الوقت الان » 02:00 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd