لماذا لايتم الكشف على المنشطات في المربع ؟؟؟؟؟؟؟؟ - نادي الهلال السعودي - شبكة الزعيم

محمد ابولما · #1 17/04/2001, 02:46 PM

طيب الله اوقاتكم جميع

الجيران عيني عينك جايبين خبير منشطات وابر (الله يستر على صحة عيال الناس )علشان مباريات المربع واشوف واقراء اكثر من صحفي في اكثر من مطبوعه يطالبون بأجراء كشف على المنشطات على الأقل في المربع ,,,,,منذ سنوات .

وش المانع ؟؟؟؟؟؟؟؟
وليش لا ؟؟؟؟؟؟؟؟؟؟؟؟؟؟؟؟؟؟؟
وليش يسمح بأحضار طبيب منشطات عيني عينك !!!!!!!!!!!!!!!!!!!!!

الحقيقه انا اشد على يد الأخوان المطالبين بهذا الكشف على الجميع ,,

scream · #2 17/04/2001, 02:54 PM

اخوي ابو لما ...
كلامك عين العقل , بس ربعنا يحبون الستر و ما يحبون الفضايح .

9smsm9 · #3 17/04/2001, 02:57 PM

يا رجال لو يتعاطون اللي يبونه ويلعب الهلال بروحه المعهوده كان شفتهم متسدحين ما يدرون الكوره وين هي معه

جار القمر · #4 17/04/2001, 03:13 PM

وش بعد العسل والفاصوليا

هلال 2001 · #5 17/04/2001, 03:19 PM

يعني ما تدري ليش ، مع انها اوضح من الشمس

السكوت على القذف ، واتهام الآخرين بالرشوة ، والتواطيء ، واتهام اعضاء اتحاد كرة القدم ، والتخاذل الصريح من الحكام . كل هذه مجتمعة محصورة في شخصين رئيسيين مهمتهما اثارة المشاكل ، وعمل المستحيل لتغذية الحسابات البنكية ، اصحاب القروض الحسنة على لاعبيهم .
وفوق هذا التستر على فضائحهم وتبيهم يعملون اختبار للمنشطات ، اعتقد لو كان المرحوم فيصل موجود لأمكن عمل هذا . ولكن ................
على العموم اتحاد كرة القدم خايفين من النتيجة وبعدين يصير موقفهم يا حبة عيني بايخ بالمره .
لذا اقول توكلوا على الله ومن يتوكل على الله فهوحسبه ، والله مطلٌع على خفايا الامور ، ولن يحلموا انشاء الله بالبطولة ان كان هذا عملهم ، ومن غشنا فليس منا .

المــalmojــوج · #6 17/04/2001, 04:38 PM

خبير المنشطات المدعو سارميتو دائما ما يحضرونه في مباريات المربع
وش اكبر من فضيحة فيكتور الذي فضحهم وقال انهم يعطوننا منشطات
وذلك في تصريح له في جريدة الحياة قبل 3 سنوات

محمد ابولما · #7 17/04/2001, 09:26 PM

scream الفضيحه هلي قاعدين يسونه جيران الزعيم ولا حسيب ولا رقيب

smsm9 عسى الله يجيب هالروح اللي راحت مع الأجهاد

جار القمر اما هذه ام النوادر

هلال 2001 برضه وجهة نظر

الموج 2000 كلام سليم ولقاء موثق لكن ؟؟؟؟؟؟؟؟؟؟؟؟؟؟؟؟
هو فريق المحميه يجب ان يحمونه ويجب ان تمر كل فضائحه مرور الكرام

هلاليوووو · #8 17/04/2001, 09:42 PM

فعلا..لازم يكون فيه كشف..الدنيا مهيب فوضه..اوكي قلنا الاتحاد السعودي معطينهم وجه..لكن عاد مهيب بتله..!!

وصلت المواصيل الى المنشطات والابر..لا والله فلحنا..!!

نطااااااااالب وبكل قوه باجراء هذا الكشف..!!

مع انهم ماهمونا..والله لو يتحولون جحا وحميره لطيارات ماطقينا لهم خبر..حنا ان شاء الله وبحول واحد احد فايزين..

لكن المشكله ان هذي الامور ممنوعه وتعتبر فضيحه للكره السعوديه(اذا) صحت الاخبار بأن لاعبين النثر يتعاطون المشطات في هذا الوقت الحساس..!

السلطاني · #9 18/04/2001, 12:06 AM

ضحكتني يابو لما
أولا : لن يجرى فحص منشطات لأن النصر سيكون أكبر المتضررين

ثانيا : لو أجري فحص وتم إدانة أحد النصراويين سيتم التشكيك بالفحص وأنها مؤامرة ضد النصر وسيتم حل لجنة المنشطات بناء على شكوى النصر!!!!!!!!

ثالثا : لو تشدد الإتحاد السعودي في قضية المشطات وعاقب أي لاعب مهما كان فريقة!!!! سيكون أحد أمرين
أ- هبوط النصر للدرجة الأولى
ب- إدارة النصر تقوم بحل نشاط كرة القدم !!!!!
والأهم أن فحص المنشطات لمصلحة كرة القدم السعودية وتطورها

ابوسليمان · #10 18/04/2001, 12:14 AM

انا معك باجراء اختبارات عن المنشطات في كل حقول الرياضه0

سور الصين · #11 18/04/2001, 12:22 AM

أخوي ابو لما
خير يا طير واذا اكلو منشطات ويش يبي يصير
الكنج يبي يصير الدعيع !!!!
والا حلوي يبي يصير الدوخي!!!
والا جهوي يبي يصير الشلهوب !!!
والا القرني يبي يصير ابو يعقوب !!!
والا علي بليد يبي يصير الذيب !!!
والا جحا يبي يصير الشيخ عبدالرحمن بن سعيد !!!!

خلهم يأكلون بيديهم ورجليهم والين يشبعون وترى ياأخوي الشق اكبر من الرقعة !!!
وأسف ياخوي اني رديت عليك بالعامية لاني ودي أغير الروتين والمعنى في بطن الشاعر !!!!

وتحياتي للجميع

محمد ابولما · #12 18/04/2001, 01:01 AM

سور الصين والله انك ضحكتني ومو جاي على بالي ,,,,,,,
يا اخي العزيز : القضيه ماهي اش بيصيرون القضيه صحة اللاعبين اولا وثانيا هذي اشياء مالهادخل في الرياضة .....

aszq2001 يارب

السلطاني وجهة نظر فيها الكثير من الحقائق لكن ينزلون لدرجه اولى والا ان شاء الله عساهم ينزلون للثالثه هم احسن من النهضه في ايش

هلاليووووو وجهة نظر والله يسمع منك ياالله

البحري · #13 18/04/2001, 01:19 AM

مساء الخير على الجميع
يالربع خلو الطابق مستور .ترى الامور سفرة عندنا وعندغيرنا. والله يستر؟؟؟؟؟!!!!!!!!

زعيم الابداع · #14 18/04/2001, 01:34 AM

لم نسمع ان احد لاعبي انديتنا يتعاطى منشطات

لانه تخل بموازين المنافسه الشريفه ولبحثهم لكسب وقتي يذلهم اكثر من ان ينفعهم

لانهم في حال اكتشافهم ستكون فضيحه للكره السعوديه لانهم محسوبون علينا

لكن لابد من الاتحاد السعودي تدارك الامر لان سمعة الكره السعوديه اهم

من ما يفعله ذوي التغطرسات العمياء ولافعال المشينه

الله يرحم فيصل العدل منذوا موته والكره السعودي مكانك سر

لو يأتون بأقوى المنشطات لن يفعلو مع نجوم الزعيم اي شي

سوء البكاء على الاطلال ورثاء حالتهم

لا ولا ولا لغير الهلال · #15 18/04/2001, 07:45 AM

الاتحاد السعودي وحسب معلوماتي سيد العارفين والا بايش تفسر عدم وجود لاعبيهم بالمنتخب