|
قبل مبارة الهلال والنصر واللي تتميز بالأعصاب وضيقة الصدر والحراره وكثرة زيارة دورة المياه وانتم كرامه .ابقولكم قصة حصلت لي . يوم مباراة الهلال والرياض واللي انتهت 6×1 للهلال كان النزهان في ذيك المباراة اللي حضرها مبدع ابداع مهوب صاحي ولا ربورتو كارلوس , المهم يوم طلعت من الملعب رحت لمطعم ابي آكل لاني ماتغديت المهم طلبت من المطعم جاء راعي المطعم عطاني كوبونين مسابقه اثرهم حاطين مسابقة بالمطعم وقال لي عب الكوبنين ترى السحب بعد شوي انا يحول من يوم عرفت نفسي وانا ماغير مشاركه بهالمسابقات ولا كد فزت وعبيت الكوبونات بس مادري وش اكتب الاسم اكتب اسمي وانا حظي شين قلت خلني اكتب النزهان لانه اليوم مبدع (طبعا الكبون جزئين تقصه وتاخذ الثاني ولايهمهم الاسماء لانهم يطابقون ارقام الكوبونات ) المهم كتبت الاول النزهان قلت الثاني وش اكتب قلت مافيه غيره الثنيان الله لايخلينا منه . اخذت الكبونين وحطيتهن بالصندوق , وبعد شوي جاء السحب سحبوا اول عشره على مسجلات صغيره صينيه يعني سياحيه امر يطلع اسم الثنيان امر اتشقق من الفرحه يالهي اول مره افوز مو معقول بغيت امشي وانا فرح ركبت السياره تذكرت ان باقي معي كوبون حق النزهان قلت يارجال لاتصير طماع خذ المسجل لاترجع للمطعم همن يهونون يسحبون منك الجايزه لسبب ما اعرف حظي . المهم قلت ارجع والا ماارجع بالاخير رجعت للمطعم وهم مازالوا يسحبون على هالمسجلات الصغيره .يوم جاء السحب على الجائزه اليوميه الكبرى وهي ستريو قيمته بـ1000ريال وطبعاً مايفوز به الا واحد . امر يجيبون بزر يسحب يوم سحب للآسف ماطلع اسمي طلع فاضي اجتمعت لجنة الحكام وقرروا ات الكبون الفاضي يستبعد . سحبوا كوبون ثاني ماطلع اسمي ........ .. .... . .. ..من طلع اسمه ... .... انا ناسي من حاط اسمه... .......ينادي راعي المطعم على الاسم الموجود بالكوبون...... .... .. .. .. . .ينادي الأخ محمد النزهان.. . .. وانا فاق اثمي مادري وش السالفه...ناسي اني كاتب اسم النزهان يوم جو يسحبون واحد ثاني قلت انا ايه انا محمد النزهان جاء واحد ملقوف قال ياخي ماتشبه له . قلت وش دخلك ولد خالتي . مع ان ولد الخاله غالبا يختلف باسم العائله بس مشت عليه هالملقوف اللي نشب لي الين ركبت السياره وهو يقول ياخي قل للنزهان لايحتفظ بالكوره وقله لايناول لطف خله يناول الثنيان وقله وقله وقله وانا اقول خلاص اوكيه وانا شايل الستريو الثقيل فوق راسي حتى نسيت الطلب ونمت ماتعشيت من الفرحه . راحت الايام وحطيت الستريو عندالشباب بالاستراحه وانا اتمنن عليهم اذا احد قال شي اقول له اسكت ترى اباخذ الستيريو, من بكرا انسرقت الاستراحه وراح كل عفشنا وراح الستيريو ليت حدا الشباب تكلم والا تهاوش معي ذيك الليله علشان كنت اخذ الستيريو لانه عزيز علي (واحد نصاب) المهم حرمت آكل بمطاعم والا اشترك بمسابقات والا احط شي غالي بالاستراحه والا اقط باستراحه بس اللي ماحرمته وعجزت احرمه هو حب الهلال وحضوري بالملعب . ومع السلامه ياستيريوي وينك هالحين وش تلقاك هالحين انت بالحراج والا برا المملكه والا عند بزر قاعد فوقه والا عجوز تحسبه ثلاجه والا شايب يحسبه تلفزيون والا بنت تحسبه كمبيوتروالا والا والاوالاوالا...........آآآآه ( ماتلاحظون ان الستيريو جايني ببلاش ومسوي زحمه) |
هذا وأنت حظك شين... الله لا يهينك يالغالي, اذا بغيت تروح مره ثانيه لأي مكان فيه مسابقه قلي علشان أروح معك. هذا وأنت ماتفوز وآخرتها فزت بجائزتين... أجل لو أن حظك زين بتاخذ كلش:):) |
ههههههههههههههههه حلوه ابو نزهان بس لو اني منك كان ما كتبت اسم النزهان اكتب اسم : سعيد العويران ابو حظيظ والا عبيد الدوسري اتوقع لو انك كاتب واحد من ذا الاسمين كان فزت بسياره ولو الجائزه الاولى استريوا لكن بذا الاسمين بتفوز بسياره وش لون لا تسألني وشكرا............... |
أعطيني حظ ورميني بحر ,,, ماشاء الله تبارك الله , الله لا يضرك :) . |
ياجماعه انا ما حطيت اسمي لاني لو حاط اسمي كان مافزت انا عارف وين الحظ اللي تقولون على العموم ابحط اسمائكم المره الجايه ..... |
جمجمة الهلال ما شاء الله عليك .... بس اذا تبي اللي ينظمون المسابقة يعاقبونك اكتب اسمي ... |
سلمني على ابو نزهان !!! السلالالالام عليكم : جمجمة الهلال ...والله شي :) حلو ....بس الله يعوضك خير :):):):) تحياتي & اشواقي |
احمد ربك انك ما حطيته في البيت كان انسرق البيت :) |
والله حلوه تصدق عاد طيب وش سويت بالمسجل حق أبو يعقوب عسى ماكان في الأستراحه؟ |
ههههههههههههههههههههه والله حلو اجل اذا صار فيه مسابقة محمد النزهان ان شاء الله نفوز وشكرررررا |
سفير الهلال تصدق المسجل حق يوسف الثنيان ماادري وينه الى هالحين..... يارجال اشوى اني مانسرقت انا بكبري |
الله يخلف علينا , كل هذا و تقول ما فيه حظ , اللهم لا حسد . |
يلعن ابو الحظ ثاني مرة بكتب اسم النزهان |
ههههههههههههههه بس حلــــــوه ولد خــالتي :):):):):):) |
حلو حلو ما شالله اكيد ان هذا اللي نشب لك عطاك عين في الستيريو وخلاه يروح هههههههه.......,,,,,,,,, |
| الوقت المعتمد في المنتدى بتوقيت جرينتش +3.
الوقت الان » 03:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd